ಬೀದಿ ಬದಿ ವ್ಯಾಪಾರಿಗಳೇ ಗಮನಿಸಿ, ಇನ್ಮುಂದೆ ನ್ಯೂಸ್​ಪೇಪರ್​ನಲ್ಲಿ ಆಹಾರ ಸುತ್ತಿಕೊಡುವಂತಿಲ್ಲ; FSSAIನಿಂದ ವಾರ್ನಿಂಗ್

ಹೌದು, ಇತ್ತೀಚೆಗೆ ಮುಂಬೈನಲ್ಲಿ ಜನಪ್ರಿಯ ವಡಾ ಪಾವ್ ಮಾರಾಟಗಾರರೊಬ್ಬರು ಆಹಾರವನ್ನು ಕಟ್ಟಲು ಪತ್ರಿಕೆಗಳನ್ನು ಬಳಕೆ ಮಾಡುತ್ತಿದ್ದದ್ದನ್ನು ಕಂಡ ಹಿನ್ನೆಲರ, FSSAI ಯ ಪಶ್ಚಿಮ ಪ್ರದೇಶ ಮತ್ತು ಮುಂಬೈ ಮುನ್ಸಿಪಲ್ ಕಾರ್ಪೊರೇಷನ್ ಜಂಟಿ ತಪಾಸಣೆ ನಡೆಸಿ ಕ್ರಮ ಕೈಗೊಂಡವು. ಇತರ ತಪಾಸಣೆಗಳ ಸಮಯದಲ್ಲಿ, ಅಧಿಕಾರಿಗಳು ಅನುಮೋದಿತ ಪ್ಯಾಕೇಜಿಂಗ್ ಸಾಮಗ್ರಿಗಳ ಬಗ್ಗೆ ಮಾರಾಟಗಾರರಿಗೆ ಅರಿವು ಮೂಡಿಸಿದರು.

ಜೂನ್ 5ರಿಂದ ಆಹಾರ ಪ್ಯಾಕ್​ ಮಾಡಲು ಅಥವಾ ಅದರಲ್ಲಿ ಪದಾರ್ಥ ನೀಡುವುದು ನಿಷೇಧ ಎಂದು ಸೂಚನೆ ಕೊಟ್ಟಿದೆ. ಪತ್ರಿಕೆಯ ಇಂಕಿನಲ್ಲಿರುವ ಸೀಸ ಮತ್ತು ಅಪಾಯಕಾರಿ ರಾಸಾಯನಿಕಗಳು, ಬೈಂಡರ್‌ಗಳು ಬಿಸಿ ಆಹಾರಕ್ಕೆ ಕರಗಿ ಅದನ್ನು ತಿನ್ನುವ ದೇಹಕ್ಕೆ ಸೇರಿ ದೀರ್ಘಕಾಲದ ಕಾಯಿಲೆಗಳಿಗೆ ಕಾರಣವಾಗಬಹುದು ಎಂದು FSSAI ಎಂದು ಹೇಳಿದೆ. ಈ ಪತ್ರಿಕೆಗಳನ್ನು ಅಲ್ಲಲ್ಲಿ ನೆಲದ ಮೇಲೆ ಇಟ್ಟು ಹಂಚಿಕೆಗೆ ತಯಾರಿ ಮಾಡಿಕೊಳ್ಳುತ್ತಾರೆ. ಇದರ ಮೇಲೆ ಧೂಳು ಸೇರಿದಂತೆ ಸಾಕಷ್ಟು ಕಣಗಳು ಇರುತ್ತವೆ ಇದು ಮಾನವನ ದೇಹಕ್ಕೆ ಹೋಗುವುದು ಅಪಾಯಕಾರಿ ಎಂದಿದ್ದಾರೆ. 

ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ (ಪ್ಯಾಕೇಜಿಂಗ್) ನಿಯಮಗಳು 2018ರ ಅಡಿಯಲ್ಲಿ  ನ್ಯೂಸ್​ ಪೇಪರ್​​ನಲ್ಲಿ ಆಹಾರವನ್ನು ಸಂಗ್ರಹಿಸಿ, ನೀಡುವುದು ನಿಷಿದ್ಧ ಎಂದು ಹೇಳಲಾಗಿದೆ. ಇಷ್ಟೇ ಅಲ್ಲದೇ ಕರಿದ ತಿಂಡಿಯಾದ ಸಮೋಸ, ಜಿಲೇಬಿ, ಪಕೋಡ ಬಜ್ಜಿ, ಬೋಂಡಾ ಸಹ ಪೇಪರ್​ನಲ್ಲಿ ಕೊಡುವಂತಿಲ್ಲ ಎಂದು ಹೇಳಿದ್ದಾರೆ, (ಏಜೆನ್ಸೀಸ್).