ಬದ್ಧತೆಯಿಂದ ಕೆಲಸಮಾಡಿ ಯಶಸ್ಸುಗಳಿಸಿ

ಯಲಬುರ್ಗಾ: ಛಾಯಾಗ್ರಾಹಕರ ವೃತ್ತಿಯಲ್ಲಿ ನಿಷ್ಠೆ ಮತ್ತು ಪ್ರಾಮಾಣಿಕತೆಯಿಂದ ಕೆಲಸ ಮಾಡಿದಾಗ ಹೆಚ್ಚಿನ ಗೌರವ ಬರಲಿದೆ ಎಂದು ಬಿಜೆಪಿ ಹಿರಿಯ ಮುಖಂಡ ಬಸಲಿಂಗಪ್ಪ ಭೂತೆ ಹೇಳಿದರು.

ಪಟ್ಟಣದ ಬಯಲು ರಂಗಮಂದಿರದಲ್ಲಿ ತಾಲೂಕು ೆಟೋಗ್ರಾಫರ್ ಮತ್ತು ವಿಡಿಯೋಗ್ರಾರ್ಸ್‌ ಕ್ಷೇಮಾಭಿವೃದ್ಧಿ ಸಂಘ ಶನಿವಾರ ಹಮ್ಮಿಕೊಂಡಿದ್ದ ವಿಶ್ವ ಛಾಯಾಗ್ರಹಣ ದಿನಾಚರಣೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಯಶಸ್ಸು ಸಾಧ್ಯ

ಯಾವುದೇ ಸಭೆ ಮತ್ತು ಸಮಾರಂಭ, ಮದುವೆ ಹಾಗೂ ಇತರೆ ಕಾರ್ಯಕ್ರಮದಲ್ಲಿ ಛಾಯಾಗ್ರಾಹಕರ ಅವಶ್ಯಕತೆ ಇದೆ. ಬದ್ಧತೆಯಿಂದ ಕೆಲಸ ಮಾಡಿದಲ್ಲಿ ಯಶಸ್ಸು ಸಾಧ್ಯ ಎಂದರು.

ಇದನ್ನೂ ಓದಿ: ಛಾಯಾಗ್ರಾಹಕನಿಗೆ ನಿರಂತರತೆ ಇರಬೇಕು: ಎಸ್.ಕೃಷ್ಣ ಅಭಿಮತ

ಡಿವೈಎಸ್ಪಿ ಆರ್.ಎಸ್.ಉಜ್ಜನಕೊಪ್ಪ ಮಾತನಾಡಿ, ಪ್ರತಿಯೊಬ್ಬರೂ ಪ್ರಕೃತಿ ನಿರ್ಮಿತವಾದ ಕಾನೂನನ್ನು ಗೌರವಿಸಿದರೆ ಅದು ನಮ್ಮನ್ನು ಕಾಪಾಡುತ್ತದೆ. ಛಾಯಾಗ್ರಾಹಕರು ವೃತ್ತಿ ಮಾದರಿಯಾಗಿದೆ ಎಂದರು.

ಗದಗ ಛಾಯಾಗ್ರಹಕರ ಸಂಘದ ಜಿಲ್ಲಾಧ್ಯಕ್ಷ ಚನ್ನಪ್ಪ ಬ್ಯಾಹಟ್ಟಿ ಮಾತನಾಡಿದರು. ಸಂಘದ ಪದಾಧಿಕಾರಿಗಳನ್ನು ಸನ್ಮಾನಿಸಲಾಯಿತು.
ಸಂಘದ ಅಧ್ಯಕ್ಷ ಮಲ್ಲಣ್ಣ ಕಂದಕೂರು, ಪಪಂ ಮುಖ್ಯಾಧಿಕಾರಿ ನಾಗೇಶ, ಛಾಯಾಗ್ರಾಹಕರಾದ ಶಿವಶರಣಯ್ಯ ಮ್ಯಾಗಳಮಠ, ಪ್ರಕಾಶಗೌಡ ಮಾಲಿಪಾಟೀಲ್, ಅಶೋಕ ರಾಯಭಾಗಿ, ಶರಣಪ್ಪ ಕಮ್ಮಾರ, ಬಸವರಾಜ ಬಾಗೋಡಿ, ಶರಣಪ್ಪ ಸಜ್ಜಲ, ಶರಣಪ್ಪ ಬಂಡಿ, ಶರಣಯ್ಯ ಹಿರೇಮಠ ಇತರರಿದ್ದರು.