Memory Power: ನಮ್ಮ ಆರೋಗ್ಯವನ್ನು ಉತ್ತಮವಾಗಿ ಇಟ್ಟುಕೊಳ್ಳಲು ನಾವು ನಾನಾ ರೀತಿಯ ಕಸರತ್ತು ಮಾಡುತ್ತೇವೆ. ಬೆಳಗ್ಗೆ ಎದ್ದು ವಾಕಿಂಗ್, ಸೈಕ್ಲಿಂಗ್ ಮಾಡುವುದರಿಂದ ಹಿಡಿದು ಸೇವಿಸುವ ತಿಂಡಿ, ಊಟದ ಬಗ್ಗೆ ಹೆಚ್ಚು ಗಮನಹರಿಸುತ್ತೇವೆ. ಕಾರಣ ಆರೋಗ್ಯ ಒಂದಿದ್ದರೇ ನಾವು ಏನೂ ಬೇಕಾದರೂ ಮಾಡಬಹುದು. ಅದೇ ಆರೋಗ್ಯ ಕೈಕೊಟ್ಟರೆ ಏನೂ ಮಾಡದ ಸ್ಥಿತಿಗೆ ಹೋಗಬೇಕಾಗುತ್ತದೆ. ಈ ಭಯ ಇಂದು ಎಲ್ಲರಲ್ಲೂ ಇದೆ.
ಇದನ್ನೂ ಓದಿ: ಟಿ20 ಸರಣಿ ಗೆದ್ದ ಬೆನ್ನಲ್ಲೇ ಏಕದಿನ ಸಮರಕ್ಕೆ ಭಾರತ ಸನ್ನದ್ಧ; ಗೆಲುವಿಗಾಗಿ ತಂಡದಲ್ಲಿ ಮಹತ್ವದ ಬದಲಾವಣೆ | IND vs ENG ODI
ನಮ್ಮ ಆಹಾರ ಪದ್ಧತಿ ಸರಿಯಾದ ಕ್ರಮದಲ್ಲಿದ್ದರೆ, ಖಂಡಿತವಾಗಿ ನಮ್ಮ ಆರೋಗ್ಯ ಕೂಡ ಉತ್ತಮವಾಗಿರುತ್ತದೆ ಎಂಬುದಕ್ಕೆ ಅನುಮಾನವೇ ಬೇಡ. ದೇಹದ ಪ್ರತಿಯೊಂದು ಅಂಗವು ಎಷ್ಟು ಮುಖ್ಯವೋ ಅದೆಲ್ಲದಕ್ಕಿಂತ ಹೆಚ್ಚಾಗಿ ನಮ್ಮ ಮಿದುಳಿನ ಆರೋಗ್ಯ ಕೂಡ ಅಷ್ಟೇ ಮುಖ್ಯ. ಕಾರಣ, ಮಿದುಳು ಚೆನ್ನಾಗಿ ಕೆಲಸ ಮಾಡಿದರೆ ತಾನೇ ಉಳಿದ ಭಾಗಗಳು ಕೂಡ ಸರಿಯಾಗಿ ಕೆಲಸ ಮಾಡಲು ಸಾಧ್ಯ?
ಇಂದು ನಮ್ಮಲ್ಲಿ ಅನೇಕರಿಗೆ ಕಾಡುವುದು ನೆನಪಿನ ಶಕ್ತಿಯ ಕೊರತೆ. ಹೌದು, ಮರುವಿನ ಖಾಯಿಲೆಯಿಂದ ಅದೆಷ್ಟೋ ಜನ ತಮ್ಮ ದಿನನಿತ್ಯದ ಕೆಲಸಗಳಲ್ಲಿ ತೊಡಕು ಉಂಟು ಮಾಡಿಕೊಳ್ಳುತ್ತಾರೆ. ಇನ್ನು ವಿದ್ಯಾರ್ಥಿಗಳಿಗೆ ನೆನಪಿನ ಶಕ್ತಿ ಬಹಳ ಮುಖ್ಯ. ಹಾಗಾದ್ರೆ, ಈ ಮೆಮೋರಿ ಪವರ್ ಹೆಚ್ಚಿಸಿಕೊಳ್ಳುವುದು ಹೇಗೆ? ಡ್ರೈ ಫ್ರೂಟ್ಗಳ ಸೇವನೆ ಎಷ್ಟು ಉತ್ತಮ? ಯಾವುದನ್ನು ಸೇವಿಸುವುದರಿಂದ ನೆನಪಿನ ಶಕ್ತಿ ವೃದ್ಧಿಯಾಗುತ್ತದೆ ಎಂಬುದರ ಮಾಹಿತಿ ಇಲ್ಲಿದೆ ನೋಡಿ.
ವಾಲ್ನಟ್ಸ್: ವಾಲ್ನಟ್ಸ್ನಲ್ಲಿ ಓಮೆಗಾ-3 ಫಾಟಿ ಆಸಿಡ್ಸ್ನಿಂದ ಹೆಚ್ಚಿದ್ದು, ಆ್ಯಂಟಿ-ಆಕ್ಸಿಂಡೆಂಟ್ಗಳ ಮತ್ತು ವಿಟಮಿನ್-ಇ ಅಂಶವನ್ನು ಒಳಗೊಂಡಿದೆ. ಇದು ನೆನಪಿನ ಶಕ್ತಿ ಹೆಚ್ಚಿಸಲು ಸಹಾಯಕಾರಿ.
ಬಾದಾಮಿಯಲ್ಲಿ ರಿಬೋಫ್ಲೇವಿನ್ ಹಾಗೂ ಎಲ್-ಕ್ಯಾರನೈಟೀನ್ ಅಂಶ ಇದೆ. ಹಾಗಾಗಿ ಬಾದಾಮಿ ಸೇವನೆ ಮೆದುಳಿನ ಆರೋಗ್ಯಕ್ಕೆ ಒಳ್ಳೆಯದು.
ಡೇಟ್ಸ್ನಲ್ಲಿ ನೈಸರ್ಗಿಕ ಸಕ್ಕರೆ ಅಂಶಗಳಾದ ಸುಕ್ರೋಸ್, ಫ್ರುಕ್ಟೋಸ್, ಗ್ಲುಕೋಸ್ ಮೆದುಳಿಗೆ ವೇಗವಾದ ಎನರ್ಜಿಯನ್ನು ಬೂಸ್ಟ್ ಮಾಡುವಲ್ಲಿ ಸಹಾಯ ಮಾಡುತ್ತದೆ.
ಇವು ಆ್ಯಂಟಿ-ಆಕ್ಸಿಡೆಂಟ್ಗಳಿಂದ ಹೇರಳವಾಗಿದ್ದು, ಕಬ್ಬಿಣಾಂಶವನ್ನು ಒಳಗೊಂಡಿದೆ. ಇದು ಮೆದುಳಿಗೆ ಗರಿಷ್ಠ ಆಮ್ಲಜನಕದ ಹರಿವನ್ನು ಕಾಪಾಡಿಕೊಳ್ಳಲು ಅತ್ಯಗತ್ಯ.
ಗೋಡಂಬಿಯಲ್ಲಿ ಮೆಗ್ನೀಶಿಯಮ್ ಅಂಶ ಹೇರಳವಾಗಿದ್ದು, ಇದು ನರವೈಜ್ಞಾನಿಕ ಕಾರ್ಯಗಳಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.