ನಿಜಕ್ಕೂ ಇದೆ ಯುನಿಕಾರ್ನ್! WEB
ಲೈಫ್‌ಸ್ಟೈಲ್

ನಿಜಕ್ಕೂ ಇದೆ ಯುನಿಕಾರ್ನ್! ವೈಲ್ಡ್‌ಲೈಫ್ ಕ್ಯಾಮೆರಾದಲ್ಲಿ ಸೆರೆಯಾದ ಈ ಜಿಂಕೆ ನೋಡಿದ್ರೆ ಅಚ್ಚರಿಪಡ್ತೀರಾ!Unicorn

ಯುನಿಕಾರ್ನ್ ಎಂಬ ಕಾಲ್ಪನಿಕ ಜೀವಿಯ ಬಗ್ಗೆ ನೀವು ಕೇಳಿರಬಹುದು. ಕುದುರೆಯಂತೆ ಕಾಣುವ, ಹಣೆಯ ಮಧ್ಯಭಾಗದಲ್ಲಿ ಒಂದೇ ಒಂದು ಕೊಂಬು ಹೊಂದಿರುವ ಈ ಜೀವಿ ಮಕ್ಕಳ ಕಥೆಗಳಿಂದ ಹಿಡಿದು ಅನೇಕ ಕಾಲ್ಪನಿಕ ಚಿತ್ರಗಳಲ್ಲೂ ಕಾಣಿಸಿಕೊಳ್ಳುತ್ತದೆ. ಆದರೆ ಇದೀಗ ಇಂತಹದ್ದೇ ವಿಚಿತ್ರ ನೋಟದ ಜಿಂಕೆಯೊಂದು ನೈಜ ಕಾಡಿನಲ್ಲಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಜಿಂಕೆಯ ಹಣೆಯ ಮಧ್ಯಭಾಗದಲ್ಲಿ ಸಣ್ಣ ಕೊಂಬಿನಂತೆ ಕಾಣುವ ರಚನೆಯೊಂದು ಬೆಳೆದಿದ್ದು, ಅದನ್ನು ಕಂಡವರು ಅಚ್ಚರಿಪಡುವಂತಾಗಿದೆ.Unicorn

Unicorn : ಯುನಿಕಾರ್ನ್ ಎಂಬ ಕಾಲ್ಪನಿಕ ಜೀವಿಯ ಬಗ್ಗೆ ನೀವು ಕೇಳಿರಬಹುದು. ಕುದುರೆಯಂತೆ ಕಾಣುವ, ಹಣೆಯ ಮಧ್ಯಭಾಗದಲ್ಲಿ ಒಂದೇ ಒಂದು ಕೊಂಬು ಹೊಂದಿರುವ ಈ ಜೀವಿ ಮಕ್ಕಳ ಕಥೆಗಳಿಂದ ಹಿಡಿದು ಅನೇಕ ಕಾಲ್ಪನಿಕ ಚಿತ್ರಗಳಲ್ಲೂ ಕಾಣಿಸಿಕೊಳ್ಳುತ್ತದೆ. ಆದರೆ ಇದೀಗ ಇಂತಹದ್ದೇ ವಿಚಿತ್ರ ನೋಟದ ಜಿಂಕೆಯೊಂದು ನೈಜ ಕಾಡಿನಲ್ಲಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಜಿಂಕೆಯ ಹಣೆಯ ಮಧ್ಯಭಾಗದಲ್ಲಿ ಸಣ್ಣ ಕೊಂಬಿನಂತೆ ಕಾಣುವ ರಚನೆಯೊಂದು ಬೆಳೆದಿದ್ದು, ಅದನ್ನು ಕಂಡವರು ಅಚ್ಚರಿಪಡುವಂತಾಗಿದೆ.

ಯುರೋಪ್‌ನ ಎಸ್ಟೋನಿಯಾ ದೇಶದ ಪಶ್ಚಿಮ ಕರಾವಳಿಯಲ್ಲಿರುವ ಸಾರೇಮಾ ದ್ವೀಪದ ಕಾಡಿನಲ್ಲಿ ಈ ಅಪರೂಪದ ದೃಶ್ಯ ಕಂಡುಬಂದಿದೆ. ಅರಣ್ಯದಲ್ಲಿ ಅಳವಡಿಸಲಾಗಿದ್ದ ಸ್ವಯಂಚಾಲಿತ ಕ್ಯಾಮೆರಾದಲ್ಲಿ ಈ ಜಿಂಕೆಯ ಚಲನವಲನಗಳು ದಾಖಲಾಗಿವೆ. ಸಾಮಾನ್ಯವಾಗಿ ಜಿಂಕೆಗಳ ತಲೆಯ ಎರಡೂ ಬದಿಗಳಲ್ಲಿ ಕೊಂಬುಗಳು ಬೆಳೆಯುತ್ತವೆ. ಆದರೆ ಈ ಜಿಂಕೆಯ ಹಣೆಯ ನಡುಭಾಗದಲ್ಲೇ ಒಂದು ವಿಚಿತ್ರ ರಚನೆ ಕಾಣಿಸಿಕೊಂಡಿರುವುದು ವಿಶೇಷ.

ಮಿಂಕ್ ಪ್ರಾಣಿಯ ಹುಡುಕಾಟಕ್ಕೆ ಹೋದಾಗ ಸಿಕ್ಕಿತು ಜಿಂಕೆ

ಈ ಕ್ಯಾಮೆರಾವನ್ನು ಅರಣ್ಯದಲ್ಲಿ ಅಳವಡಿಸಿದ್ದು ಯುನಿಕಾರ್ನ್ ಜಿಂಕೆಯನ್ನು ಸೆರೆಹಿಡಿಯಲು ಅಲ್ಲ. ಅಳಿವಿನಂಚಿನಲ್ಲಿರುವ ಯುರೋಪಿಯನ್ ಮಿಂಕ್ ಎಂಬ ಪ್ರಾಣಿಯ ಚಲನವಲನಗಳನ್ನು ಗಮನಿಸುವ ಉದ್ದೇಶದಿಂದ ಲುಟ್ರಿಯೋಲಾ ಫೌಂಡೇಶನ್ ಎಂಬ ಪರಿಸರ ಸಂರಕ್ಷಣಾ ಸಂಸ್ಥೆ ಈ ಕ್ಯಾಮೆರಾವನ್ನು ಸ್ಥಾಪಿಸಿತ್ತು. ಸಂಸ್ಥೆಯ ಕ್ಯಾಮೆರಾದಲ್ಲಿ ಮಿಂಕ್ ಪ್ರಾಣಿಗಳ ಜೊತೆಗೆ ಹಲವು ವನ್ಯಜೀವಿಗಳ ಚಲನವಲನಗಳೂ ದಾಖಲಾಗಿವೆ. ಈ ಪೈಕಿ ಹಣೆಯ ಮಧ್ಯಭಾಗದಲ್ಲಿ ಕೊಂಬಿನಂತಹ ರಚನೆ ಹೊಂದಿರುವ ಜಿಂಕೆ ಎಲ್ಲರ ಗಮನ ಸೆಳೆದಿದೆ. ಸಂಸ್ಥೆಯು ಈ ದೃಶ್ಯವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಸಾರೇಮಾದಲ್ಲಿ ಯುನಿಕಾರ್ನ್ ಪತ್ತೆಯಾಗಿದೆ ಎಂಬ ಅರ್ಥದ ಕುತೂಹಲಕಾರಿ ಶೀರ್ಷಿಕೆಯನ್ನೂ ನೀಡಿದೆ.

ಇದನ್ನೂ ಓದಿ : ಸಂಗೀತ ಲೋಕದ ಮಾಂತ್ರಿಕನ ಮನಗೆದ್ದ ಚೆನ್ನೈನ ಪುಟ್ಟ ಹೋಟೆಲ್: ಇಲ್ಲಿನ ಆಂಧ್ರ ಊಟಕ್ಕೆ ಅನಿರುದ್ಧ್ ಫಿದಾ! Anirudh Ravichander

ಹಣೆಯ ಮೇಲಿರುವುದೇನು?

ಈ ಜಿಂಕೆಯ ಹಣೆಯ ಮೇಲಿರುವ ರಚನೆ ನಿಜವಾಗಿಯೂ ಕೊಂಬೆಯೇ ಅಥವಾ ಬೇರೆ ಯಾವುದಾದರೂ ಬೆಳವಣಿಗೆಯೇ ಎಂಬುದು ಇನ್ನೂ ಖಚಿತವಾಗಿಲ್ಲ. ವಿಡಿಯೊ ದೃಶ್ಯವೊಂದನ್ನೇ ಆಧರಿಸಿ ಅದರ ಸ್ವರೂಪವನ್ನು ನಿರ್ಧರಿಸಲು ಸಾಧ್ಯವಿಲ್ಲ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಇದು ಹೆಚ್ಚುವರಿ ಕೊಂಬಿನ ಬೆಳವಣಿಗೆಯಾಗಿರಬಹುದು ಅಥವಾ ಬೇರೆ ರೀತಿಯ ಅಂಗಾಂಶದ ರಚನೆಯಾಗಿರಬಹುದು ಎಂಬ ಸಾಧ್ಯತೆಗಳಿವೆ. ಆದರೆ ಈ ಕುರಿತು ಅಧಿಕೃತ ವೈಜ್ಞಾನಿಕ ದೃಢೀಕರಣ ಲಭ್ಯವಾಗಿಲ್ಲ.

ಇದಕ್ಕೂ ಮೊದಲು 2008ರಲ್ಲಿ ಇಟಲಿಯ ಟಸ್ಕನಿ ಪ್ರದೇಶದಲ್ಲಿಯೂ ಹಣೆಯ ಮಧ್ಯಭಾಗದಲ್ಲಿ ಒಂದೇ ಕೊಂಬು ಹೊಂದಿದ್ದ ಜಿಂಕೆಯೊಂದು ಪತ್ತೆಯಾಗಿತ್ತು. ಅದರ ವಿಚಿತ್ರ ಬೆಳವಣಿಗೆಗೆ ಆನುವಂಶಿಕ ದೋಷ ಕಾರಣವಾಗಿರಬಹುದು ಎಂದು ಆಗ ತಜ್ಞರು ಅಭಿಪ್ರಾಯಪಟ್ಟಿದ್ದರು. ಆದರೆ ಎಸ್ಟೋನಿಯಾದಲ್ಲಿ ಸೆರೆಯಾಗಿರುವ ಜಿಂಕೆಯ ವಿಚಿತ್ರ ರಚನೆಗೂ ಅದೇ ಕಾರಣ ಎಂದು ಹೇಳಲು ಯಾವುದೇ ಪುರಾವೆಗಳಿಲ್ಲ.

ಕಪ್ಪು ಕೊಕ್ಕರೆಯೂ ಕ್ಯಾಮೆರಾದಲ್ಲಿ ಸೆರೆ

ಇದೇ ಕ್ಯಾಮೆರಾದಲ್ಲಿ ಮತ್ತೊಂದು ಅಪರೂಪದ ಪಕ್ಷಿಯೂ ಕಾಣಿಸಿಕೊಂಡಿದೆ. ಕಪ್ಪು ಕೊಕ್ಕರೆ ಎಂದು ಕರೆಯಲಾಗುವ ಈ ಪಕ್ಷಿ ಸಾಮಾನ್ಯ ಬಿಳಿ ಕೊಕ್ಕರೆಗಳಂತೆ ಜನವಸತಿ ಪ್ರದೇಶಗಳಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುವುದಿಲ್ಲ. ಅರಣ್ಯದ ಒಳಭಾಗದಲ್ಲಿ ಗೂಡು ನಿರ್ಮಿಸಿ ವಾಸಿಸುವ ಈ ಪಕ್ಷಿಯೂ ವನ್ಯಜೀವಿ ಆಸಕ್ತರ ಗಮನ ಸೆಳೆದಿದೆ. ಅಳಿವಿನಂಚಿನಲ್ಲಿರುವ ಪ್ರಾಣಿಯೊಂದರ ಹುಡುಕಾಟಕ್ಕಾಗಿ ಅಳವಡಿಸಿದ್ದ ಕ್ಯಾಮೆರಾ ಈಗ ವಿಚಿತ್ರ ರೂಪದ ಜಿಂಕೆಯೊಂದನ್ನು ಜಗತ್ತಿಗೆ ಪರಿಚಯಿಸಿದೆ. ಯುನಿಕಾರ್ನ್‌ನಂತೆ ಕಾಣುವ ಈ ಜಿಂಕೆಯ ಹಣೆಯ ಮೇಲಿನ ರಹಸ್ಯ ಏನು ಎಂಬುದು ಮಾತ್ರ ಇನ್ನೂ ಬಗೆಹರಿಯದ ಕುತೂಹಲವಾಗಿ ಉಳಿದಿದೆ.

ಕಪ್ಪು ಕೊಕ್ಕರೆ