ನವದೆಹಲಿ: ನೀವು ಯಾವುದೇ ಚಿತ್ರಮಂದಿರಕ್ಕೆ ತೆರಳಿದರೆ ಸಿನಿಮಾ ಶುರುವಾಗುವ ಆರಂಭದಲ್ಲೇ ನೋ ಸ್ಮೋಕಿಂಗ್ ಜಾಹೀರಾತು ಪ್ರದರ್ಶನ ಆಗುವುದನ್ನು ಸಾಮಾನ್ಯವಾಗಿ ಎಲ್ಲರು ನೋಡಿರುತ್ತಾರೆ. ಜಾಹೀರಾತಿನಲ್ಲಿ ತಂದೆ ಮತ್ತು ಮಗಳನ್ನು ಕೇಂದ್ರವಾಗಿಟ್ಟುಕೊಂಡು ನೋ ಸ್ಮೋಕಿಂಗ್ ಜಾಹೀರಾತಿನ ಮೂಲಕ ಜಾಗೃತಿ ಮೂಡಿಸಲಾಗುತ್ತದೆ. ಈ ಜಾಹೀರಾತಿನಲ್ಲಿರುವ ಪುಟ್ಟ ಹುಡುಗಿಯನ್ನು ನೀವೆಲ್ಲ ನೋಡಿರುತ್ತೀರಿ. ಈ ಪುಟ್ಟ ಬಾಲಕಿ ಈಗ ಬದಲಾಗಿರುವುದನ್ನು ನೋಡಿದರೆ ನಿಮಗೆಲ್ಲರಿಗೂ ಆಶ್ಚರ್ಯವಾಗದೇ ಇರದು.
ಜಾಹೀರಾತಿನಲ್ಲಿ ಏನಿದೆ? ಮಗಳು ಧೂಮಪಾನ ಮಾಡುವ ತಂದೆಯ ಪಕ್ಕದಲ್ಲಿ ಕುಳಿತುಕೊಳ್ಳುತ್ತಾಳೆ ಮತ್ತು ಧೂಮಪಾನ ಮಾಡುತ್ತಾ ಕೆಮ್ಮುವ ತಂದೆಯನ್ನೇ ದಿಟ್ಟಿಸಿ ನೋಡುತ್ತಾಳೆ. ಈ ವೇಳೆ ಮಗಳನ್ನು ನೋಡುವ ತಂದೆ ಸ್ಮೋಕಿಂಗ್ಗೆ ಗುಡ್ಬೈ ಹೇಳುತ್ತಾನೆ. ಧೂಮಪಾನದಿಂದ ಕುಟುಂಬ ಸಂಕಷ್ಟಕ್ಕೆ ಸಿಲುಕುತ್ತದೆ ಎಂಬುದು ಜಾಹೀರಾತಿನ ಸಾರಾಂಶ. ಆದರೆ ಈ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿರುವ ಬಾಲನಟಿ ಸಿಮ್ರಾನ್ ನಾಟೇಕರ್ಗೆ ಆಗ 6 ವರ್ಷ ವಯಸ್ಸು. ಆಕೆ ಈಗ ಎಷ್ಟು ಬದಲಾಗಿದ್ದಾಳೆ ಅಂದರೆ ನಿಮಗೆ ಆಶ್ಚರ್ಯವಾಗುತ್ತದೆ. ಸೌಂದರ್ಯವತಿಯಾಗಿರುವ ಸಿಮ್ರಾನ್ ನಾಟೇಕರ್ ಟಿವಿ ಮತ್ತು ಸಿನಿಮಾ ಎರಡರಲ್ಲೂ ಬ್ಯುಸಿಯಾಗಿದ್ದಾರೆ. ನಾಟೇಕರ್ ಬೋಲ್ಡ್ ಅವತಾರಗಳು ಸಹ ನೋಡುಗರನ್ನು ಹುಬ್ಬೇರುವಂತೆ ಮಾಡುತ್ತದೆ.
ಸಿಮ್ರಾನ್ ಅವರು 1997, ಡಿಸೆಂಬರ್ 12 ರಂದು ಮುಂಬೈನಲ್ಲಿ ಜನಿಸಿದರು. 6ನೇ ವಯಸ್ಸಿನಲ್ಲೇ ಚಿಕ್ಕ ಹುಡುಗಿಯಾಗಿ ನೋ ಸ್ಮೋಕಿಂಗ್ ಜಾಹೀರಾತು ಜಾಗೃತಿ ಅಭಿಯಾನದಲ್ಲಿ ನಟಿಸಲು ಪ್ರಾರಂಭಿಸಿದರು. ಇದು ಅನೇಕ ದೇಶಗಳಲ್ಲಿ ಸಿಮ್ರಾನ್ ಅವರನ್ನು ಜನಪ್ರಿಯಗೊಳಿಸಿತು. ನಂತರ ದೂರದರ್ಶನ ಜಾಹೀರಾತುಗಳಲ್ಲಿ ಅಭಿನಯಿಸಿದೆ. 2018ರಲ್ಲಿ ಯೂಟ್ಯೂಬ್ನಲ್ಲಿ ಗಿರಿಲಿಯಪ್ಪಾ ಗರ್ಲ್ಸ್ ಹಾಸ್ಟೆಲ್ ಸರಣಿಯಲ್ಲಿ ಮಿಲ್ಲಿ ಪಾತ್ರವನ್ನು ಸಿಮ್ರಾನ್ ನಿರ್ವಹಿಸಿದರು. ಸಿಮ್ರಾನ್ ಅವರ ಫೋಟೋ ಕಾಂಪ್ಲಾನ್ ಬಾಕ್ಸ್ನಲ್ಲಿ ಕಾಣಿಸಿಕೊಂಡಿದೆ. ಅಲ್ಲದೆ, ಮುಂಬೈ ಮೆಟ್ರೋ ನಿರ್ಮಾಣಕ್ಕಾಗಿ ಸಾರ್ವಜನಿಕ ಜಾಗೃತಿ ಪೋಸ್ಟರ್ಗಳಲ್ಲಿಯೂ ರಾರಾಜಿಸಿದ್ದಾರೆ.
ಸಿಮ್ರಾನ್ 150 ಕ್ಕೂ ಹೆಚ್ಚು ಜಾಹೀರಾತುಗಳಲ್ಲಿ ನಟಿಸಿದ್ದಾರೆ. 'ಬಂಧನ್ ಸಾಥ್ ಜನ್ಮೋಂಕಾ' ಸಿಮ್ರಾನ್ ಅವರ ಮೊದಲ ಧಾರಾವಾಹಿ ಮತ್ತು 'ದಾವತ್-ಎ-ಇಷ್ಕ್' ಆಕೆಯ ಮೊದಲ ಬಾಲಿವುಡ್ ಚಿತ್ರ. 2015ರಲ್ಲಿ ಪ್ರಸಾರವಾದ 'ಬಾಲಿಕಾ ವಧು' ಚಿತ್ರದಲ್ಲಿ ಸಿಮ್ರಾನ್ ನಾಟೇಕರ್ ಪೂಜಾ ಪಾತ್ರವನ್ನು ನಿರ್ವಹಿಸಿದರು.
ಸಿಮ್ರಾನ್ ಈ ಹಿಂದೆ ತಮ್ಮ ಜಾಹೀರಾತು ಫೋಟೋವನ್ನು Instagram ನಲ್ಲಿ ಹಂಚಿಕೊಂಡಿದ್ದರು. ಧೂಮಪಾನ ನಿಷೇಧದ ನನ್ನ ಮೊದಲ ಜಾಹೀರಾತು ಎಂದು ಬರೆದುಕೊಂಡಿದ್ದರು. ಫೋಟೋ ನೋಡಿದವರು ಆ ಹುಡುಗಿ ಈಗ ಇಷ್ಟು ಸುಂದರವಾಗಿದ್ದಾಳಾ? ಎಂದು ನೆಟಿಜನ್ಗಳು ಪ್ರಶ್ನಿಸಿದ್ದಾರೆ. ಸದ್ಯ ಸಿಮ್ರಾನ್ ಅವರ ಫೋಟೋಗಳು ಸಖತ್ ವೈಲ್ ಆಗುತ್ತಿವೆ. (ಏಜೆನ್ಸೀಸ್)