ಎಕ್ಕದ ಗಿಡ ಯಾರಿಗೆ ಗೊತ್ತಿಲ್ಲಾ ಹೇಳಿ. ಶಿವನ ಆರಾಧನೆಯ ಸಮಯದಲ್ಲಿ ಎಕ್ಕದ ಹೂವನ್ನು ಅರ್ಪಿಸಲಾಗುತ್ತದೆ. ಗಾಯಗಳಿಗೆ ಎಕ್ಕದ ಎಲೆಯ ಹಾಲನ್ನು ಬಳಸುವುದು ಉಂಟು. ಇದರಲ್ಲಿರುವ ಔಷಧೀಯ ಗುಣಗಳು ಗಾಯವನ್ನು ಬಹುಬೇಗ ವಾಸಿ ಮಾಡುತ್ತದೆ. ಶುಭಕಾರ್ಯಗಳಿಗೆ ಮಾತ್ರವಲ್ಲ ಇದು ಅನೇಕ ರೋಗಗಳಿಗೆ ರಾಮಬಾಣವಾಗಿದೆ.
- ಎಕ್ಕದ ಗಿಡ ಗುದನಾಳದ ಕಾಯಿಲೆಗಳಿಗೆ ಉತ್ತಮ ಚಿಕಿತ್ಸೆಯಾಗಿದೆ ಎಂದು ತಜ್ಞರು ಹೇಳುತ್ತಾರೆ. ಔಷಧಗಳಿಂದ ಪರಿಹಾರ ಸಿಗದಿದ್ದರೆ ಆಯುರ್ವೇದದಲ್ಲಿ ಎಕ್ಕದ ಎಲೆಗಳಿಂದ ಚಿಕಿತ್ಸೆ ನೀಡಲಾಗುತ್ತದೆ. ಈ ಎಲೆಗಳಲ್ಲಿ ಉರಿಯೂತದ ಮತ್ತು ಉತ್ಕರ್ಷಣ ನಿರೋಧಕ ಗುಣಲಕ್ಷಣಗಳಿವೆ.
- ಗುದದ್ವಾರಕ್ಕೆ ಸಂಬಂಧಿಸಿದ ಮುಖ್ಯ ಸಮಸ್ಯೆ ಪೈಲ್ಸ್. ಪ್ರಸ್ತುತ ಜೀವನಶೈಲಿಯಲ್ಲಿ ಪೈಲ್ಸ್ನಿಂದ ಹಲವರು ನರಳಾಡುತ್ತಿದ್ದಾರೆ. ಎಕ್ಕದ ಗಿಡದ ಎಲೆಗಳಿಂದ ಪಡೆಯುವ ಚಿಕಿತ್ಸೆಯು ಕೆಲವೇ ದಿನಗಳಲ್ಲಿ ಪರಿಹಾರವನ್ನು ನೀಡುತ್ತದೆ. ಇದಕ್ಕಾಗಿ ಎಕ್ಕದ ಗಿಡದ ಎಲೆಗಳನ್ನು ಪುಡಿಮಾಡಿ ಅಥವಾ ಅದರ ಪೇಸ್ಟ್ ಮಾಡಿ ಅದನ್ನು ಬ್ಯಾಂಡೇಜ್ ಮೇಲೆ ಅನ್ವಯಿಸಿ. ಈಗ ಈ ಬ್ಯಾಂಡೇಜ್ ಅನ್ನು ಗುದದ ಮೇಲೆ ಅನ್ವಯಿಸಿ. 40 ದಿನಗಳಲ್ಲಿ ನಿಮಗೆ ಪರಿಹಾರ ಸಿಗುತ್ತದೆ.
- ಕಿವಿಯಲ್ಲಿನ ಸ್ರಾವವು ಹಾಗೂ ಒರಟುತನದ ಸಮಸ್ಯೆಯೂ ದೂರವಾಗುತ್ತದೆ. ಎಕ್ಕದ ಎಲೆಯ ರಸದಲ್ಲಿ ಡಿಪ್ ಮಾಡಿದ ಹತ್ತಿಯನ್ನು ಸ್ವಲ್ಪ ಹಿಂಡಿ ಬಳಿಕ ಕಿವಿಯಲ್ಲಿಡಿ. ಕೆಲವೇ ದಿನಗಳ ಬಳಿಕ ಸಮಸ್ಯೆ ದೂರವಾಗುತ್ತದೆ.