ಗಾಳಿಪಟ ಲಘುಕಥಾ ಸಂಕಲನ ಬಿಡುಗಡೆ

ವಿಜಯಪುರ : ನಗರದ ಚಾಣಕ್ಯ ಕಲಾ ಮತ್ತು ವಾಣಿಜ್ಯ ಮಹಾವಿದ್ಯಾಲಯದಲ್ಲಿ ಗುರುವಾರ ಪ್ರೊ. ಶಂಭು ಮೇರವಾಡೆ ರಚಿಸಿದ ಗಾಳಿಪಟ ಲಘು ಕಥಾ ಸಂಕಲನ ಬಿಡುಗಡೆಗೊಳಿಸಲಾಯಿತು.

ನಿವೃತ್ತ ಪ್ರಾಚಾರ್ಯ ಡಾ. ಯು.ಎಸ್. ಪೂಜೇರಿ ಪುಸ್ತಕ ಬಿಡುಗಡೆಗೊಳಿಸಿ, ಈ ಕಥಾಸಂಕಲನ ಎಲ್ಲ ಸಹೃದಯರು ಓದುವಂತಹ ಸಾಮಾಜಿಕ ಕಳಕಳಿಯ ಹಾಗೂ ನೈಜ ಘಟನೆಗಳನ್ನು ಆಧರಿಸಿ ಬರೆದಂತಹುದಾಗಿದೆ. ಸಾಧನೆ ಸಾಧಕನ ಸೊತ್ತು ಹೊರತು ಸೋಮಾರಿಯ ಸೊತ್ತಲ್ಲ ಎಂಬುದನ್ನು ಪ್ರೊ. ಶಂಭು ನಿರೂಪಿಸಿದ್ದಾರೆಂದರು.

ಇದನ್ನೂ ಓದಿ: ಕಾಯಕದಲ್ಲಿ ನಂಬಿಕೆಯಿದ್ದರೆ ಯಶಸ್ಸು ಖಂಡಿತ

ಉಪ ಪ್ರಾಚಾರ್ಯ ಜಿ.ಆರ್. ಅಂಬಲಿ ಮಾತನಾಡಿದರು. ಪ್ರಾಚಾರ್ಯ ಎಸ್.ಟಿ. ಮೇರವಾಡೆ ಅಧ್ಯಕ್ಷತೆ ವಹಿಸಿದ್ದರು. ಪ್ರೊ. ಬಿ.ಎ. ಕುಲಕರ್ಣಿ, ಪ್ರೊ. ಜಿ.ಎಸ್. ಬಗಲಿ, ಎಂ.ಟಿ. ಶೇಲಾರ ಮತ್ತಿತರರಿದ್ದರು.

ಅಂಜುಮನ್ ಮಹಾವಿದ್ಯಾಲಯದ ಹಿಂದಿ ಪ್ರಾಧ್ಯಾಪಕ ಪ್ರೊ. ಎ.ಎಂ. ಸಿದ್ದಕಿ ಪ್ರಾರ್ಥಿಸಿದರು. ಪ್ರೊ.ಬಿ.ವಿ. ಹಿರೇಮಠ ಸ್ವಾಗತಿಸಿ ಪರಿಚಯಿಸಿದರು. ಪ್ರೊ.ಎನ್.ಎಸ್. ಹರನಾಳ ನಿರೂಪಿಸಿದರು. ಪ್ರೊ.ಆರ್.ಬಿ. ಕಟ್ಟಿಮನಿ ವಂದಿಸಿದರು.