ಬೆಂಗಳೂರು : ಕೋವಿಡ್ ನಿಯಮ ಉಲ್ಲಂಘಿಸಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದ ಎರಡು ಲಿಕ್ಕರ್ ಶಾಪ್ಗಳನ್ನು ಬೆಂಗಳೂರು ಪೊಲೀಸರು ಸೀಲ್ ಮಾಡಿದ್ದಾರೆ. ಬೆಳಿಗ್ಗೆ ೧೦ ಗಂಟೆ ಬಳಿಕವೂ ಅರ್ಧ ಶಟರ್ ಮುಚ್ಚಿ ಖುಲ್ಲಂ ಖುಲ್ಲಾ ಮದ್ಯ ಮಾರಾಟ ಮಾಡುತ್ತಿದ್ದ ಮಾಲೀಕರ ಮೇಲೆ ಕೇಸು ದಾಖಲಿಸಲಾಗಿದೆ.
ಸೋಲದೇವನಹಳ್ಳಿಯ ಶಿಲ್ಪಾ ಲಿಕ್ಕರ್ ಶಾಪ್ ಮತ್ತು ಗಂಗಮ್ಮನಗುಡಿಯ ಸಪ್ತಗಿರಿ ಲಿಕ್ಕರ್ ಶಾಪ್ ಈ ರೀತಿ ಲಾಕ್ಡೌನ್ ನಿಯಮ ಉಲ್ಲಂಘಿಸಿ ಸಿಕ್ಕುಬಿದ್ದಿರುವ ಮಳಿಗೆಗಳು. ಈ ಮಳಿಗೆಗಳನ್ನು ಪೊಲೀಸರು ಸೀಲ್ ಡೌನ್ ಮಾಡಿದ್ದಾರೆ. ಈ ಎರಡು ಲಿಕ್ಕರ್ ಶಾಪ್ ಮಾಲೀಕರ ವಿರುದ್ಧ ಸೋಲದೇವನಹಳ್ಳಿ ಮತ್ತು ಗಂಗಮ್ಮನಗುಡಿ ಠಾಣೆಗಳಲ್ಲಿ ಎರಡು ಪ್ರತ್ಯೇಕ ಎಫ್ಐಆರ್ ದಾಖಲು ಮಾಡಲಾಗಿದೆ.