Window Seat: ಬಸ್ ಆಗಿರಲಿ, ರೈಲು ಆಗಿರಲಿ, ವಿಮಾನವೇ ಆಗಿರಲಿ... ಟಿಕೆಟ್ ಬುಕ್ ಮಾಡುವಾಗ ‘ವಿಂಡೋ ಸೀಟ್ ಸಿಗುತ್ತಾ?’ ಅಂತ ನೋಡೋದು ಹಲವರ ಅಭ್ಯಾಸ. ಕಿಟಕಿಯ ಪಕ್ಕ ಕುಳಿತು ಹೊರಗಿನ ದೃಶ್ಯ ನೋಡುತ್ತಾ ಪ್ರಯಾಣಿಸುವ ಅನುಭವವೇ ಬೇರೆ. ಆದರೆ ವಿಂಡೋ ಸೀಟ್ ಮೇಲೆ ಇಷ್ಟೊಂದು ಕ್ರೇಜ್ ಇರೋದಕ್ಕೆ ಕೇವಲ ಹೊರಗಿನ ನೋಟವೇ ಕಾರಣವಲ್ಲ.
ಮರಗಳು, ಬೆಟ್ಟಗಳು, ಹೊಲಗಳು, ನಗರಗಳು ಅಥವಾ ಮೋಡಗಳ ದೃಶ್ಯ ನೋಡುತ್ತಾ ಕುಳಿತರೆ ಪ್ರಯಾಣದ ಸಮಯ ಬೇಗ ಕಳೆಯುತ್ತದೆ. ಜೊತೆಗೆ, ಕಿಟಕಿಯ ಪಕ್ಕ ವೈಯಕ್ತಿಕ ಸ್ಪೇಸ್ ಸಿಗುವುದರಿಂದ ಆರಾಮವಾಗಿ ಕುಳಿತುಕೊಳ್ಳಲು ಅಥವಾ ನಿದ್ದೆ ಮಾಡಲು ಸಹ ಅನುಕೂಲ.
ಪ್ರಯಾಣದ ವೇಳೆ ಬದಲಾಗುತ್ತಾ ಇರುವ ದೃಶ್ಯಗಳು ಮಿದುಳಿಗೆ ಹೊಸ ಅನುಭವ ಕೊಡುತ್ತವೆ. ಇದರಿಂದ ಪ್ರಯಾಣದ ಬೋರ್ ಕಡಿಮೆಯಾಗುತ್ತದೆ. ಹೊರಗೆ ನೋಡುತ್ತಾ ಹಾಡು ಕೇಳೋದು, ಹಳೆಯ ನೆನಪುಗಳನ್ನು ಮೆಲುಕು ಹಾಕೋದು ಅಥವಾ ಸುಮ್ಮನೆ ಆಲೋಚನೆ ಮಾಡುತ್ತಾ ಕೂರೋದು ಮನಸ್ಸಿಗೆ ನೆಮ್ಮದಿ ಕೊಡುತ್ತದೆ.
ಪ್ರಯಾಣದ ವೇಳೆ ಕೆಲವರಿಗೆ ತಲೆಸುತ್ತು, ವಾಂತಿ ಅಥವಾ ಅಸ್ವಸ್ಥತೆ ಉಂಟಾಗಬಹುದು. ಕಿಟಕಿಯಿಂದ ಹೊರಗಿನ ದೂರದ ದೃಶ್ಯಗಳನ್ನು ನೋಡುವುದರಿಂದ ಕಣ್ಣು ಮತ್ತು ದೇಹದ ಸಮತೋಲನ ವ್ಯವಸ್ಥೆಯ ನಡುವಿನ ಗೊಂದಲ ಕಡಿಮೆಯಾಗಲು ಸಹಾಯವಾಗಬಹುದು. ಇದರಿಂದ ಕೆಲವರಿಗೆ ಮೋಶನ್ ಸಿಕ್ನೆಸ್ನ ಲಕ್ಷಣಗಳು ಕಡಿಮೆಯಾಗಬಹುದು.
ಕಿಟಕಿಯ ಪಕ್ಕ ಕುಳಿತಾಗ ಹೊರಗಿನ ವಿಶಾಲ ದೃಶ್ಯಗಳನ್ನು ನೋಡಬಹುದು. ಇದರಿಂದ ವಾಹನದೊಳಗಿನ ಕಿರಿದಾದ ಜಾಗಕ್ಕಿಂತ ಮನಸ್ಸಿಗೆ ಹೆಚ್ಚು ಆರಾಮ ಸಿಗಬಹುದು. ಹೀಗಾಗಿ ವಿಂಡೋ ಸೀಟ್ ಕೇವಲ ಹೊರಗಿನ ನೋಟಕ್ಕಷ್ಟೇ ಅಲ್ಲ, ಪ್ರಯಾಣದ ವೇಳೆ ಸ್ವಲ್ಪ ನೆಮ್ಮದಿ ಮತ್ತು ವೈಯಕ್ತಿಕ ಸ್ಪೇಸ್ಗೂ ಒಳ್ಳೆಯ ಆಯ್ಕೆ.
ಮುಂದಿನ ಬಾರಿ ಬಸ್, ರೈಲು ಅಥವಾ ವಿಮಾನದಲ್ಲಿ ಸೀಟ್ ಆಯ್ಕೆ ಮಾಡುವಾಗ ವಿಂಡೋ ಸೀಟ್ಗಾಗಿ ನೀವು ಕೂಡ ಕಾಯ್ತೀರಾ?