lifestyle; ನಾವು ದಿನನಿತ್ಯದ ವಿಷಯಗಳನ್ನು ಮರೆತುಬಿಡುವುದು, ಏನನ್ನಾದರೂ ಎಲ್ಲಿ ಇರಿಸಿದ್ದೇವೆ ಎಂಬುದನ್ನು ಮರೆತುಬಿಡುವುದನ್ನು ನಿರ್ಲಕ್ಷಿಸಿಬಿಡುತ್ತೇವೆ. ಆದರೆ ಕೆಲವೊಮ್ಮೆ ಇವು ಬುದ್ಧಿಮಾಂದ್ಯತೆಯ ಆರಂಭಿಕ ಲಕ್ಷಣಗಳಾಗಿರಬಹುದು. ಇದು ಸಣ್ಣ ಸಮಸ್ಯೆ ಎಂದು ಅನೇಕ ಜನರು ಬುದ್ಧಿಮಾಂದ್ಯತೆಯ ಲಕ್ಷಣಗಳಿಗೆ ಗಮನ ಕೊಡುವುದಿಲ್ಲ. ಬುದ್ಧಿಮಾಂದ್ಯತೆ (ಡಿಪ್ರೆಷನ್) ಒಂದು ಗಂಭೀರವಾದ ಮಾನಸಿಕ ಆರೋಗ್ಯ ಸ್ಥಿತಿಯಾಗಿದ್ದು, ಇದರ ಲಕ್ಷಣಗಳನ್ನು ಗುರುತಿಸಿ ಸಮಯಕ್ಕೆ ಸರಿಯಾಗಿ ಕ್ರಮ ಕೈಗೊಳ್ಳುವುದು ಬಹಳ ಮುಖ್ಯ.
ಇತ್ತೀಚಿನ ಕಾಲದ ಕೆಲ ವಿಷಯಗಳು ಅಥವಾ ಘಟನೆಗಳನ್ನು ಪದೇ ಪದೇ ಮರೆತುಬಿಡುವುದು. ಅದೇ ವಿಷಯವನ್ನು ಮತ್ತೆ ಮತ್ತೆ ಕೇಳುವುದು. ದಿನಾಂಕಗಳು ಅಥವಾ ಹೆಸರುಗಳನ್ನು ನೆನಪಿಟ್ಟುಕೊಳ್ಳಲು ಸಾಧ್ಯವಾಗದಿರುವುದು ಬುದ್ಧಿಮಾಂದ್ಯತೆಯ ಲಕ್ಷಣವಾಗಿದೆ. ಕೆಲವೊಮ್ಮೆ ಯಾರೊಬ್ಬರ ಹೆಸರನ್ನು ಮರೆತುಬಿಡುವುದು ಸಾಮಾನ್ಯ, ಆದರೆ ಆ ವ್ಯಕ್ತಿ ಅಥವಾ ಘಟನೆಯನ್ನು ಸಂಪೂರ್ಣವಾಗಿ ಮರೆತುಬಿಡುವುದು ಕಳವಳಕಾರಿ ವಿಷಯವಾಗಿದೆ.
ಮರೆವು ಒಂದು ಸಾಮಾನ್ಯ ಪ್ರಕ್ರಿಯೆ, ಆದರೆ ಅದು ಆಗಾಗ್ಗೆ ಸಂಭವಿಸಿ ದೈನಂದಿನ ಜೀವನದಲ್ಲಿ ತೊಂದರೆ ಮಾಡಲು ಪ್ರಾರಂಭಿಸಿದಾಗ ಅದನ್ನು ಗಂಭೀರವಾಗಿ ಪರಿಗಣಿಸಬೇಕಾಗಿರುತ್ತದೆ.
ಖಿನ್ನತೆ: ಯಾವುದೇ ಕಾರಣವಿಲ್ಲದೆ ದೀರ್ಘಕಾಲ ದುಃಖ ಅಥವಾ ಭಾವನಾತ್ಮಕವಾದ ಭಾವನೆ.
ಆಸಕ್ತಿ ಕಳೆದುಕೊಳ್ಳುವುದು: ಒಮ್ಮೆ ಇಷ್ಟವಾದ ಹವ್ಯಾಸ, ಸಾಮಾಜಿಕ ಚಟುವಟಿಕೆ, ಕೆಲಸಗಳಲ್ಲಿ ಆಸಕ್ತಿಯಿಲ್ಲದಂತಾಗುವುದು.
ನಿದ್ದೆಯ ತೊಂದರೆ: ರಾತ್ರಿ ಇಡೀ ನಿದ್ರೆ ಬಾರದೆ ಎಚ್ಚರವಾಗಿರುವುದು.
ಆಯಾಸ ಅಥವಾ ಶಕ್ತಿಯ ಕೊರತೆ: ಸಣ್ಣ ಕೆಲಸ ಮಾಡಿದರೂ ತುಂಬಾ ದಣಿವು, ಶಕ್ತಿಹೀನತೆಯ ಭಾವನೆ.
ಕೀಳರಿಮೆಯ ಭಾವನೆ: ತನ್ನ ಬಗ್ಗೆ ಕೀಳರಮೆಯ ಭಾವನೆ, ತಾನು ಯಾವುದಕ್ಕೂ ಯೋಗ್ಯನಲ್ಲ ಎಂದು ಭಾವಿಸುವುದು.
ಗಮನ ಕೇಂದ್ರೀಕರಣದ ಕೊರತೆ: ಕೆಲಸ, ಓದು, ಅಥವಾ ದೈನಂದಿನ ಚಟುವಟಿಕೆಗಳಲ್ಲಿ ಗಮನ ಕೊಡಲಾಗದಿರುವುದು.
ದೈಹಿಕ ತೊಂದರೆಗಳು: ತಲೆನೋವು, ಹೊಟ್ಟೆನೋವು, ಅಥವಾ ಯಾವುದೇ ಸ್ಪಷ್ಟ ಕಾರಣವಿಲ್ಲದೆ ದೇಹದ ನೋವು.
(ಏಜೆನ್ಸೀಸ್)
ಇಂತಹ ಲಕ್ಷಣಗಳು ನಿಮ್ಮ ದೇಹದಲ್ಲಿ ಕಂಡು ಬಂದರೆ ಮಾನಸಿಕ ಆರೋಗ್ಯ ತಜ್ಞರನ್ನು ಸಂಪರ್ಕಿಸಿದರೆ ಉತ್ತಮ.
ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು ಹಾಗೂ ವಿವಿಧ ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ.