ಕಣ್ಣುಗಳು ಆಗಾಗ್ಗೆ ಕಿರಿಕಿರಿ, ನೋಯುತ್ತಿರುವ ಅಥವಾ ಕೆಂಪಾಗಿದ್ದರೆ ಡ್ರೈ ಐ ಸಿಂಡ್ರೋಮ್ನಿಂದ ಬಳಲುತ್ತಿದ್ದೀರಾ ಎಂದು ಅರ್ಥ. ಡ್ರೈ ಐ ಸಿಂಡ್ರೋಮ್ ಪ್ರಾಥಮಿಕವಾಗಿ ಕಣ್ಣೀರಿನ ಸ್ರವಿಸುವಿಕೆಯಿಂದ ಉಂಟಾಗುತ್ತವೆ. ಕಣ್ಣೀರಿನ ಸಂಶ್ಲೇಷಣೆಯು ಕಣ್ಣಿನ ಸ್ವಾಸ್ಥ್ಯದ ಪ್ರಮುಖ ಅಂಶವಾಗಿದೆ. ಇದು ನಿರಂತರ ತೇವಾಂಶವನ್ನು ಪೂರೈಸಲು ಅವಶ್ಯಕವಾಗಿದೆ. ಡ್ರೈ ಐ ಸಿಂಡ್ರೋಮ್ ಸರಿಪಡಿಸಲು ಹಾಗೂ ಕಣ್ಣಿನ ಯೋಗಕ್ಷೇಮವನ್ನು ಕಾಪಾಡಿಕೊಳ್ಳಲು ಆಯುರ್ವೇದದಲ್ಲಿ ಹಲವು ಮಾರ್ಗಗಳಿವೆ. ಸಮತೋಲಿತ ಆಹಾರ ಸೇವನೆ ಮತ್ತು ಸರಿಯಾದ ನಿದ್ರೆಯ ಜತೆಗೆ ಆಯುರ್ವೇದದ ಈ ಮಾರ್ಗಗಳನ್ನು ಅನುಸರಿಸಿದರೆ ಡ್ರೈ ಐ ಸಿಂಡ್ರೋಮ್ ಅನ್ನು ಕಡಿಮೆ ಮಾಡಿಕೊಳ್ಳಬಹುದು.
- ದ್ರಾಕ್ಷಿ: ದ್ರಾಕ್ಷಿಯು ತಂಪಾಗಿಸುವ ಗುಣಗಳನ್ನು ಹೊಂದಿದೆ, ಜೊತೆಗೆ ಆಂಥೋಸಯಾನಿನ್ ಉತ್ಕರ್ಷಣ ನಿರೋಧಕಗಳನ್ನು ಹೊಂದಿದೆ, ಇದು ಕಣ್ಣುಗಳಲ್ಲಿನ ಕಿರಿಕಿರಿಯನ್ನು ತಗ್ಗಿಸುತ್ತದೆ ಮತ್ತು ತೇವಾಂಶವನ್ನು ಹೆಚ್ಚಿಸುತ್ತದೆ. ದ್ರಾಕ್ಷಿ ತಿನ್ನುವುದರ ಜತೆಗೆ ದ್ರಾಕ್ಷಿಯ ಪೇಸ್ಟ್ ಅನ್ನು ಸಕ್ಕರೆಯೊಂದಿಗೆ ಕಣ್ಣಿನ ರೆಪ್ಪೆಗಳ ಮೇಲೆ ಅಪ್ಲೈ ಮಾಡುವುದು ಪ್ರಯೋಜನಕಾರಿ.
- ಬೆಣ್ಣೆ: ಹಸುವಿನ ಹಾಲಿನಿಂದ ಪಡೆದ ಶುದ್ಧ ತುಪ್ಪವಾಗಿರುವ ಘೃತ(ಬೆಣ್ಣಿ)ವು ಕೊಬ್ಬಿನಾಮ್ಲಗಳಿಂದ ತುಂಬಿದೆ. ಬೆಚ್ಚಗಿನ ತುಪ್ಪವನ್ನು ಕಣ್ಣಿನ ಸುತ್ತ ಹಚ್ಚುವುದರಿಂದ ಕಿರಿಕಿರಿ ಕಡಿಮೆಯಾಗುತ್ತದೆ. ರೆಪ್ಪೆಗೂದಲು ಮತ್ತು ರೆಪ್ಪೆಗಳ ಮೂಲೆಗಳಲ್ಲಿ ಸ್ವಲ್ಪ ತುಪ್ಪವನ್ನು ಹಚ್ಚಿ ಮತ್ತು ಅದನ್ನು ಕೆಲವು ನಿಮಿಷಗಳ ಕಾಲ ಇರಿಸುವುದರಿಂದ ಕಣ್ಣಿನ ಆರೋಗ್ಯ ವೃದ್ಧಿಸುತ್ತದೆ.
- ಚಂದನ: ಶ್ರೀಗಂಧ ಅಥವಾ ಚಂದನವು ಆರೋಗ್ಯಕರ ಚರ್ಮಕ್ಕಾಗಿ ಮಾತ್ರವಲ್ಲದೆ ಡ್ರೈಐಗೆ ಚಿಕಿತ್ಸೆಗೂ ಉಪಯೋಗಕಾರಿ. ಶ್ರೀಗಂಧದ ಪುಡಿ ಮತ್ತು ಕ್ಯಾಸ್ಟರ್ ಆಯಿಲ್ನಲ್ಲಿ ಬೆರೆಸಿ ಕಣ್ಣಿನ ರೆಪ್ಪೆಗಳ ಮೇಲೆ ಲೇಪಿಸುವುದು ಅಸ್ವಸ್ಥತೆಯನ್ನು ನಿವಾರಿಸುತ್ತದೆ.
- ತ್ರಿಫಲಾ: ಆಮ್ಲಾ, ಬಿಭಿಟಾಕಿ ಮತ್ತು ಹರಿತಕಿ ಈ ಮೂರರ ತ್ರಿಫಲವು ಫೈಟೊನ್ಯೂಟ್ರಿಯೆಂಟ್ಗಳು ಮತ್ತು ಪ್ರಯೋಜನಕಾರಿ ಉತ್ಕರ್ಷಣ ನಿರೋಧಕಗಳನ್ನು ಹೊಂದಿದೆ. ಇದರ ಉತ್ಕರ್ಷಣ ನಿರೋಧಕಗಳು ಕಣ್ಣಿನ ಕಿರಿಕಿರಿಯನ್ನು ಕಡಿಮೆ ಮಾಡುತ್ತದೆ. ಕಣ್ಣೀರಿನ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ ಮತ್ತು ಉರಿಯೂತವನ್ನು ಶಮನಗೊಳಿಸುತ್ತದೆ.
- ಶುಂಠಿ: ಶುಂಠಿಯನ್ನು ಚಹಾ ಅಥವಾ ಜೇನುತುಪ್ಪದೊಂದಿಗೆ ಸೇವಿಸಿದಾಗ ಸುಲಭ ಉಸಿರಾಟಕ್ಕೆ ಸಹಕರಿಸುತ್ತದೆ. ಇದರ ಬೆಚ್ಚಗಾಗುವ ಸ್ವಭಾವವು ಕೆಮ್ಮನ್ನು ನಿವಾರಿಸುತ್ತದೆ ಮತ್ತು ಶ್ವಾಸನಾಳದ ಆರೋಗ್ಯವನ್ನು ಉತ್ತಮಗೊಳಿಸುತ್ತದೆ. ಇದನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸಿ.