ಹೈದರಾಬಾದ್: ನಟ ನಾಗಚೈತನ್ಯರೊಂದಿಗೆ ಡಿವೋರ್ಸ್ ಪಡೆದ ಬಳಿಕ ಸಂಪೂರ್ಣ ಸಿನಿಮಾ ಕಡೆ ನಟಿ ಸಮಂತಾ ದೃಷ್ಟಿ ನೆಟ್ಟಿದ್ದಾರೆ. ಸಾಲು ಸಾಲು ಚಿತ್ರಗಳಲ್ಲಿ ಸ್ಯಾಮ್ ಬಿಜಿಯಾಗುತ್ತಿದ್ದು, ಇದೀಗ ಸಿನಿರಂಗ ಉತ್ತುಂಗ ಸ್ಥಾನಕ್ಕೇರಲು ಸಜ್ಜಾಗಿದ್ದಾರೆ. ಹೌದು. ನಟಿ ಸಮಂತಾ ಹಾಲಿವುಡ್ಗೆ ಪದಾರ್ಪಣೆ ಮಾಡಲಿದ್ದಾರೆ.
ಇಂಗ್ಲಿಸ್ ಬುಕ್ ಆಧಾರಿತ ಅರೆಂಜ್ಮೆಂಟ್ಸ್ ಆಫ್ ಲವ್ ಎಂಬ ಹಾಲಿವುಡ್ ಚಿತ್ರದಲ್ಲಿ ನಟಿ ಸಮಂತಾ ನಟಿಸಲಿದ್ದಾರೆ. ಈ ಚಿತ್ರದಲ್ಲಿ ಸಮಂತಾ ಅವರು ಬೈಸೆಕ್ಸುವಲ್ (ಗಂಡು-ಹೆಣ್ಣು ಇಬ್ಬರ ಜತೆ ಲೈಂಗಿಕ ಸಂಬಂಧ ಬೆಳೆಸುವುದು) ಪಾತ್ರದಲ್ಲಿ ನಟಿಸಲಿದ್ದಾರೆ. 27 ವರ್ಷದ ತಮಿಳುನಾಡಿನ ಬೈಸೆಕ್ಸುವಲ್ ಮಹಿಳೆಯ ಪಾತ್ರ ಇದಾಗಿರಲಿದೆ. ಇದೇ ಮೊದಲ ಬಾರಿಗೆ ಈ ರೀತಿಯ ಪಾತ್ರದಲ್ಲಿ ಸಮಂತಾ ಕಾಣಿಸಿಕೊಳ್ಳಲಿದ್ದು, ತಮ್ಮ ಅಭಿನಯದ ಮೂಲಕ ಹಾಲಿವುಡ್ನಲ್ಲಿ ಕಿಚ್ಚು ಹಚ್ಚಲು ಸಮಂತಾ ರೆಡಿಯಾಗಿದ್ದಾರೆ.
ಈ ಸಿನಿಮಾವನ್ನು ಪ್ರಖ್ಯಾತ ನಿರ್ದೇಶಕ ಫಿಲಿಪ್ ಜಾನ್ ನಿರ್ದೇಶನ ಮಾಡಲಿದ್ದಾರೆ. ಗುರು ಫಿಲ್ಮ್ಸ್ ಹೆಸರಿನ ಭಾರತೀಯ ಸಂಸ್ಥೆ ಈ ಸಿನಿಮಾವನ್ನು ನಿರ್ಮಾಣ ಮಾಡಲಿದೆ. ತಮಿಳು, ತೆಲುಗು ಚಿತ್ರರಂಗದಲ್ಲಿ ಬಹುಬೇಡಿಕೆ ನಟಿಯಾಗಿರುವ ಸಮಂತಾ, ಇದೀಗ ಹಾಲಿವುಡ್ ಜರ್ನಿ ಆರಂಭಿಸಲು ತುದಿಗಾಲಲ್ಲಿ ನಿಂತಿದ್ದಾರೆ.
ಅರೇಂಜ್ಮೆಂಟ್ಸ್ ಆಫ್ ಲವ್' ಎಂಬುದು 2004ರಲ್ಲಿ ಭಾರತೀಯ ಲೇಖಕಿ ಟೈಮೆರಿ ಎನ್. ಮುರಾರಿ ಅವರ ಅದೇ ಶೀರ್ಷಿಕೆಯ ಹೆಚ್ಚು ಮಾರಾಟವಾದ ಕಾದಂಬರಿಯ ರೂಪಾಂತರವಾಗಿದೆ. ತನ್ನ ತಾಯ್ನಾಡಿಗೆ ಪೂರ್ವಸಿದ್ಧತೆಯಿಲ್ಲದ ಭೇಟಿ ನೀಡುವ ಹಾಗೂ ದೂರವಾದ ತನ್ನ ತಂದೆಯನ್ನು ಹುಡುಕುವ ಅನ್ವೇಷಣೆಯಲ್ಲಿ ವೆಲ್ಷ್-ಇಂಡಿಯನ್ ವ್ಯಕ್ತಿಯ ಕತೆಯಾಗಿದ್ದು, ಇದರಲ್ಲಿ ಸಮಂತಾ ಸ್ವಂತ ಪತ್ತೇದಾರಿ ಏಜೆನ್ಸಿಯನ್ನು ನಡೆಸುತ್ತಿರುವ ಮತ್ತು ತಂದೆಯನ್ನು ಹುಡುಕಾಡುವ ವ್ಯಕ್ತಿಗೆ ನೆರವಾಗುವ 27 ವರ್ಷದ ಗಟ್ಟಿ ಮನಸ್ಸಿನ ಮತ್ತು ಹಾಸ್ಯ ಚಟಾಕಿ ಹಾರಿಸುವ ತಮಿಳು ಮಹಿಳೆಯ ಪಾತ್ರವನ್ನು ನಿರ್ವಹಿಸಲಿದ್ದಾರೆ.
ಚಿತ್ರದಲ್ಲಿ ಸಮಂತಾ ಪ್ರಗತಿಪರ ಬೈಸೆಕ್ಸುವಲ್ ತಮಿಳು ಮಹಿಳೆಯಾಗಿದ್ದು, ಅಲ್ಟ್ರಾ-ಸಾಂಪ್ರದಾಯಿಕ ಪೋಷಕರನ್ನು ಹೊಂದಿರುತ್ತಾಳೆ. ಮಗಳಿಗೆ ಮದುವೆ ಮಾಡಲು ಪಾಲಕರು ಬಯಸಿದರೆ, ತನ್ನ ಹೆತ್ತವರನ್ನು ಮೆಚ್ಚಿಸಲು ನಟಿಸುವ ಆಕೆ ಅದರಿಂದಾಚೆಗೆ ತನ್ನ ಸ್ವಂತ ಜೀವನದ ಆಯ್ಕೆಗಳನ್ನು ನೇರವೇರಿಸಿಕೊಳ್ಳಲು ಬಯಸುತ್ತಾಳೆ. ಚಿತ್ರದ ಬಗ್ಗೆ ಮಾತನಾಡಿರುವ ಸಮಂತಾ, ಪ್ರೀತಿಯ ಮತ್ತು ವೈಯಕ್ತಿಕ ಕಥೆಯನ್ನು ಹೊಂದಿರುವ 'ಅರೆಂಜ್ಮೆಂಟ್ಸ್ ಆಫ್ ಲವ್' ನೊಂದಿಗೆ ನಾನು ನನ್ನ ಪ್ರಯಾಣವನ್ನು ಪ್ರಾರಂಭಿಸಿದಾಗ ಇಂದು ನನಗೆ ಸಂಪೂರ್ಣ ಹೊಸ ಜಗತ್ತು ತೆರೆಯುತ್ತದೆ ”ಎಂದು ಹೇಳಿದ್ದಾರೆ.
ನಾನು ಫಿಲಿಪ್ ಜಾನ್ ಅವರೊಂದಿಗೆ ಕೆಲಸ ಮಾಡಲು ಉತ್ಸುಕನಾಗಿದ್ದೇನೆ. ಅವರ ಯೋಜನೆಗಳನ್ನು ನಾನು ಅನೇಕ ವರ್ಷಗಳಿಂದ ನಿಕಟವಾಗಿ ಅನುಸರಿಸಿದ್ದೇನೆ. ನಾನು 'ಡೌನ್ಟನ್ ಅಬ್ಬೆ'ಯ ದೊಡ್ಡ ಅಭಿಮಾನಿಯಾಗಿದ್ದೇನೆ ಹಾಗೂ ಮತ್ತೊಮ್ಮೆ ಸುನಿತಾ ಅವರೊಂದಿಗೆ ಸಹಕರಿಸಲು ಎದುರು ನೋಡುತ್ತಿದ್ದೇನೆ ಮತ್ತು ನಾವು ಹಿಂದೆಂದಿಗಿಂತಲೂ ಹೆಚ್ಚಿನ ಯಶಸ್ಸನ್ನು ಮಾತ್ರ ನಿರೀಕ್ಷಿಸುತ್ತೇನೆ. ಜೊತೆಗೆ 'ಓಹ್! ಬೇಬಿ' ಎಂಬ ನನ್ನ ಪಾತ್ರವು ಸಂಕೀರ್ಣವಾದ ಪಾತ್ರವಾಗಿದೆ ಮತ್ತು ಅದನ್ನು ನಿರ್ವಹಿಸಲು ನನಗೆ ಸವಾಲು ಮತ್ತು ಅವಕಾಶ ಎರಡೂ ಆಗಿರುತ್ತದೆ. ನಾನು ಸೆಟ್ಗೆ ಬರಲು ಕಾಯಲು ಸಾಧ್ಯವಿಲ್ಲ ಎಂದು ಆದಷ್ಟು ಬೇಗ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುವ ತುಡಿತ ವ್ಯಕ್ತಪಡಿಸಿದ್ದಾರೆ.
ಸಮಂತಾ ಅವರ ವಿಭಿನ್ನ ಚಿತ್ರಗಳ ಸಾಲಿಗೆ ಈ ಚಿತ್ರವು ಸೇರಲಿದ್ದು, 2022ರ ಆಗಸ್ಟ್ ತಿಂಗಳಲ್ಲಿ ತೆರೆಗೆ ಬರುವ ಸಾಧ್ಯತೆ ಇದೆ. (ಏಜೆನ್ಸೀಸ್)