ಬಾಟಲ್​ನಲ್ಲಾದ್ರೂ ಹಾಕಿ​, ಪಾಟ್​ನಲ್ಲಾದ್ರೂ​ ಹಾಕಿ ಮನಿ ಪ್ಲಾಂಟ್ ಆರೈಕೆ ಮರೆಯಬೇಡಿ; ಇಲ್ಲಿವೆ ಸರಳ ಟಿಪ್ಸ್..PothosCare

How To Care Money Plants: ಚಿಕ್ಕಂದಿನಲ್ಲಿ ಸಾಮಾನ್ಯವಾಗಿ ಮನಿ ಪ್ಲಾಂಟ್​ ಕಂಡರೆ, ಹೆಚ್ಚು ಹಣ ಸಿಗುತ್ತಂತೆ ಎಂದು ಕಿತ್ತು ತಂದು ಮನೆಯ ಅಂಗಳದಲ್ಲಿ ನೆಡುವುದು ನಂಬಿಕೆಯಾಗಿತ್ತು. ಇತ್ತೀಚಿನ ದಿನಗಳಲ್ಲೂ ಜ್ಯೋತಿಷ್ಯ ಶಾಸ್ತ್ರ ಕೇಳಿ ಪಾಲನೆ ಮಾಡುವುದು ವಾಡಿಕೆ.ಮನಿ ಪ್ಲಾಂಟ್​ ಅಥವಾ ಪೋಥೋಸ್​ ಮನೆಯ ಒಳಗಾಂಣದ ಅಂದ ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ.

ಮನಿ ಪ್ಲಾಂಟ್​ (PothosCare)ಬೆಳೆಯೋದು ಸುಲಭವಾದರೂ ಸಹ ಇವುಗಳ ಆರೈಕೆಯ ಬಗ್ಗೆ ಹೆಚ್ಚಾಗಿ ಗಮನಕೊಡಬೇಕಾಗುತ್ತದೆ. ಹಾಗಾದ್ರೆ ಇವುಗಳನ್ನು ಬೆಳೆಯುವ ವಿಧಾನ ಹೇಗೆ, ಎಷ್ಟು ಪೋಷಣೆ ಮಾಡಬೇಕು ಎನ್ನುವ ಬಗ್ಗೆ ಮಾಹಿತಿ ಇಲ್ಲಿದೆ.

ಮನೆಯ ಅಂಗಳ ಹಸಿರಿನಿಂದ ಕೂಡಿರಬೇಕು ಎಂದು ತೋಟಗಾರಿಕೆ ಮಾಡಲು ಬಯಸುವ ಹೊಸಬರು, ಮನಿಪ್ಲಾಂಟ್​ ಬೆಳೆಯುವುದು ಸೂಕ್ತ. ಇವುಗಳಲ್ಲಿ ಒಟ್ಟು ಮೂರು ಪ್ರಬೇದಗಳಿವೆ. ಒಂದು ಗೋಲ್ಡನ್​, ಮಂಜುಳ ಮತ್ತು ಜೇಡ್​ ಮನಿಪ್ಲಾಂಟ್​. ಮನೆಗಳಲ್ಲಿ, ಗ್ರಂಥಾಲಯ ಹಾಗೂ ರೆಸ್ಟೋರೆಂಟ್, ಬಾರ್​ಗಳಲ್ಲಿ ಹೃದಯಾಕರಾದಲ್ಲಿರುವ ಗೋಲ್ಡನ್​ ಮನಿಪ್ಲಾಂಟ್​ ಬೆಳೆಯಲಾಗುತ್ತದೆ.

ಯಾವುದೇ ಸಸಿಗೆ ನೀರಿನ ಅಗತ್ಯವಿರುತ್ತದೆ. ಹಾಗಂತ ಮಾರುಗಟ್ಟಲೇ ನೀರು ಹಾಕಿದರೆ ಅವು ಸತ್ತೇ ಹೋಗುತ್ತದೆ. ಇದಕ್ಕೆ ಉದಾಹರಣೆಯೇ ಅತೀವೃಷ್ಟಿ. ಸುಲಭವಾಗಿ ಬೆಳೆಸಲು ಮನಿಪ್ಲಾಂಟ್ ಉತ್ತಮ ಆಯ್ಕೆ. ಆದರೆ, ಇದಕ್ಕೆ ಯಥೇಚ್ಚವಾಗಿ ನೀರು ಸುರಿಯಬಾರದು. ನಿಮ್ಮ ಬೆರಳನ್ನು ಒಂದು ಇಂಚಷ್ಟು ಪಾಟ್​ನೊಳಗೆ ಇಡಿ. ಅದು ತೇವವಾಗಿ ಇರವುದು ಕಾಣದಿದ್ದರೆ, ನೀರು ಹಾಕಿ ಎಂದು ನರ್ಸರಿ ತಜ್ಞರು ಹೇಳುತ್ತಾರೆ.

ಇದನ್ನು ಓದಿ: ಮುಂಜಾನೆ ಅಥವಾ ರಾತ್ರಿ ಬಾಳೆ ಹಣ್ಣು ಸೇವಿಸಲು ಯಾವ ಸಮಯ ಸೂಕ್ತ?..Banana Eating Timings

ಭೂಮಿ ಮೇಲಿರುವ ಕೆಲವು ಗಿಡಗಳಿಗೆ ಸೂರ್ಯನ ಬೆಳಕು ಅತಿಯಾಗಿ ಅಗತ್ಯವಿರೋದಿಲ್ಲ. ಅದರ ಲಿಸ್ಟಿನಲ್ಲಿ ಮನಿಪ್ಲಾಂಟ್​ ಇದೆ. ಕಡಿಮೆ ಬೆಳಕಿನಲ್ಲಿ ಉತ್ತಮವಾಗಿ ಬೆಳೆಯುವ ತಾಕತ್ತು ಇದಕ್ಕಿದೆ. 18°C ನಿಂದ 27°C ತಾಪಮಾನವು ಈ ಸಸ್ಯಗಳಿಗೆ ಪೂರಕ. ಅತಿಯಾದ ಚಳಿ ಅಥವಾ ಹೀಟಿಂಗ್ ವೆಂಟ್‌ಗಳ ಬಳಿ ಇಡುವುದನ್ನು ತಪ್ಪಿಸಿ.

ಮನಿಪ್ಲಾಂಟ್​ ಬೆಳೆಯಲು ಇದೇ ಮಣ್ಣು ಬೇಕು ಅಂತೇನಿಲ್ಲ. ಆದರೆ, ನೀರು ನಿಲ್ಲದಂತೆ ನೋಡಿಕೊಳ್ಳುವ ಮಣ್ಣಿನ ಮಿಶ್ರಣವಿರುವುದನ್ನೇ ಮನಿ ಪ್ಲಾಂಟ್​ ಬೆಳೆಸಲು ಆಯ್ಕೆ ಮಾಡಿಕೊಳ್ಳಿ. ಮಾರ್ಚ್​ನಿಂದ ಅಕ್ಟೋಬರ್​ವರೆಗೂ ಮಣ್ಣು ಬದಲಾಯಿಸಲು ಸೂಕ್ತ ಸಮಯ. ಎರೆಹುಳು, ತೆಂಗಿನ ಎಳೆ, ಪಾಚಿಯುಳ್ಳ ಗೊಬ್ಬರ ಹಾಕಿ ಪೋಷಿಸಿ.

ಮನಿ ಪ್ಲಾಂಟ್​ ಹೊಸದಾಗಿ ಬೆಳೆಯಲು ಆಗಾಗ್ಗೆ ಅದರ ಕೊಂಬೆಗಳನ್ನು ಕತ್ತರಿಸಬೇಕು. ಎಲೆಗಳು ಪೂರ್ತಿಯಾಗಿ ಬಿದ್ದಾಗ ಬೋಡಾಗಿ ಕಾಣುವ ಕಾಂಡಕ್ಕಿಂತ ಹೆಚ್ಚು ಬೆಳವಣಿಗೆ ಕಂಡಾಗ 3ರಿಂದ 6 ಇಂಚಿನಷ್ಟು ಕೊಂಬೆ ಟ್ರಿಮ್​ ಮಾಡಬೇಕಾಗುತ್ತದೆ.ಮನಿಪ್ಲಾಂಟ್​ಗಳಲ್ಲಿ ಕೀಟಗಳು ಹೊಕ್ಕಿಕೊಂಡಾಗ ಅದಕ್ಕೆ ಕೀಟ ನಾಶಕಗಳು ಬಳಸಬೇಕು, (ಏಜೆನ್ಸೀಸ್).