ಬಾಲಿವುಡ್ ನಟ ಇರ್ಫಾನ್ ಖಾನ್ ಬುಧವಾರ ನಿಧನರಾಗಿದ್ದಾರೆ. ಆದರೆ, ಸಿನಿಮಾ ಕರಿಯರ್ನಲ್ಲಿನ ಅವರ ಒಂದೊಂದು ಸಿನಿಮಾ ಕೃಷಿ ಅವರಿನ್ನೂ ಬದುಕಿದ್ದಾರೆ ಎನ್ನುತ್ತವೆ. ಒಂದಕ್ಕಿಂತ ಒಂದು ಭಿನ್ನ ಪಾತ್ರಗಳು, ಪ್ರಯೋಗಗಳಿಗೆ ಹೆಸರಾದವರು ಇರ್ಫಾನ್. 1988ರಲ್ಲಿ ‘ಸಲಾಮ್ ಬಾಂಬೆ’ ಸಿನಿಮಾ ಮೂಲಕ ಬಾಲಿವುಡ್ ಕದ ತಟ್ಟಿದ್ದ ಇರ್ಫಾನ್, ಪಾತ್ರಗಳ ಮೂಲಕವೇ ಗುರುತಿಸಿಕೊಂಡರು. ಪ್ರಶಸ್ತಿಗಳ ಮೇಲೆ ಪ್ರಶಸ್ತಿ ಬಾಚಿಕೊಂಡರು. ಕೇವಲ ಬಾಲಿವುಡ್ಗೆ ಸೀಮಿತವಾಗದೆ, ಹಾಲಿವುಡ್ ಸಹ ಕಂಡು ಬಂದರು.
ಅದೇ ರೀತಿ ಪೋಷಕ ಪಾತ್ರ ನಿಭಾಯಿಸುವ ವಯಸ್ಸಲ್ಲಿ ನಾಯಕನಾಗ ತೆರೆಮೇಲೆ ಕಾಣಿಸಿಕೊಂಡು, ತಮ್ಮದೆ ಮ್ಯಾನರಿಸಂನಿಂದಲೇ ಕೋಟ್ಯಂತರ ಅಭಿಮಾನಿಗಳನ್ನು ಸಂಪಾದಿಸಿದ್ದರು. ಹಾಗಾದರೆ, ಇರ್ಫಾನ್ ಕರಿಯರ್ನಲ್ಲಿ ಬೆಸ್ಟ್ ಸಿನಿಮಾಗಳು ಯಾವವು ಎಂಬುದನ್ನು ನೋಡಲು ಹೋದರೆ, ‘ಪಾನ್ ಸಿಂಗ್ ಥೋಮರ್’, ’ಲಂಚ್ ಬಾಕ್ಸ್’, ‘ತಲ್ವಾರ್’, ‘ಮುಕಾಬುಲಾ’, ‘ಪಿಕು’, ‘ಬ್ಲ್ಯಾಕ್ಮೇಲ್’, ‘ಹಿಂದಿ ಮಿಡಿಯಂ’, ‘ಸ್ಲಂ ಡಾಗ್ ಮಿಲೇನಿಯರ್’, ‘ಲೈಫ್ ಆಫ್ ಪೈ’, ‘ಹಾಸಿಲ್’, ‘ಹೈದರ್’ ಸಿನಿಮಾಗಳು ಪ್ರಮುಖವಾಗಿ ಕಾಣಸಿಗುತ್ತವೆ. (ಏಜೆನ್ಸೀಸ್)