ಮೈಸೂರು: ಆತನ ವಯಸ್ಸಿನ್ನೂ 22. ದಾಂಪತ್ಯ ಜೀವನಕ್ಕೆ ಕಾಲಿಡುವ ಕಾತರದಲ್ಲಿದ್ದ ಆತ ತನಗೆ ಮದುವೆ ಮಾಡಿ ಎಂದು ಪಾಲಕರನ್ನು ಪೀಡಿಸುತ್ತಿದ್ದ. ಮಗನ ಆಸೆ ಈಡೇರಿಸಲೆಂದು ಹೆಣ್ಣು ಹುಡುಕಾಟ ಆರಂಭಿಸಿದ್ದ ಪಾಲಕರು, ಮೊದಲು ಮನೆ ಕಟ್ಟೋಣ. ಆ ನಂತರ ಮದುವೆ ಮಾಡಿದರಾಯ್ತು... ಅಂದುಬಿಟ್ಟರು. ಮುಂದೆ ದೊಡ್ಡ ದುರಂತವೇ ಸಂಭವಿಸಿಬಿಟ್ಟಿತು!
ಹೌದು, ಮನೆಯವರು ಮದುವೆ ಮಾಡಲು ತಡ ಮಾಡುತ್ತಾರೆ ಎಂದು ನೊಂದ ಆ ಯುವಕ ಸಾವಿನ ಕದ ತಟ್ಟಿದ್ದಾನೆ. ಮೈಸೂರಿನ ಮಂಡಿ ಮೊಹಲ್ಲಾ ನಿವಾಸಿ ಮಹಮದ್ ಸಲ್ಮಾನ್ (22) ಮೃತ.
ಮದುವೆ ಮಾಡುವಂತೆ ಮಹಮದ್ ಸಲ್ಮಾನ್ ಹಲವು ಬಾರಿ ಪಾಲಕರನ್ನು ಒತ್ತಾಯಿಸಿದ್ದ. ಆತನ ಒತ್ತಡಕ್ಕೆ ಬೇಸತ್ತ ಪಾಲಕರು ಹುಡುಗಿಯನ್ನು ನೋಡಲು ಆರಂಭಿಸಿದ್ದರು. ಈ ಮಧ್ಯೆ ಮನಸ್ಸು ಬದಲಾಯಿಸಿದ ಪಾಲಕರು ಸದ್ಯಕ್ಕೆ ಮದುವೆ ಬೇಡ ಎಂದಿದ್ದರು. ಮೊದಲು ಮನೆ ಕಟ್ಟುವ, ಆಮೇಲೆ ಮದುವೆ ಮಾಡುತ್ತೇವೆ ಎಂದಿದ್ದರು. ಇದೇ ಕಾರಣಕ್ಕೆ ಮನನೊಂದ ಯುವಕ ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಶರಣಾಗಿದ್ದಾನೆ. ಮಂಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.