ಬೆಳಗಾವಿ: ‘ಸರ್... ನಮ್ಮ ತಾಯಿಗೆ ಮೂತ್ರಕೋಶದ ಮರುಜೋಡಣೆ (ಕಸಿ) ಶಸ್ತ್ರಚಿಕಿತ್ಸೆಯಾಗಿದೆ. ಅವರು ನಿತ್ಯವೂ ಸೇವಿಸಬೇಕಾದ ಮಾತ್ರೆ ಖಾಲಿಯಾಗಿವೆ. ದಯವಿಟ್ಟು ಮಾತ್ರೆಗಳನ್ನು ಪೂರೈಸಿ’ ಎಂದು ಸಿಎಂ ಬಿ.ಎಸ್. ಯಡಿಯೂರಪ್ಪ ಅವರಿಗೆ ರಾಮದುರ್ಗ ತಾಲೂಕು ನರಸಾಪುರ ಗ್ರಾಮದ ವಿದ್ಯಾರ್ಥಿನಿ ಪವಿತ್ರಾ ಅರಭಾಂವಿ ಮಾಡಿದ್ದ ಮನವಿಗೆ ಸ್ಪಂದನೆ ಸಿಕ್ಕಿದೆ.
ನನ್ನ ತಂದೆ-ತಾಯಿ ಇಬ್ಬರಿಗೂ ಕಿಡ್ನಿ ಕಸಿ ಶಸ್ತ್ರಚಿಕಿತ್ಸೆ ಆಗಿದೆ. ಲಾಕ್ಡೌನ್ನಿಂದಾಗಿ ಮಾತ್ರೆ ಸಿಗುತ್ತಿಲ್ಲ. ದಯಮಾಡಿ ಅವುಗಳನ್ನು ಪೂರೈಸಿರಿ ಎಂದು ವಿದ್ಯಾರ್ಥಿನಿ ಸಿಎಂ ಬಳಿ ಕಣ್ಣೀರಿಟ್ಟಳು. ಕೂಡಲೆ ಬಿಎಸ್ವೈ ಸ್ಪಂದಿಸಿ, ಜಿಲ್ಲಾಡಳಿತದಿಂದ ಮಾತ್ರೆಗಳನ್ನು ಪೂರೈಸುವುದಾಗಿ ಭರವಸೆ ನೀಡಿದರು. ಶುಕ್ರವಾರ ಸಂಜೆ ಜಿಲ್ಲಾಧಿಕಾರಿ ಡಾ. ಎಸ್.ಬಿ. ಬೊಮ್ಮನಹಳ್ಳಿ ಅವರಿಗೆ ಕರೆ ಮಾಡಿದ ಸಿಎಂ, ವಿದ್ಯಾರ್ಥಿನಿ ಬೇಡಿಕೆ ಪೂರೈಸುವಂತೆ ಸೂಚನೆ ನೀಡಿದರು. ಕೂಡಲೆ ಜಿಲ್ಲಾಧಿಕಾರಿ, ಜಿಪಂ ಸಿಇಒ ಹಾಗೂ ತಹಸೀಲ್ದಾರ್ ಮೂಲಕ ಒಂದು ತಿಂಗಳಿಗೆ ಅಗತ್ಯವಿರುವ ಮಾತ್ರೆ ಕಳುಹಿಸಿಕೊಟ್ಟರು. ತನ್ನ ಕರೆಗೆ ಸ್ಪಂದಿಸಿದ ಸಿಎಂಗೆ ಪವಿತ್ರಾ ಧನ್ಯವಾದ ಅರ್ಪಿಸಿದ್ದಾಳೆ.