KH x RK: ಐವತ್ತು ವರ್ಷದ ಬಳಿಕ ಒಂದೇ ಪರದೆ ಮೇಲೆ ರಜನಿಕಾಂತ್ - ಕಮಲ್ ಹಾಸನ್; ಐತಿಹಾಸಿಕ ಸಿನಿಮಾ ಬಗ್ಗೆ ತಲೈವಾ ಪತ್ನಿ ಹೇಳಿದ್ದೇನು? Latha Rajinikanth on KHxRK

ಸಿನಿಮಾ: ದಕ್ಷಿಣ ಭಾರತದ ಹಲರು ಸಿನಿಮಾ ದಿಗ್ಗಜರಲ್ಲಿ ಸೂಪರ್​ ಸ್ಟಾರ್​ ರಜನಿಕಾಂತ್​ ಮತ್ತು ಕಮಲ್​ಹಾಸನ್ ತಮ್ಮ ಮನೋಜ್ಞ ಅಭಿನಯದ ಮೂಲಕ ತಮಿಳು ಸಿನಿರಂಗದಲ್ಲಿ​ ಮೇಲ್ಪಂತಿ ನಾಯಕ ನಟರಾಗಿ ಗುರುತಿಸಿಕೊಂಡವರು.

ಈಗ ಐದು ದಶಕಗಳ ತರುವಾಯ ಈ ಇಬ್ಬರು ಮಹಾನ್​ ಕಲಾವಿದರು ಒಟ್ಟಿಗೆ ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಸಿನಿಮಾ ಇತಿಹಾಸದಲ್ಲಿಯೇ ಅವಿಸ್ಮರಣಿಯ ಘಟನೆಯಾಗಲಿದೆ ಎಂದು ರಜನಿಕಾಂತ್​ ಪತ್ನಿ ಲತಾ ರಜನಿಕಾಂತ್ (Latha Rajinikanth on KHxRK)​ ಅಭಿಪ್ರಾಯಪಟ್ಟಿದ್ದಾರೆ.

ತಮ್ಮ ಪತಿ ಮತ್ತು ಕಮಲ್​ ಹಾಸನ್​ ಬಗ್ಗೆ ಮಾತನಾಡಿರುವ ಲತಾ ರಜನಿಕಾಂತ್​, ರಜನಿ ಮತ್ತು ಕಮಲ್​ ಇಬ್ಬರು ಆತ್ಮೀಯ ಸ್ನೇಹಿತರಷ್ಟೇ ಅಲ್ಲ, ಬದಲಿಗೆ ಇವರಿಬ್ಬರು ತಮಿಳು ಸಿನಿಮಾ ಮೂಲಕ ತಲಮಾರುಗಳನ್ನೇ ಬದಲಿಸಿದ ದಂತಕಥೆಗಳೆಂದು ಕರೆದಿದ್ದಾರೆ.

ನಟ ಕಮಲ್​ ಹಾಸನ್​ ಮತ್ತು ರಜನಿಕಾಂತ್​ ಇಬ್ಬರು ಕೂಡ ತಮ್ಮ ಸಿನಿಮಾ ಪ್ರವೇಶವನ್ನು ಲೆಂಜಡರಿ ನಿರ್ದೇಶಕ ದಿವಂಗತ. ಕೆ. ಬಾಲಚಂದರ್​ ಅವರ ಸಿನಿಮಾ ಮೂಲಕವೇ ಮಾಡಿದ್ದರು. ಇವರಿಬ್ಬರು ಅವರ ನೆಚ್ಚಿನ ಶಿಷ್ಯರಾಗಿದ್ದರು. ಈಗ ಬಾಲು ಸರ್​ ಬದುಕಿದ್ದರೆ ಇವರಿಬ್ಬರು ನಟಿಸಲಿರುವ ಸಿನಿಮಾ ನೋಡಿ ಸಂತೋಷ ಪಡುತ್ತಿದ್ದರೆಂದು ಲತಾ ಅವರು ಹೇಳಿದ್ದಾರೆ. 

ನಾನು ಅವರಿಗೆ ಈಗ ಯಾವುದೇ ಸಲಹೆ ಕೊಟ್ಟಿಲ್ಲ, ನಾನು ಅವರ ಬದುಕಿನಲ್ಲಿ ಬರುವ ಮುನ್ನವೇ ರಜನಿ ತಮಿಳು ಸಿನಿಮಾದ ಸೂಪರ್​ಸ್ಟಾರ್​ ಆಗಿದ್ದರು. ನಾನು ಅವರ ಸಿನಿಮಾವನ್ನು ಒಬ್ಬ ಪ್ರೇಕ್ಷಕಿಯಂತೆ ನೋಡಲು ಇಷ್ಟ ಪಡುತ್ತೆನೆಂದು ಹೇಳಿದ್ದಾರೆ. 

ಕಮಲ್​ ಹಾಸನ್​ ಹಾಗೂ ರಜನಿಕಾಂತ್​ ಒಂದೇ ಪರದೆ ಮೇಲೆ ಕಾಣಿಸಿಕೊಳ್ಳಲಿರುವ ಸಿನಿಮಾದ ಅಧಿಕೃತ ಹೆಸರು ಇನ್ನು ರೀವಿಲ್​ ಆಗಿಲ್ಲ. ಆದರೆ ಇದನ್ನು ಅವರಿಬ್ಬರ ಹೆಸರಿನ ಅಕ್ಷರಗಳಾದ ಕಮಲ್​ ಹಾಸನ್​ (KH) ಮತ್ತು ರಜನಿಕಾಂತ್​ (RK) ಕೂಡಿಸಿ KHxRK ಎಂದು ಕರೆಯಲಾಗುತ್ತಿದೆ.