ಬೆಂಗಳೂರು: ಚೀನಾದಲ್ಲಿ ಸ್ಪೋಟಗೊಂಡು ಒಬ್ಬರಿಂದ ಒಬ್ಬರಿಗೆ ಹರಡುತ್ತಿರುವ ಕರೊನಾ ವೈರಸ್ ಇಡೀ ಜಗತ್ತನ್ನು ಆವರಿಸಿ, ಭೀತಿ ಸೃಷ್ಟಿಸಿದೆ. ಇಂತಹ ಸಮಯದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್ ಪುತ್ರ ವಿಕ್ರಮ್ ನಿಟ್ಟುಸಿರು ಬಿಡುತ್ತಿದ್ದಾರೆ.
ಅದಕ್ಕೆ ಕಾರಣ ಕರೋನಾ ವೈರಸ್ನಿಂದ ವಿಕ್ರಮ್ ಪಾರಾಗಿರುವುದು. ವೈರಸ್ ಹರಡುವ ಆರಂಭದಲ್ಲೇ ತಿವಿಕ್ರಮ ಚಿತ್ರದ ಶೂಟಿಂಗ್ಗಾಗಿ ಚಿತ್ರತಂಡ ಬ್ಯಾಂಕಾಕ್ಗೆ ತೆರಳಿತ್ತು. ರವಿಚಂದ್ರನ್ ಎರಡನೇ ಪುತ್ರರಾಗಿರುವ ವಿಕ್ರಮ್ ಈ ಚಿತ್ರದ ನಾಯಕ.
ಜನವರಿ ತಿಂಗಳಲ್ಲಿ ಚಿತ್ರೀಕರಣಕ್ಕಾಗಿ ಚಿತ್ರತಂಡ ತೆರಳಿತ್ತು. ಆ ವೇಳೆಗೆ ಚೀನಾದಲ್ಲಿ ಕರೊನಾ ವೈರಸ್ ಹರಡುತಿತ್ತು. ಆದರೆ, ಆ ವೇಳೆ ವೈರಸ್ ಬಗ್ಗೆ ಯಾವುದೇ ಆಲೋಚನೆ ಚಿತ್ರತಂಡಕ್ಕೆ ಇರಲಿಲ್ಲ. ಶೂಟಿಂಗ್ ಮುಗಿಸಿ ಭಾರತಕ್ಕೆ ವಾಪಸ್ಸಾದ ತಂಡ ಇದೀಗ ನಿಟ್ಟುಸಿರುವ ಬಿಡುತ್ತಿದೆ.
ತ್ರಿವಿಕ್ರಮ ಚಿತ್ರವನ್ನು ಸಹನ ಮೂರ್ತಿಯವರು ನಿರ್ದೇಶನ ಮಾಡುತ್ತಿದ್ದಾರೆ. (ದಿಗ್ವಿಜಯ ನ್ಯೂಸ್)