ಬೆಳಗಾವಿ: ಕ್ರಿಯೇಟಿವಿಟಿ ಅನ್ನೋದು ಮದ್ವೆ ಆಮಂತ್ರಣ ಪತ್ರಿಕೆಯ್ಲಲೂ ಭಾರಿ ಸದ್ದು ಮಾಡುತ್ತಿದೆ. ಆಧಾರ ಕಾರ್ಡ್, 2 ಸಾವಿರ ರೂಪಾಯಿ ನೋಟು, ಪಡಿತರ ಚೀಟಿ, ದಿನ ಪತ್ರಿಕೆ, ಮ್ಯಾಗಝೈನ್, ಲವ್ ಬರ್ಡ್, ಹೂವು, ಆಭರಣದ ಬಾಕ್ಸ್ ಮಾದರಿಯ ಆಮಂತ್ರಣ ಪತ್ರಿಗಳನ್ನು ಇದುವರೆಗೂ ನೋಡಿದ್ದೀರಿ. ಇದೀಗ ಬೆಳಗಾವಿಯಲ್ಲಿ ನವಜೋಡಿಯೊಂದು ವಿನೂತನವಾಗಿ ಆಮಂತ್ರಣ ಪತ್ರಿಕೆ ನೀಡಿ ಮದ್ವೆಗೆ ಆಹ್ವಾನಿಸುತ್ತಿದೆ. ಆ ಇನ್ವಿಟೇಷನ್ ಕಾರ್ಡ್ನಲ್ಲೇನಿದೆ ವಿಶೇಷ ಅಂತೀರಾ?
ಬೆಳಗಾವಿಯ ಅನಗೋಳದ ನಿವಾಸಿ ಧರ್ಮರಾಜ್ ಪಾಟೀಲ್ ಮತ್ತು ರೀಚಿತಾ ಮದುವೆ ಫೆ.28ರಂದು ನಿಶ್ಚಯವಾಗಿದ್ದು, ಈ ಜೋಡಿ ವಿಮಾನ ಪ್ರಯಾಣಿಕರ ಪಾಸ್ ಪೋರ್ಟ್-ಬೋರ್ಡಿಂಗ್ ಪಾಸ್ ಕೊಟ್ಟು ಸಂಬಂಧಿಕರು ಮತ್ತು ಸ್ನೇಹಿತರನ್ನು ಮದ್ವೆಗೆ ಆಹ್ವಾನಿಸುತ್ತಿದೆ.
ಅರೆ, ಮದ್ವೆಗೆ ಬನ್ನಿ ಅಂತ ಪಾಸ್ಪೋರ್ಟ್ ಕೊಟ್ಟು ಕರೀತಿದ್ದಾರಾ ಎಂದು ಉಬ್ಬೇರಿಸಬೇಡಿ. ಇದು ಪಾಸ್ಪೋರ್ಟ್ ಮತ್ತು ಬೋರ್ಡಿಂಗ್ ಪಾಸ್ ಮಾದರಿಯಲ್ಲಿರುವ ಮದ್ವೆ ಆಮಂತ್ರಣ ಪತ್ರಿಕೆ! ಬೋರ್ಡಿಂಗ್ ಪಾಸ್, ವೆಡ್ಡಿಂಗ್ ಏರ್ಲೈನ್, ಪಾಸ್ಪೋರ್ಟ್ to ಮ್ಯಾರೇಜ್, ಸೀಟ್-ವಿಐಪಿ, ಪ್ಯಾಸೆಂಜರ್ ನೇಮ್..., ಬೋರ್ಡಿಂಗ್ ಟೈಮ್ (ಮುಹೂರ್ತ ಸಮಯ), ಡೆಸ್ಟಿನೇಷನ್, ಲೋಕೇಷನ್ (ಮದ್ವೆ ನಡೆಯುವ ಸ್ಥಳ) ಎಲ್ಲವನ್ನೂ ಡಿಫರೆಂಟ್ ಆಗಿ ಮುದ್ರಿಸಿದ್ದಾರೆ. ಈ ಆಮಂತ್ರಣ ಪತ್ರಿಕೆ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.