ಗದಗ: ರಾಜ್ಯಾದ್ಯಂತ ವೀಕೆಂಡ್ ಕರ್ಫ್ಯೂ ಜಾರಿಯಲ್ಲಿದ್ದು, ವಾಹನ ಹಾಗೂ ಜನ ಸಂಚಾರ ಎರಡೂ ಕಡಿಮೆ ಇದ್ದರೂ ಸಂಭವಿಸಿದ ಅಪಘಾತವೊಂದಕ್ಕೆ ಐದು ವರ್ಷದ ಮಗು ಬಲಿಯಾಗಿದೆ.
ಗದಗ ಜಿಲ್ಲೆಯ ಮುಂಡರಗಿ ತಾಲೂಕಿನ ಕೊರ್ಲಹಳ್ಳಿ ಎಂಬ ಗ್ರಾಮದಲ್ಲಿ ಈ ಅಪಘಾತ ಸಂಭವಿಸಿದೆ. ಶಿವಾನಿ (5) ಸಾವಿಗೀಡಾದ ಮಗು. ಗೂಡ್ಸ್ ಲಾರಿಯೊಂದು ಹರಿದು ಈ ಮಗು ಮೃತಪಟ್ಟಿದೆ. ಅಪಘಾತಕ್ಕೆ ಮಗು ಬಲಿಯಾದ್ದನ್ನು ನೋಡಿದ ಚಾಲಕ ವಾಹನ ಬಿಟ್ಟು ಪರಾರಿಯಾಗಿದ್ದಾನೆ.
ಘಟನೆಯನ್ನು ಖಂಡಿಸಿ ಗ್ರಾಮಸ್ಥರು ಹೆದ್ದಾರಿ ತಡೆದು ಪ್ರತಿಭಟನೆ ಮಾಡಿದ್ದಾರೆ. ಮಾತ್ರವಲ್ಲ ರಸ್ತೆಯಲ್ಲಿ ವೇಗತಡೆ ಅಳವಡಿಸಲು ಒತ್ತಾಯಿಸಿದ್ದಾರೆ. ಗ್ರಾಮಸ್ಥರ ಒತ್ತಾಯ. ಮುಂಡರಗಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.