ತುಮಕೂರು: ಮನೆಯ ಹೊರಗೆ ಇಟ್ಟಿರುವ ಶೂಸ್ ಧರಿಸಲು ಹೋದ ವ್ಯಕ್ತಿಯೊಬ್ಬರು ಅಲ್ಪದಲ್ಲಿಯೇ ಪ್ರಾಣಾಪಾಯದಿಂದ ಪಾರಾಗಿರುವ ಘಟನೆ ತುಮಕೂರು ನಗರ ಹೊರವಲಯ ರಂಗಾಪುರದಲ್ಲಿ ನಡೆದಿದೆ.
ಸ್ವಲ್ಪ ಯಾಮಾರಿದ್ರೂ ಪ್ರಾಣಕ್ಕೆ ಆಪತ್ತು ಬರುತ್ತಿತ್ತು. ಇದಕ್ಕೆ ಕಾರಣ, ಹೊರಗೆ ಇಟ್ಟಿದ್ದ ಶೂಸ್ ಒಳಗೆ ತಣ್ಣನೆ ನಾಗರಹಾವಿನ ಮರಿ ಕುಳಿತಿತ್ತು. ರಂಗನಾಥ್ ಎಂಬುವರ ಮನೆಯಲ್ಲಿ ಈ ಘಟನೆ ನಡೆದಿದೆ,
ಮನೆ ಮುಂದೆ ಬಿಟ್ಟಿದ್ದ ಶೂಸ್ ಒಳಗೆ ನಾಗರ ಹಾವು ಸೇರಿಕೊಂಡಿದೆ. ಬೆಳಗ್ಗೆ ಶೂಸ್ ಧರಿಸಲು ಹೋದಾಗ ಹಾವು ಬುಸುಗುಟ್ಟ ಶಬ್ದ ಕೇಳಿದ್ದರಿಂದ ರಂಗನಾಥ್ ಅವರ ಬಚಾವಾಗಿದ್ದಾರೆ. ಅನುಮಾನಗೊಂಡು ಒಳಗೆ ಇಣುಕಿದಾಗ ನಾಗರಹಾವು ಕಂಡಿದೆ. ಕೂಡಲೇ ಹಾವು ರಕ್ಷಕ ದಿಲೀಪ್ ಅವರಿಗೆ ರಂಗನಾಥ್ ಅವರು ಮಾಹಿತಿ ನೀಡಿದ್ದಾರೆ.
ಉರಗ ರಕ್ಷಕ ದಿಲೀಪ್ ಅವರು ಹಾವು ಹಿಡಿದು ದೇವರಾಯನದುರ್ಗ ಕಾಡಿಗೆಬಿಟ್ಟಿದ್ದಾರೆ.
ವಿಡಿಯೋಗಳು ಇಲ್ಲಿವೆ ನೋಡಿ..