ನವದೆಹಲಿ: ಹಿಂದಿ ಭಾಷೆಯಲ್ಲಿ ಪ್ರವಾಸವಾಗುವ ರೈಸ್ ಎಂಡ್ ಫಾಲ್ ಸೀಸನ್ 2 ಎಂಬ ರಿಯಾಲಟಿ ಶೋನಲ್ಲಿ ಸಿವೆತ್ ತೋಮರ್ ಎಂಬ ಸ್ಪರ್ಧಿ, ಮಾಜಿ ಬಿಜೆಪಿ ವಕ್ತಾರ ಶೆಹಜಾದ್ ಪೂನಾವಾಲಾ ಮೇಲೆ ದೈಹಿಕ ಹಲ್ಲೆ ನಡೆಸಿದ ಪರಿಣಾಮ ಕಾರ್ಯಕ್ರಮದಲ್ಲಿ ಅವರನ್ನು ಆಚೆ ಕಳುಹಿಸಿದ ಘಟನೆ ಸಂಭವಿಸಿದೆ.
ಬಿಜೆಪಿ ಮಾಜಿ ವಕ್ತಾರ, ಶೆಹಜಾದ್ ಪೂನಾವಾಲಾ ಹಾಗೂ ನಟಿ ಸ್ವರಾ ಭಾಸ್ಕರ್ ನಡುವೆ ವಾಕ್ಸಮರ ನಡೆಯುತ್ತಿದ್ದ ವೇಳೆ, ಇನ್ನೊಬ್ಬ ಪ್ರತಿಸ್ಪರ್ಧಿ ಸಿವೆತ್ ತೋಮರ್, ಶೆಹಜಾದ್ ಮೇಲೆ ದೈಹಿಕ ಹಲ್ಲೆ ನಡೆಸಿದ್ದಾರೆ ಎನ್ನಲಾಗಿದೆ.
ರೈಸ್ ಎಂಡ್ ಫಾಲ್ ಎಂಬ ರಿಯಾಲಿಟಿ ಶೋನಲ್ಲಿ ಒಟ್ಟು 15 ಸ್ಪರ್ಧಿಗಳು ಭಾಗವಹಿಸಿದ್ದಾರೆ. ಈ ವೇಳೆ ಸ್ವರಾ ಭಾಸ್ಕರ್ ಹಾಗೂ ಶೆಹಜಾದ್ ಪೂನಾವಾಲಾ ನಡುವೆ ಜನಗಳ ಪ್ರಾರಂಭವಾಗಿದೆ. ಶೆಹಜಾದ್, ಸಿವತ್ನ ಹೆಸರನ್ನು ಉಲ್ಲೇಖಿಸಿ, ಹೋಗು ಸಹೋದರ ಮೈತ್ರಿ ಮಾಡಿಕೋ, ಟ್ಯಾಟೂ ಹಾಕಿಸಿಕೊಂಡು ಓಡಾಡುವ ಶಿವೆತ್ ಈಗ ಸ್ವರಾ ಜೊತೆಗೆ ಮೈತ್ರಿ ಮಾಡಿಕೊಂಡಿದ್ದಾನೆಂದು ಹೇಳುತ್ತಾರೆ.
ಇದನ್ನು ಕೇಳಿಸಿಕೊಂಡು, ಕೋಪಗೊಂಡ ಶಿವೆತ್ ಹಿಂದಿನಿಂದ ಬಂದು, ಶೆಹಜಾದ್ ಮೇಲೆ ಹಲ್ಲೆ ನಡೆಸಿದ್ದಾರೆ. ಮನೆಯಲ್ಲಿದ್ದ ಇತರ ಸ್ಪರ್ಧಿಗಳು ಇದನ್ನು ತಡೆಯಲು ಮುಂದಾದರೂ ಕೂಡ, ಶಿವೆತ್, ಶೆಹಜಾದ್ ಮೇಲೆ ಹಲ್ಲೆ ನಡೆಸಿದ್ದಾರೆ. ಕೂಡಲೇ ಶಿವೆತ್ನನ್ನು ಸ್ಪಾಟ್ ಎಲಿಮಿನೇಷನ್ ಮಾಡಿ ಕಾರ್ಯಕ್ರಮದಿಂದ ಹೊರಹಾಕಲಾಗಿದೆ.
ಇನ್ನು, ಕಾರ್ಯಕ್ರಮದಿಂದ ಹೊರಬಂದಿರುವ ಶಿವೆತ್ ತೋಮರ್, ಶೆಹಜಾದ್ ಪೂನಾವಾಲಾ ವಿರುದ್ಧ ವಿಡಿಯೋವೊಂದನ್ನು ಹರಿಬಿಟ್ಟಿದ್ದಾರೆ. ವಿಡಿಯೋನಲ್ಲಿ ಆಕ್ರೋಶ ಭರಿತನಾಗಿ ಮಾತನಾಡಿರುವ ಶಿವೆತ್, ನಾನು ಶೆಹಜಾದ್ ರೀತಿಯ ವ್ಯಕ್ತಿಯನ್ನು ಹೇಗೆ ನಂಬಬೇಕು? ಅವನು ಬೆಳಿಗ್ಗೆ ಈಡೀ ದಿನ ಆಜಂನೇಯನ ಜಪ ಮಾಡುತ್ತಾನೆ ಹಾಗೆಯೇ ದಿನಕ್ಕೆ ನಾಲ್ಕು ಸಲ ಚಿಕನ್-ಮಟನ್ ತಿನ್ನುತ್ತಾನೆ. ಅಷ್ಟೇ ಅಲ್ಲದೇ, ರುದ್ರಾಕ್ಷದ ಮಾಲೆ ಧರಿಸಿಯೇ ಮಾಂಸಾಹಾರವನ್ನು ಸೇವಿಸುತ್ತಾನೆಂದು ಆರೋಪಿಸಿದ್ದಾರೆ.
ಇದು ಕೇವಲ ನಾನೊಬ್ಬನೇ ಹೇಳಿದಲ್ಲ, ಇನ್ನೊಬ್ಬ ಪ್ರತಿಸ್ಪರ್ಧಿ, ಲಾಲೂ ಪ್ರಸಾದ್ ಯಾದವ್ ಪುತ್ರ ತೇಜ್ ಪ್ರತಾಪ್ ಯಾದವ್ ಕೂಡ, ಶೆಹಜಾದ್ ನೀವು ಆಂಜನೇಯನ ಜಪ ಮಾಡುತ್ತೀಯಾ, ಆದರೆ ನಿನ್ನ ಪ್ಲೇಟ್ನಲ್ಲಿ ಯಾವಾಗಲೂ ಮಾಂಸಾಹಾರವಿತ್ತದೆ ಅಲ್ಲ! ಎಂದು ಪ್ರಶ್ನಿಸಿದ್ದರು ಎಂದಿದ್ದಾರೆ.
ನಾನು ಶೆಹಜಾದ್ ಮೇಲೆ ಕೈ ಮಾಡಿಯೇ ಇಲ್ಲ, ನನ್ನ ಉದ್ದೇಶ ಅವನ ಮೇಲೆ ಹಲ್ಲೆ ಮಾಡುವುದೇ ಆಗಿದ್ದರೆ, ಅವನನ್ನು ಅಲ್ಲೇ ಹೊಡೆದು ಹಾಕುತ್ತಿದ್ದೆ, ನನಗೆ ಯಾರ ಮೇಲೆ ಕೈ ಮಾಡಲು ಭಯವಿಲ್ಲ. ನಾನು ಕೇವಲ ಅವನ ಕಾಲರ್ ಹಿಡಿದಿದ್ದೆ. ಅವನ ಮೇಲೆ ಕೈ ಮಾಡುವ ಉದ್ದೇಶವಿದ್ದರೆ, ನಾನು ಮಾಡುತ್ತಿದ್ದೆ, ಅವನು ಯಾರೇ ಆಗಿರಲಿ, ಏನೇ ಇರಲಿ ನನಗೆ ಅವೆಲ್ಲಾ ನಗಣ್ಯ ಎಂದು ಕಿಡಿಕಾರಿದ್ದಾರೆ.
ನನಗೆ ನನ್ನ ಟ್ಯಾಟೂ ಬಗ್ಗೆ ಅಪಾರವಾದ ಅಭಿಮಾನ ಹಾಗೂ ಗೌರವವಿದೆ. ಅದು ಕೇವಲ ಒಂದು ಶಾಹಿಯಲ್ಲ, ನನ್ನ ದೇಹವನ್ನು ಹಂಚಿಕೊಂಡಿದೆ, ಅದು ನನ್ನ ಪರಂಪರೆಯ ಸಂಕೇತವಾಗಿದೆ. ಇದರ ಬಗ್ಗೆ ಯಾರಾದರೂ ಅಪಹಾಸ್ಯ ಮಾಡಿದರೆ, ಅದನ್ನು ನಾನು ಸಹಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಸಿವೆತ್ ತೋಮರ್ ವಿಡಿಯೋನಲ್ಲಿ ಹೇಳಿದ್ದಾರೆ, (ಏಜೆನ್ಸೀಸ್).