BBK13: ಕಿರುತೆರೆ ಲೋಕದ ಅತಿದೊಡ್ಡ ರಿಯಾಲಿಟಿ ಶೋ ಬಿಗ್ಬಾಸ್ ಕನ್ನಡ ಸೀಸನ್ 13ರ ಘಟಾನುಘಟಿ ಸ್ಪರ್ಧಿಗಳ ಪೈಕಿ ಈ ವಾರ ತಾಂಡವ್ ರಾಮ್ ಮಿಡ್ವೀಕ್ ಎಲಿಮಿನೇಷನ್ನಲ್ಲಿ ಮನೆಯಿಂದ ಹೊರಬಂದಿರುವುದು ಬಿಗ್ ಬಾಸ್ ವೀಕ್ಷಕರಿಗೆ ಗೊತ್ತೇ ಇದೆ. ಈ ಮಧ್ಯೆ, ತಾಂಡವ್ ದೊಡ್ಮನೆಗೆ ವಾಪಾಸ್ ಆಗಲಿದ್ದು, ಹೊಸ ವೈಲ್ಡ್ಕಾರ್ಡ್ ಎಂಟ್ರಿಗಳ ಸಾಧ್ಯತೆಗಳು ಜೋರಾಗಿವೆ.
ಈ ವಾರ ಮೊದಲೇ ಹೇಳಿದಂತೆ ಮಿಡ್ ವೀಕ್ ಎಲಿಮಿನೇಷನ್ ವಾರದ ಮಧ್ಯೆ ಇರಲಿದೆ ಎಂಬುದು ಮನೆಯ ಸದಸ್ಯರಿಗೆ ಮುಂಚೆಯೇ ಗೊತ್ತಿತ್ತು. ಆದರೆ, ಟಾಸ್ಕ್ಗಳಲ್ಲಿ ಗೆದ್ದ ಧನುಷ್, ಆಸಿಯಾ, ಕಾವ್ಯ ಮತ್ತು ಕಿರಣ್ ಶಾಸ್ತ್ರಿಗೆ ತಮ್ಮನ್ನು ಬಿಟ್ಟು ಉಳಿದವರನ್ನು ನೇರವಾಗಿ ನಾಮಿನೇಟ್ ಮಾಡಬೇಕು ಎಂದು ಬಿಗ್ ಬಾಸ್ ತಿಳಿಸಿದ್ದರು. ಅಂತೆಯೇ, ಸೌಂದರ್ಯ, ತಾಂಡವ್, ಲಿಖಿತ್ ಮತ್ತು ಜಗ್ಗ ಅವರ ಪೈಕಿ ತಾಂಡವ್ ಎಲಿಮಿನೇಟೆಡ್ ಎಂದು ಕೆಂಪು ಬಣ್ಣದ ಕಾರ್ಡ್ನಲ್ಲಿ ಬರೆದಿದ್ದು ನೋಡಿ ಇಡೀ ಮನೆ ಮಂದಿ ಕೆಲ ನಿಮಿಷ ಗಪ್ಚುಪ್ ಆದರು.
ಈಗಾಗಲೇ ಮನೆಯಿಂದ ತಾಂಡವ್ ಹೊರಬಂದಿದ್ದಾರೆ ಎಂದೇ ಹೇಳಲಾಗಿದ್ದರೂ ವೀಕ್ಷಕರಿಗೆ ಮಾತ್ರ ಅವರು ಎಲಿಮಿನೇಟ್ ಆಗಿಲ್ಲ ಎಂಬುದೇ ಭರವಸೆ. ಮತ್ತೊಂದೆಡೆ, ಮೂರನೇ ಈ ವಾರದ ಕಿಚ್ಚನ ಪಂಚಾಯಿತಿಯಲ್ಲಿ ತಾಂಡವ್ ಅವರನ್ನು ಹೊರತುಪಡಿಸಿ ಇನ್ನೂ ಇಬ್ಬರು ಸ್ಪರ್ಧಿಗಳು ಎಲಿಮಿನೇಟ್ ಆಗಿದ್ದಾರೆ ಎಂಬ ಸುದ್ದಿಗಳು ಇದೀಗ ಹೊರಬಿದ್ದಿವೆ. ಈ ಪೈಕಿ, ಅವಿನಾಶ್ ಮತ್ತು ವೈಷ್ಣವಿ ಹೆಸರುಗಳು ಕೇಳಿಬಂದಿದ್ದು, ಇದು ಎಷ್ಟು ನಿಜ ಎಂಬುದನ್ನು ವಾರಾಂತ್ಯದ ಸಂಚಿಕೆಗಳಲ್ಲಿ ಕಾದು ನೋಡಬೇಕಿದೆ.
ಮತ್ತೊಂದೆಡೆ, ಭಾನುವಾರದ ಸಂಚಿಕೆಯಲ್ಲಿ ಮನೆಯೊಳಗೆ ತಾಂಡವ್ ರೀ-ಎಂಟ್ರಿ ಕೊಟ್ಟರೆ, ಅವರೊಟ್ಟಿಗೆ ವೈಲ್ಡ್ ಕಾರ್ಡ್ ಸ್ಪರ್ಧಿಗಳು ಕೂಡ ದೊಡ್ಮನೆ ಪ್ರವೇಶಿಸಲಿದ್ದಾರೆ ಎಂದು ಸಿನಿ ಮೂಲಗಳು ತಿಳಿಸಿವೆ. ಈ ಬಾರಿ ಹೊಸ ಸ್ಪರ್ಧಿಗಳ ಪಟ್ಟಿಯಲ್ಲಿ ಮೂವರು ಅಥವಾ ಎಷ್ಟು ಮಂದಿ ಬರುತ್ತಾರೆ? ಯಾವ ಸೆಲೆಬ್ರಿಟಿಗಳು ಈಗ ಮನೆಯೊಳಗಿರುವ ಸದಸ್ಯರಿಗೆ ಬಿಗ್ ಶಾಕ್ ನೀಡುತ್ತಾರೆ ಎಂಬುದನ್ನೂ ಕಾದು ತಿಳಿಯಬೇಕಿದೆ. ಈ ವೀಕೆಂಡ್ನ ಸಂಚಿಕೆಗಳಲ್ಲಿ ಸಾಕಷ್ಟು ಟ್ವಿಸ್ಟ್ಗಳು, ಎಕ್ಸಿಟ್ ಮತ್ತು ಹೊಸ ಎಂಟ್ರಿಗಳು ಸದ್ಯ ಬಿಗ್ ಬಾಸ್ ವೀಕ್ಷಕರಲ್ಲಿ ಭಾರಿ ಕುತೂಹಲ ಕೆರಳಿಸಿದೆ.