- `ಪೆದ್ದಿ ಸಿನಿಮಾ' ಶೂಟಿಂಗ್ ವೇಳೆ ನಟ ರಾಮ್ ಚರಣ್ಗೆ ಗಾಯ
- ಕಣ್ಣಿನ ಮೇಲ್ಭಾಗಕ್ಕೆ ಗಾಯ, ನಾಲ್ಕು ಹೊಲಿಗೆ ಹಾಕಿದ ವೈದ್ಯರ ತಂಡ
- ಹೈದರಾಬಾದ್ನಲ್ಲಿ ಆಕ್ಷನ್ ದೃಶ್ಯ ಚಿತ್ರೀಕರಣದ ವೇಳೆ ನಡೆದ ದುರಂತ
Peddi cinema shooting; ಟಾಲಿವುಡ್ ನಟ ರಾಮ್ಚರಣ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಪೆದ್ದಿ ರಿಲೀಸ್ಗಾಗಿ ಅವರ ಅಭಿಮಾನಿಗಳು ಕಾಯುತ್ತಿದ್ದಾರೆ. ಮಾ.27 ಅವರ ಹುಟುಹಬ್ಬದ ದಿನದಂದು ರಿಲೀಸ್ ಆಗಬೇಕಿದ್ದ ಸಿನಿಮಾ ಕಾರಣಾಂತರಗಳಿಂದಾಗಿ ಮುಂದೂಡಿದ್ದು ಒಂದೆಡೆ ಬೇಸರದ ಸಂಗತಿಯೆಂದರೆ, ಮತ್ತೊಂದು ಕಡೆ ನಾಯಕ ರಾಮ್ಚರಣ್ಗೆ ಶೂಟಿಂಗ್ ವೇಳೆ ಸಣ್ಣಪುಟ್ಟ ಗಾಯವಾಗಿದೆ ಎನ್ನುವ ಸುದ್ದಿಯೂ ಫ್ಯಾನ್ಸ್ಲ್ಲಿ ಮತ್ತಷ್ಟು ಆತಂಕವನ್ನುಂಟು ಮಾಡಿದೆ.
ಹೌದು, ಮಂಗಳವಾರ ಹೈದರಾಬಾದ್ನಲ್ಲಿ ಪೆದ್ದಿ ಸಿನಿಮಾಗಾಗಿ ಹೈ ಆಕ್ಷನ್ ಮತ್ತು ಆಕ್ಶನ್ ಸೀಕ್ವೆನ್ಸ್ ಸೀನ್ ಶೂಟಿಂಗ್ ವೇಳೆ ರಾಮ್ಚರಣ್ರಿಗೆ(Ram Charan) ಸಣ್ಣ ಪುಟ್ಟ ಗಾಯಗಳಾಗಿತ್ತು. ಸೆಟ್ನಲ್ಲಿದ್ದ ಚಿತ್ರತಂಡ ಭಯಭೀತರಾಗಿದ್ದರು. ವೈದ್ಯರು ಅವರನ್ನು ಸಲಹಿದ ನಂತರ ಚೇತರಿಸಿಕೊಂಡು ಸೆಟ್ಗೆ ಮರಳಿದರು. ಹೊಲಿಗೆ ಹಾಕುವಷ್ಟು ಗಾಯವಾದರೂ ಸಹ ಆತಂಕ ಪಡುವಂತದ್ದೇನಾಗಿಲ್ಲ ಎಂದು ಪೆದ್ದಿ ಸಿನಿಮಾ ತಂಡದ ಮೂಲಗಳು ತಿಳಿಸಿವೆ.
ಉಪ್ಪೇನ ಸಿನಿಮಾದ(Uppena cinema) ಖ್ಯಾತಿಯ ಬುಚ್ಚಿ ಬಾಬು ಸನಾ ನಿರ್ದೇಶನದ ಈ ಸಿನಿಮಾದಲ್ಲಿ ಜಾನ್ವಿ ಕಪೂರ್, ಜಗಪತಿ ಬಾಬು, ಶಿವರಾಜ್ ಕುಮಾರ್ ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ರೆಹಮಾನ್ ಸಂಗೀತ ಮೂಡಿದ್ದು, ಚಿಕರಿ ಚಿಕರಿ ಹಾಡು ಮತ್ತು ಅದರಲ್ಲಿನ ನೃತ್ಯದ ಸ್ಟೆಪ್ಗಳು ರೀಲ್ಸ್, ಶಾರ್ಟ್ಸ್ಗಳಲ್ಲಿ ವೈರಲ್ ಆಗಿತ್ತು. ಈ ಸಿನಿಮಾವು 1980ರ ದಶಕದ ಕ್ರೀಡೆ ಮತ್ತು ಅದರ ಮೇಲಿದ್ದ ಅಭಿಮಾನವನ್ನು ಒಳಗೊಂಡ ಕತೆ ಇದಾಗಿದೆ.
ಹೊಲಿಗೆ ಹಾಕಿದ್ದಾರೆ ಅಷ್ಟೇ
ನಟ ರಾಮ್ಚರಣ್ಗೆ ಗಂಭೀರವಾಗಿ ಗಾಯವಾಗಿಲ್ಲ. ಅಭಿಮಾನಿಗಳು ಭಯ ಪಡುವ ಅಗತ್ಯವಿಲ್ಲ. ಆಕ್ಷನ್ ದೃಶ್ಯ ಚಿತ್ರೀಕರಣದ ವೇಳೆ ಕಣ್ಣಿನ ಮೇಲ್ಭಾಗದಲ್ಲಿ ಗಾಯವಾಗಿತ್ತು. ವೈದ್ಯರು ಅವರನ್ನು ಪರಿಶೀಳಿಸಿ ನಾಲ್ಕು ಹೊಲಿಗೆ ಹಾಕಿದ್ದಾರೆ. ವಿಶ್ರಾಂತಿಯೂ ತೆಗೆದುಕೊಳ್ಳದೆ ಅವರು ಶೂಟಿಂಗ್ಗಾಗಿ ಸೆಟ್ಗೆ ಮರಳಿದ್ದಾರೆ .ಅಭಿಮಾನಿಗಳು ಆತಂಕಪಡಬೇಕಾಗಿಲ್ಲ ಎಂದು ಚಿತ್ರತಂಡ ದೃಢಪಡಿಸಿದೆ.
ರಂಗಸ್ಥಳಂ ಹಾಗೂ ಪೆದ್ದಿ ಸಿನಿಮಾದ್ದು ಒಂದೇ ಸ್ಟೋರಿನಾ?
ರಾಮ್ಚರಣ್ ಅವರು ಡಿ ಗ್ಲಾಮ್ ಆಗಿ ಕಾಣಿಸಿಕೊಳ್ಳುತ್ತಿರುವುದು ಇದೇ ಮೊದಲೇನಲ್ಲ. ರಂಗಸ್ಥಳಂನಲ್ಲಿಯೂ ಗ್ರಾಮೀಣ ಭಾಗದ ರೈತನಾಗಿ ಕಾಣಿಸಿಕೊಂಡಿದ್ದರು. ಅವರಿಗೆ ನಾಯಕಿಯಾಗಿ ಅವರು ಅಷ್ಟೇ ಎನರ್ಜಿಯಲ್ಲಿ ಸಮಂತಾ ನಟಿಸಿದ್ದರು. ಪ್ರಕಾಶ್ ರಾಜ್, ಆದಿ ಪಿನಿ ಶೆಟ್ಟಿ, ಜಗಪತಿ ಬಾಬು ಸೇರಿದಂತೆ ಘಟಾನುಘಟಿ ನಟ-ನಟಿಯರು ಈ ಸಿನಿಮಾದಲ್ಲಿದ್ದರು. ಸವರ್ಣೀಯರ ದಬ್ಬಾಳಿಕೆಯು ಈ ಸಿನಿಮಾದ ಕಥಾ ಹಂದರ. ಆ ಸಿನಿಮಾದ ಹಾಡುಗಳು ಇಂದಿಗೂ ಸಹ ಗುನುಗುವಂತದ್ದು. ಆದರೆ, ರಂಗಸ್ಥಳಂ ಸಿನಿಮಾದಂತೆ ಪೆದ್ದಿ ಇರೋದಿಲ್ಲ. ಇದು ಬೇರೆಯದ್ದೇ ಚಿತ್ರಣವನ್ನು ತೆರೆದಿಡುತ್ತದೆ ಎಂದು ರಾಮ್ಚರಣ್ ಈ ಹಿಂದೆಯೇ ಸ್ಪಷ್ಟನೆ ಕೊಟ್ಟಿದ್ದರು.