Internet: ಮಗಳೇ ಮಲಗು ರಾತ್ರಿ 12 ಆಯ್ತು, ಅದೆಷ್ಟು ಮೊಬೈಲ್ ನೋಡ್ತಿಯಾ..ಇರಮ್ಮಾ ಈಗ ತಾನೆ ಒಂದು ಸೀರಿಯಲ್ ನೋಡೊದನ್ನ ಮುಗಿಸಿದ್ದೀನಿ. ನಮಗೆ ಬೆಳಿಗ್ಗೆ ವೈ ಫೈ ಸಿಗುವುದಿಲ್ಲ. ಇದು ಬೆಂಗಳೂರಿನ ನಿವಾಸಿಯಾದ ಅಕ್ಷತಳ ಮನೆಯಲ್ಲಿ ನಡೆಯುವಂತಹ ಪ್ರತಿ ದಿನದ ಸಂಭಾಷಣೆಯಾಗಿದೆ.
ಇಂದಿನ ದಿನಗಳಲ್ಲಿ ಪ್ರತಿಯೊಬ್ಬರೂ, ಮೊಬೈಲ್ ವೀಕ್ಷಣೆ ಮಾಡುತ್ತಾರೆ, ವೈ-ಫೈ ಇಂಟರ್ನೆಟ್ ಬಳಸುತ್ತಾರೆ. ಇವುಗಳನ್ನು ರಾತ್ರಿ ಮಲಗುವ ಸಮಯದಲ್ಲಿ ಆಫ್ ಮಾಡುವುದು ಆರೋಗ್ಯ, ಗೌಪ್ಯತೆ ಮತ್ತು ತಾಂತ್ರಿಕ ಕಾರಣಗಳಿಗೆ ಸಂಬಂಧಿಸಿದಂತೆ ಚರ್ಚೆಯ ವಿಷಯವಾಗಿದೆ. ಈ ವಿಚಾರವನ್ನು ವೈಜ್ಞಾನಿಕ ದೃಷ್ಟಿಕೋನದಲ್ಲಿ ಗಮನಿಸುವುದಾದರೆ, ಆರೋಗ್ಯ ಪರಿಣಾಮಗಳು ಮತ್ತು ಪ್ರಾಯೋಗಿಕ ದೃಷ್ಟಿಯಿಂದ ವಿಶ್ಲೇಷಿಸಿಸುವುದರಿಂದ ಯಾವುದು ಉತ್ತಮ ಎಂದು ತಿಳಿಯೋಣ.
ಇದನ್ನೂ ಓದಿ: US Tariff | ಸುಂಕದಿಂದ ನಷ್ಟ ಅನುಭವಿಸಿದವರಿಗೆ ಪರಿಹಾರದ ಭರವಸೆ ನೀಡಿದ ಭಾರತದ ಆರ್ಥಿಕ ಸಲಹೆಗಾರ ವಿ. ನಾಗೇಶ್ವರನ್
ವೈ-ಫೈ ಮತ್ತು ಮೊಬೈಲ್ ಇಂಟರ್ನೆಟ್ನಿಂದ ಹೊರಹೊಮ್ಮುವ ರೇಡಿಯೇಷನ್ಗಳು ರೇಡಿಯೋ ಫ್ರೀಕ್ವೆನ್ಸಿ ರೂಪದಲ್ಲಿರುತ್ತದೆ. ಇದು ತೀವ್ರವಾದ ರೇಡಿಯೇಷನ್ಗಿಂತ ಕಡಿಮೆ ಶಕ್ತಿಯ ರೇಡಿಯೇಷನ್ ಆಗಿದ್ದು, ವಿಶ್ವ ಆರೋಗ್ಯ ಸಂಸ್ಥೆ (WHO) ಮತ್ತು ಇತರ ಸಂಸ್ಥೆಗಳು ಇದನ್ನು ಸಾಮಾನ್ಯವಾಗಿ ಸುರಕ್ಷಿತ ಎಂದು ತಿಳಿಸಿದೆ.
ಕೆಲವು ಅಧ್ಯಯನಗಳ ಪ್ರಕಾರ, ದೀರ್ಘಕಾಲವಾಗಿ ರಾತ್ರಿಯಾದ ನಂತರ ಮೊಬೈಲ್ಗಳನ್ನು ನೋಡುವುದರಿಂದ ನಿದ್ರೆಯ ಗುಣಮಟ್ಟದ ಮೇಲೆ ಗಂಭೀರ ಪರಿಣಾಮ ಬೀರಬಹುದು ಎಂದು ಸೂಚಿಸಿವೆ.
ರಾತ್ರಿ ವೇಳೆಯಲ್ಲಿ ಮೊಬೈಲ್ನ್ನು ತಲೆ ಹತ್ತಿರ ಇಟ್ಟುಕೊಂಡು ಮಲಗುವುದರಿಂದ ಮೊಬೈಲ್ನಿಂದ ಹೊರಸೂಸುವ ರೆಡಿಯೇಷನ್ಗಳು ನಿಮ್ಮ ನರಮಂಡಲದ ಮೇಲೆ ಪರಿಣಾಮ ಬೀರುತ್ತದೆ. ಈ ರೀತಿಯಾಗಿ ಮಾಡುವುದರಿಂದ ನಿದ್ರೆಯ ಚಕ್ರದಲ್ಲಿ ತೊಂದರೆಯಾಗುತ್ತದೆ.
ಇದನ್ನೂ ಓದಿ: ಏರ್ ಇಂಡಿಯಾ ವಿಮಾನ ದುರಂತ; ಬೋಯಿಂಗ್, ಹನಿವೆಲ್ ವಿರುದ್ಧ ‘ಮೊಕದ್ದಮೆ’ ಹೂಡಿದ ಮೃತರ ಕುಟುಂಬಗಳು| plane crash
ನೀವು ಪ್ರತಿನಿತ್ಯ ಮಲಗುವ ವೇಳೆ ವೈ-ಫೈ ಮತ್ತು ಮೊಬೈಲ್ ಡೇಟಾ ಆಫ್ ಮಾಡುವುದರಿಂದ EMR ಒಡ್ಡಿಕೊಳ್ಳುವಿಕೆಯನ್ನು ಕಡಿಮೆ ಮಾಡಬಹುದು. ವಿಶೇಷವಾಗಿ ಮಕ್ಕಳು ಮತ್ತು ಗರ್ಭಿಣಿಯರು ಮಲಗುವ ವೇಳೆ ವೈ-ಫೈ ಆಫ್ ಮಾಡಿ ಮಲಗುವುದು ಉತ್ತಮವಾಗಿರುತ್ತದೆ. ಇದರ ಜೊತೆಯಲ್ಲಿ ಫೋನ್ನಿಂದ ಬರುವ ನೀಲಿ ಬೆಳಕುಗಳು ನಿಮ್ಮ ನಿದ್ರೆಯನ್ನು ಕಡಿಮೆ ಮಾಡುವ ಸಾಧ್ಯತೆ ಇರುವುದರಿಂದ, ರಾತ್ರಿ ವೇಳೆಯಲ್ಲಿ ಮೊಬೈಲ್ ಮತ್ತು ಇಂಟರ್ನೆಟ್ನಿಂದ ದೂರ ಇರುವುದು ನಿದ್ರೆಗೆ ಬಹಳ ಉತ್ತಮ ಮಾರ್ಗವಾಗಿದೆ.
ನಿಮ್ಮ ಮೊಬೈಲ್ನಲ್ಲಿ ವೈ-ಫೈ ಮತ್ತು ಮೊಬೈಲ್ ಡೇಟಾ ಆನ್ ಇದ್ದರೆ, ಫೋನ್ ಹಿನ್ನಲೆಯಲ್ಲಿ ಚಲಿಸುವ ಆಪ್ಗಳು ಡೇಟಾವನ್ನು ಹೆಚ್ಚು ಸಂಗ್ರಹಿಸಬಹುದು. ಹಾಗೆಯೇ, ಇದರ ಜೊತೆಗೆ ನಿಮ್ಮ ಮೊಬೈಲ್ ಹ್ಯಾಕ್ ಆಗುವುದು ಇಲ್ಲವೇ, ಡೇಟಾ ಸೋರಿಕೆಯಾಗಬಹುದು. ಆದರಿಂದ ಆಫ್ ಮಾಡಿ ಮಲಗುವುದು ಒಳ್ಳೆಯ ಅಭ್ಯಾಸವಾಗಿದೆ.
ಇದನ್ನೂ ಓದಿ: ಏರ್ ಇಂಡಿಯಾ ವಿಮಾನ ದುರಂತ; ಬೋಯಿಂಗ್, ಹನಿವೆಲ್ ವಿರುದ್ಧ ‘ಮೊಕದ್ದಮೆ’ ಹೂಡಿದ ಮೃತರ ಕುಟುಂಬಗಳು| plane crash
ಪ್ರತಿನಿತ್ಯ ಮೊಬೈಲ್ ಉಪಯೋಗಿಸಿದ ನಂತರ, ಕೊನೆಯಲ್ಲಿ ವೈ-ಫೈ ಹಾಗೂ ಇಂಟರ್ನೆಟ್ ಬಳಕೆಯನ್ನು ಕಡಿತಗೊಳಿಸುವುದರಿಂದ ಫೋನ್ನ ಬ್ಯಾಟರಿಗಳು ಜೀವಿತಾವದಿಯಲ್ಲಿ ಉಳಿಯಬಹುದು. ಹಾಗೆಯೇ, ಹಿನ್ನೆಲೆಯಲ್ಲಿ ಚಲಿಸುವ ಆಪ್ಗಳು ಡೇಟಾ ಮತ್ತು ಬ್ಯಾಟರಿಯನ್ನು ಖಾಲಿಮಾಡುತ್ತವೆ. ಇದರಿಂದ ಫೋನ್ನ ದೀರ್ಘಾವಧಿಯ ಕಾರ್ಯಕ್ಷಮತೆ ಸುಧಾರಿಸುತ್ತದೆ. (ಏಜೆನ್ಸೀಸ್)
ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್" ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ