ಬೆಂಗಳೂರು: ಭಾರತದ ಅತ್ಯಂತ ಕೆಟ್ಟ ಭಾಷೆ ವಿವಾದವು ತಾರಕಕ್ಕೇರಿದ ಬೆನ್ನಲ್ಲೇ ಸಾವಿರಾರು ಕನ್ನಡಿಗರ ಆಕ್ರೋಶಕ್ಕೆ ಮಣಿದಿರುವ ಗೂಗಲ್, ವಿವಾದಾತ್ಮಕ ಪುಟವನ್ನೇ ತೆಗೆದುಹಾಕುವ ಮೂಲಕ ವಿವಾದಕ್ಗ
ಕನ್ನಡಿಗರ ಸ್ವಾಭಿಮಾನಕ್ಕೆ ಧಕ್ಕೆಯಾಗುವಂತಹ ವಿಚಾರವೊಂದು ಇಂದು ಗೂಗಲ್ನಲ್ಲಿ ಬೆಳಕಿಗೆ ಬಂದಿತ್ತು. ಭಾರತದ ಅತ್ಯಂತ ಕೆಟ್ಟ ಭಾಷೆ ಯಾವುದು ಎಂಬ ಪ್ರಶ್ನೆಗೆ ಗೂಗಲ್ನಲ್ಲಿ ಕನ್ನಡ ಎಂಬ ಉತ್ತರ ಬರುತ್ತಿತ್ತು. ಇದು ಕನ್ನಡಿಗರ ಸ್ವಾಭಿಮಾನವನ್ನು ಕೆಣಕ್ಕಿದ್ದು, ಇದರ ವಿರುದ್ಧ ಸಾವಿರಾರು ಕನ್ನಡಿಗರು ಧ್ವನಿ ಎತ್ತಿದ್ದಾರೆ.
ಗೂಗಲ್ನಲ್ಲಿ ವರದಿ ಮಾಡಿದ ಕನ್ನಡಿಗರು
ಗೂಗಲ್ನಲ್ಲಿ https://debtconsolidationsquad.com ವೆಬ್ ಪುಟದಲ್ಲಿ ಕನ್ನಡ ವಿರುದ್ಧ ಪ್ರಕಟವಾಗಿರುವ ವರದಿಯ ವಿರುದ್ಧ ಸಾವಿರಾರು ಕನ್ನಡಿಗರು ಸಮರೋಪಾದಿಯಲ್ಲಿ ಫೀಡ್ಬ್ಯಾಕ್ ನೀಡಿದ್ದಾರೆ. ವರದಿಯು ದ್ವೇಷಪೂರಿತ ಮತ್ತು ಜನಾಂಗೀಯ ನಿಂದನೆಯಾಗಿದೆ ಎಂದು ಕನ್ನಡಿಗರು ಕಿಡಿಕಾರಿದ ಬೆನ್ನಲ್ಲೇ ಎಚ್ಚೆತ್ತ ಗೂಗಲ್ ವಿವಾದಿತ ಪುಟವನ್ನೇ ತೆಗೆದುಹಾಕಿದೆ.