ಕಲಬುರಗಿ: ಕಾಮಗಾರಿ ವೇಳೆಯೇ ನಡೆಯುವ ದುರಂತಗಳ ಪಟ್ಟಿಗೆ ಮತ್ತೊಂದು ಅವಘಡ ಸೇರಿದ್ದು, ನಿರ್ಮಾಣ ಹಂತದ ಸೇತುವೆಯೊಂದರ ಬ್ಲಾಕ್ ಕುಸಿದು ಒಂಬತ್ತು ಕಾರ್ಮಿಕರು ಗಾಯಗೊಂಡಿದ್ದಾರೆ. ಕಲಬುರಗಿ ಜಿಲ್ಲೆ ಚಿಂಚೋಳಿ ಪಟ್ಟಣದ ಹೊರವಲಯದಲ್ಲಿ ಈ ಅವಘಡ ಸಂಭವಿಸಿದೆ.
ಇಲ್ಲಿನ ಮುಲ್ಲಾಮಾರಿ ನದಿಗೆ ಅಡ್ಡಲಾಗಿ ಸೇತುವೆಯೊಂದು ನಿರ್ಮಾಣವಾಗುತ್ತಿದ್ದು, ಕಾಮಗಾರಿ ಸಂದರ್ಭದಲ್ಲೇ ಬ್ಲಾಕ್ ಒಂದು ಕುಸಿದಿದೆ. ಪರಿಣಾಮವಾಗಿ ಕಾಮಗಾರಿಯಲ್ಲಿ ತೊಡಗಿದ್ದ ಒಂಬತ್ತು ಕಾರ್ಮಿಕರು ಗಾಯಗೊಂಡಿದ್ದಾರೆ.
ಗಾಯಗೊಂಡವರಲ್ಲಿ ಕಲಬುರಗಿ ಜಿಲ್ಲೆಯವರಲ್ಲದೆ ಬಿಹಾರ ಮೂಲದ ಕಾರ್ಮಿಕರು ಕೂಡ ಇದ್ದಾರೆ. ಗಾಯಾಗಳುಗಳನ್ನು ತಾಲೂಕು ಹಾಗೂ ಜಿಲ್ಲಾಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ನೀಡಲಾಗುತ್ತಿದೆ. ಚಿಂಚೋಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.