health tips : ಆರಂಭದಿಂದಲೂ ಜನರು ನಿಮಗೆ ತರಕಾರಿಗಳು ಮತ್ತು ಸೊಪ್ಪುಗಳನ್ನು ತಿನ್ನಲು ಸಲಹೆ ನೀಡುತ್ತಾ ಬಂದಿದ್ದಾರೆ. ತರಕಾರಿಗಳು ಮತ್ತು ಸೊಪ್ಪುಗಳು ದೈಹಿಕ ಹಾಗೂ ಮಾನಸಿಕ ಆರೋಗ್ಯಕ್ಕೆ ಪ್ರಮುಖವಾಗಿವೆ. ತರಕಾರಿಗಳಲ್ಲಿನ ನಾರಿನ ಅಂಶವು ಕರುಳಿನ ಆರೋಗ್ಯವನ್ನು ಸುಧಾರಿಸುತ್ತದೆ. ಅವುಗಳಲ್ಲಿರುವ ಪೋಷಕಾಂಶಗಳು ಹೃದಯ ಮತ್ತು ಮೆದುಳಿನ ಆರೋಗ್ಯವನ್ನು ಉತ್ತೇಜಿಸುತ್ತದೆ. ಆದರೆ ಈ ಪ್ರಯೋಜನಗಳನ್ನು ಪಡೆಯಲು ನೀವು ಎಷ್ಟು ತರಕಾರಿಗಳನ್ನು ತಿನ್ನಬೇಕು? ತರಕಾರಿಗಳ ವಿಷಯಕ್ಕೆ ಬಂದಾಗ ದೈನಂದಿನ ಸೇವನೆ ಹೇಗಿರಬೇಕು? ಈ ಬಗ್ಗೆ ವೈದ್ಯರು ಹೇಳಿದ ಮಾಹಿತಿಯನ್ನು ತಿಳಿಯೋಣ ಬನ್ನಿ.
ತರಕಾರಿಗಳು, ಮಾಂಸಾಹಾರಕ್ಕಿಂತ ಕಡಿಮೆ ಪ್ರೊಟೀನ್ ಅಂಶ ಹೊಂದಿವೆ. ಆದರೆ ತರಕಾರಿಗಳು ಹೆಚ್ಚು ಆರೋಗ್ಯ ಪ್ರಯೋಜನ ನೀಡುತ್ತವೆ. ಯಾವುದೇ ರೀತಿಯ ಆರೋಗ್ಯಕರ ಆಹಾರ ಸೇವನೆ ಮಾದರಿಯು ಪ್ರಧಾನ ಅಂಶವಾಗಿದೆ. ತರಕಾರಿಗಳು ಅಗತ್ಯವಾದ ಪೋಷಕಾಂಶಗಳಲ್ಲಿ ಸಮೃದ್ಧವಾಗಿವೆ. ಇದು ನಿಮ್ಮ ದೇಹವು ಆರೋಗ್ಯಕರ ಮತ್ತು ಪರಿಣಾಮಕಾರಿಯಾಗಿ ಕಾರ್ಯ ನಿರ್ವಹಿಸಲು ಸಹಾಯ ಮಾಡುತ್ತದೆ.
ನಾವು ಪ್ರತಿ ದಿನ ಹಲವು ಬಗೆಯ ತರಕಾರಿಗಳನ್ನು ವಿವಿಧ ಬಗೆಯ ಅಡುಗೆ ಪದಾರ್ಥಗಳನ್ನಾಗಿ ಬಳಕೆ ಮಾಡಿಕೊಂಡು ಸೇವನೆ ಮಾಡುತ್ತಲೇ ಇರುತ್ತೇವೆ. ಆದರೆ ಅವುಗಳನ್ನು ಯಾವ ವಯಸ್ಸಿನಲ್ಲಿ ಎಷ್ಟು ಪ್ರಮಾಣದಲ್ಲಿ ಸೇವಿಸಬೇಕು ಎಂದು ಗೊತ್ತೇ ಇರಲ್ಲ. ನಮ್ಮ ದೇಹಕ್ಕೆ ಯಾವುದು ಅತಿಯಾಗಬಾರದು. ಸರಿಯಾದ ಪ್ರಮಾಣದಲ್ಲಿ ಉತ್ತಮ ಆಹಾರ ಸೇವನೆಯು ನಮ್ಮನ್ನು ಸದೃಢರನ್ನಾಗಿಸುತ್ತದೆ.
ಪ್ರತಿದಿನ ಕನಿಷ್ಠ 5 ರೀತಿಯ ಹಣ್ಣು ಮತ್ತು ತರಕಾರಿಗಳನ್ನು ತಿನ್ನಬೇಕು. ತರಕಾರಿಗಳು ಆರೋಗ್ಯಕರ ಮಾತ್ರವಲ್ಲ, ಅವು ಫೈಬರ್ ಅನ್ನು ಒದಗಿಸುತ್ತವೆ. ಇದು ನಿಮ್ಮ ಕರುಳಿನ ಬ್ಯಾಕ್ಟೀರಿಯಾಗಳಿಗೆ ಆಹಾರವಾಗಿದೆ. ಇದು ನಿಮ್ಮ ರಕ್ತದಲ್ಲಿನ ಸಕ್ಕರೆ ಮತ್ತು ಕೊಲೆಸ್ಟ್ರಾಲ್ ಅನ್ನು ಸ್ಥಿರಗೊಳಿಸುತ್ತದೆ. ಮತ್ತು ಮುಖ್ಯವಾಗಿ ನಿಮ್ಮ ರೋಗನಿರೋಧಕ ಕಾರ್ಯವನ್ನು ಬೆಂಬಲಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ.
ಇದನ್ನೂ ಓದಿ:ವಿದ್ಯಾರ್ಥಿಯ ಗುಪ್ತಾಂಗಕ್ಕೆ ಗಾಜಿನ ಕ್ಲೀನರ್ ಸಿಂಪಡಿಸಿದ ಶಿಕ್ಷಕಿ: ಮುಂಬೈನಲ್ಲೊಂದು ಆಘಾತಕಾರಿ ಘಟನೆ! School
(ಏಜೆನ್ಸೀಸ್)
ಹದಿಹರೆಯದ ಹುಡುಗಿಯರು ಪ್ರತಿದಿನ ಕನಿಷ್ಠ ಎರಡೂವರೆ ಕಪ್ ತರಕಾರಿಗಳನ್ನು ತಿನ್ನಬೇಕು. ಹದಿಹರೆಯದ ಹುಡುಗರು ದಿನಕ್ಕೆ ಕನಿಷ್ಠ ಮೂರು ಕಪ್ ತರಕಾರಿಗಳನ್ನು ತಿನ್ನಬೇಕು. ಮತ್ತು ಪ್ರತಿದಿನ ಕನಿಷ್ಠ 30 ನಿಮಿಷಗಳ ವ್ಯಾಯಾಮ ಮಾಡುವ ಅಭ್ಯಾಸವಿದ್ದರೆ ಸ್ವಲ್ಪ ಹೆಚ್ಚು ಬೇಕಾಗಬಹುದು ಎಂದು ಅಂದಾಜಿಸಲಾಗಿದೆ.
ಎರಡರಿಂದ ಮೂರು ವರ್ಷ ವಯಸ್ಸಿನ ಚಿಕ್ಕ ಮಕ್ಕಳು ಪ್ರತಿದಿನ ಒಂದು ಕಪ್ ತರಕಾರಿಗಳನ್ನು ಸೇವಿಸಬೇಕು. ಸಾಕಷ್ಟು ಹಸಿರು ತರಕಾರಿ ಸೇವನೆ ಒಳ್ಳೆಯದು. ಅಂದರೆ ಇಡೀ ದಿನದ ಒಟ್ಟು ತರಕಾರಿ ಸೇವನೆ 1 ಕಪ್ ಆಗಿದ್ದರೆ ಉತ್ತಮ. ಬೆಳಗ್ಗೆ ಬಟಾಣಿ, ಊಟದಲ್ಲಿ ಆಲೂ, ಹಸಿರು ಬೀನ್ಸ್, ಸಿಹಿ ಪೊಟ್ಯಾಟೋ ಹೀಗೆ ಬೇರೆ ಬೇರೆಯಾಗಿ 1 ಕಪ್ ತರಕಾರಿ ತಿನ್ನಿಸಬೇಕು.