ಕೊಚ್ಚಿ: ಮಲಯಾಳಂ ನಟಿ ಜಾನಕಿ ಸುಧೀರ್ ಅವರು ತಮ್ಮ ಟಾಪ್ಲೆಸ್ ಫೋಟೋಗಳನ್ನು ಹರಿಬಿಡುವ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಸಂಚಲನ ಸೃಷ್ಟಿಸಿದ್ದಾರೆ. ನಟಿಯ ಸಖತ್ ಹಾಟ್ ಅವತಾರವನ್ನು ಕಂಡು ಅಭಿಮಾನಿಗಳು ಹುಬ್ಬೇರಿಸಿದ್ದಾರೆ.
ಒಡವೆಗಳಿಂದಲೇ ತಮ್ಮ ಎದೆಯನ್ನು ಮುಚ್ಚಿಕೊಂಡು, ಅರೆಬೆತ್ತಲೆ ಅವತಾರದಲ್ಲಿ ವಿವಿಧ ಭಂಗಿಯಲ್ಲಿ ಜಾನಕಿ ಸುಧೀರ್ ಅವರು ಕ್ಯಾಮೆರಾಗೆ ಪೋಸ್ ನೀಡಿದ್ದಾರೆ. ಇದಕ್ಕೆ ಸಂಬಂಧಿಸಿದ ಫೋಟೋಗಳನ್ನು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದು, ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಈಗಾಗಲೇ 25 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿವೆ.
ಜಾನಕಿ ಫೋಟೋ ನೋಡಿ ಅನೇಕರು ಹುಬ್ಬೇರಿಸಿದ್ದಾರೆ. ಅಲ್ಲದೆ, ಮಿಶ್ರ ಪತ್ರಿಕ್ರಿಯೆ ವ್ಯಕ್ತವಾಗಿದೆ. ಬೋಲ್ಡ್ ಅವತಾರಕ್ಕೆ ಕೆಲವರು ಫಿದಾ ಆಗಿದ್ದರೆ, ಇನ್ನು ಕೆಲವರು ಅರೆ ಬೆತ್ತಲೆಯಾಗಿ ಕಾಣಿಸಿಕೊಂಡಿದ್ದಕ್ಕೆ ಗರಂ ಆಗಿ ಕಾಮೆಂಟ್ಗಳ ಸುರಿಮಳೆಗೈಯುತ್ತಿದ್ದಾರೆ.
ನಟಿ ಹಾಗೂ ಮಾಡೆಲ್ ಆಗಿರುವ ಜಾನಕಿ ಸುಧೀರ್ ಅವರು 2017ರಿಂದಲೂ ಸಿನಿ ಜಗತ್ತಿನಲ್ಲಿ ಸಕ್ರೀಯರಾಗಿದ್ದಾರೆ. ಮಲಯಾಳಂನಲ್ಲಿ ತೆರೆಕಂಡ ಚಂಕ್ಸ್, ಯೆಮಾಂಡನ್ ಪ್ರೇಮಕತಾ ಮತ್ತು ಹೋಲಿ ವುಂಡ್ ಸಿನಿಮಾಗಳಲ್ಲಿ ಜಾನಕಿ ನಟಿಸಿದ್ದಾರೆ. ಅಲ್ಲದೆ, ಸೂಪರ್ಸ್ಟಾರ್ ಮೋಹನ್ ಲಾಲ್ ನಡೆಸಿಕೊಟ್ಟ ಬಿಗ್ಬಾಸ್ ಸೀಸನ್ 4ರ ಸ್ಪರ್ಧಿ ಆಗಿದ್ದರು.
ಜಾನಕಿ ಸುಧೀರ್ ಅವರು ನಟಿಸಿರುವ ಇತ್ತೀಚೆಗೆ ಬಿಡುಗಡೆಯಾದ 'ಹೋಲಿ ವುಂಡ್' ಸಿನಿಮಾ ಭಾರೀ ವಿವಾದ ಹುಟ್ಟುಹಾಕಿದೆ. ಇದರಲ್ಲಿ ಜಾನಕಿ ಅವರು ತಮ್ಮ ಶಾಲಾ ಸಹಪಾಠಿಯೊಂದಿಗೆ ಸಲಿಂಗಕಾಮಿ ಸಂಬಂಧ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರವು ಆಗಸ್ಟ್ 12 ರಿಂದ OTT ನಲ್ಲಿ ಸ್ಟ್ರೀಮ್ ಆಗುತ್ತಿದ್ದು, ಕೆಲವರ ಕೆಂಗಣ್ಣಿಗೆ ಗುರಿಯಾಗಿದೆ. (ಏಜೆನ್ಸೀಸ್)