Summer | ಬೆಳಗ್ಗೆ ಬೇಗನೆ ನಡೆಯುವುದು ಆರೋಗ್ಯಕ್ಕೆ ಪ್ರಯೋಜನಕಾರಿ. ಹೀಗಾಗಿ ಬೆಳಗಿನ ಜಾವ ಹೆಚ್ಚಾಗಿ ಜನರು ವಾಕಿಂಗ್ ಹೋಗುತ್ತಾರೆ. ಜಿಮ್ಗೆ ಹೋಗಲು ಇಷ್ಟ ಇಲ್ಲದವರು, ವ್ಯಾಯಾಮ ಮಾಡಲು ಸಮಯವಿರದ ಜನರು ಸ್ವಲ್ಪ ಸಮಯ ನಡೆದರೆ ಆ ನಡಿಗೆ ಅವರಿಗೆ ಫಿಟ್ ಆಗಿರಲು ಸಹಾಯ ಮಾಡುತ್ತದೆ. ಆದರೆ ನೀವು ತಪ್ಪು ಸಮಯದಲ್ಲಿ ನಡೆಯಲು ಹೋದರೆ, ಅದು ನಿಮಗೆ ಪ್ರಯೋಜನವಾಗುವುದಿಲ್ಲ ಬದಲಿಗೆ ನಿಮಗೆ ಹಾನಿ ಆಗುವುದು ಖಂಡಿತ. ಅದೇ ರೀತಿ ಬೇಸಿಗೆಯಲ್ಲಿ ನಡೆಯುವಾಗ ದಿನದ ಯಾವ ಸಮಯದಲ್ಲಿ ನಡೆಯಬೇಕು ಮತ್ತು ಯಾವಾಗ ನಡೆಯಬಾರದು ಎಂಬಂತಹ ಕೆಲವು ವಿಷಯಗಳನ್ನು ತಿಳಿದಿರಬೇಕು. ಹಾಹಾಗಿ ಬೇಸಿಗೆಯಲ್ಲಿ ಫಿಟ್ ಆಗಿರಲು ಯಾವಾಗ ನಡೆಯಬೇಕೆಂದು ತಿಳಿಯೋಣ.
ಬೇಸಿಗೆಯಲ್ಲಿ ಗಾಳಿಯ ಉಷ್ಣತೆಯೂ ಹೆಚ್ಚಿರುವುದರಿಂದ, ಶಾಖ ಮತ್ತು ಸೂರ್ಯನ ಬೆಳಕು ನಿಮ್ಮ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಅದೇ ರೀತಿ, ಬೇಸಿಗೆಯಲ್ಲಿ ಶಾಖ ಅಥವಾ ಬಿಸಿಲಿನ ಅಪಾಯವೂ ಇದೆ. ತಪ್ಪು ಸಮಯದಲ್ಲಿ ನಡೆಯುವುದು ಬಿಪಿ, ಶುಗರ್ ಮತ್ತು ಹೃದಯ ರೋಗಿಗಳಿಗೆ ಹಾನಿಕಾರಕವಾಗಿದೆ. ಅಂತಹ ಪರಿಸ್ಥಿತಿಯಲ್ಲಿ, ಬೇಸಿಗೆಯಲ್ಲಿ ನಡೆಯುವಾಗ, ತಪ್ಪು ಸಮಯದಲ್ಲಿ ನಡೆಯಲು ಹೋಗದಂತೆ ನೀವು ಸಂಪೂರ್ಣ ಕಾಳಜಿ ವಹಿಸಬೇಕು.
ಬೇಸಿಗೆಯಲ್ಲಿ ಬೆಳಿಗ್ಗೆ ಬೇಗನೆ ನಡೆಯಲು ಹೋಗುವುದು ಪ್ರಯೋಜನಕಾರಿಯಾಗಿದೆ. ಏಕೆಂದರೆ ಮುಂಜಾನೆ 5:30 ರಿಂದ 7:30ರ ನಡುವಿನ ಸಮಯವು ಸ್ವಲ್ಪ ಅನುಕೂಲಕರ ಮತ್ತು ಆರಾಮದಾಯಕವಾಗಿರುತ್ತದೆ. ಈ ಸಮಯದಲ್ಲಿ ತಾಪಮಾನವು ಸಹ ಸಾಮಾನ್ಯವಾಗಿರುತ್ತದೆ. ವಾತಾವರಣವೂ ತಂಪಾಗಿದ್ದು ಗಾಳಿಯಲ್ಲಿ ಮಾಲಿನ್ಯದ ಮಟ್ಟವೂ ಕಡಿಮೆಯಾಗಿರುತ್ತದೆ.
ಬೆಳಿಗ್ಗೆ ಬದಲು ಸಂಜೆ ವಾಕಿಂಗ್ ಹೋಗುವವರು ಸೂರ್ಯಾಸ್ತದ ನಂತರ ವಾಕಿಂಗ್ ಹೋಗಬೇಕು. ಸಂಜೆ ತಂಪಾದ ಗಾಳಿ ಬೀಸುವುದರಿಂದ ಸುಲಭವಾಗಿ ನಡೆಯಬಹುದು. ಅದೇ ರೀತಿ ಬೆಳಿಗ್ಗೆ 11 ರಿಂದ ಸಂಜೆ 4 ರವರೆಗೆ ಎಂದಿಗೂ ವಾಕಿಂಗ್ ಹೋಗಬೇಡಿ ಏಕೆಂದರೆ ಈ ಸಮಯದಲ್ಲಿ ಸೂರ್ಯನ ಬೆಳಕು ಆರೋಗ್ಯ ಮತ್ತು ಚರ್ಮ ಎರಡಕ್ಕೂ ಹಾನಿಕಾರಕವಾಗಿದೆ.
ನೀವು ನಿಯಮಿತವಾಗಿ ನಡೆಯದಿದ್ದರೆ, ಆರಂಭದಲ್ಲಿ ನೀವು 15-20 ನಿಮಿಷಗಳ ಕಾಲ ನಡೆಯಬೇಕು. ಕ್ರಮೇಣ ಸಮಯವನ್ನು ಹೆಚ್ಚಿಸಿ. ಸಾಮಾನ್ಯವಾಗಿ, 30-45 ನಿಮಿಷಗಳ ನಡಿಗೆ ಆರೋಗ್ಯಕ್ಕೆ ಒಳ್ಳೆಯದು. ಹೆಚ್ಚಿನ ದೈಹಿಕ ಚಟುವಟಿಕೆಗಳನ್ನು ಮಾಡುವ ಜನರು 60 ನಿಮಿಷಗಳ ಕಾಲ ನಡೆಯಬಹುದು.
ಹೆಚ್ಚು ಹೊತ್ತು ನಡೆಯುವುದನ್ನು ತಪ್ಪಿಸಿ, ಏಕೆಂದರೆ ಅದು ನಿಮ್ಮ ದೇಹದಲ್ಲಿ ನೀರಿನ ಕೊರತೆಗೆ ಕಾರಣವಾಗಬಹುದು. ನಡಿಗೆಗೆ ಮೊದಲು ಸ್ವಲ್ಪ ನೀರು ಕುಡಿಯಿರಿ. ಅದೇ ರೀತಿ, ನಡಿಗೆಯ ನಂತರ ನೀರು ಕುಡಿಯಲು ಮರೆಯಬೇಡಿ. ತಿಳಿ ಹತ್ತಿ ಬಟ್ಟೆಗಳನ್ನು ಧರಿಸಿ ನಡೆಯಲು ಹೋಗಿ. ನಡೆಯುವಾಗ ನಿಮಗೆ ಯಾವುದೇ ಸಮಸ್ಯೆ ಎದುರಾದರೆ ತಕ್ಷಣ ನಡೆಯುವುದನ್ನು ನಿಲ್ಲಿಸಿ.
ಬೇಸಿಗೆಯ ದಿನಗಳಲ್ಲಿ ನೀವು ನಡೆದಾಡಿದರೆ, ಅದು ನಿಮ್ಮ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಅದೇ ರೀತಿ, ನಡೆಯುವುದರಿಂದ ಹೃದಯದ ಆರೋಗ್ಯ ಚೆನ್ನಾಗಿರುತ್ತದೆ ಮತ್ತು ರಕ್ತದೊತ್ತಡ ಮತ್ತು ಕೊಲೆಸ್ಟ್ರಾಲ್ ಮಟ್ಟಗಳು ಉತ್ತಮವಾಗಿರುತ್ತವೆ. ಇದರೊಂದಿಗೆ, ಮಾನಸಿಕ ಆರೋಗ್ಯವೂ ಸುಧಾರಿಸುತ್ತದೆ.