ಚೆನ್ನೈ: ಈ ವರ್ಷ ಬಿಡುಗಡೆಯಾದ ಮೂರು ಚಿತ್ರಗಳು ಸೋತರೂ, ಪೂಜಾ ಹೆಗ್ಡೆಗೆ ಕಿಂಚಿತ್ತೂ ಡಿಮ್ಯಾಂಡ್ ಕಡಿಮೆ ಆಗಿಲ್ಲ. ಈಗಲೂ ಪೂಜಾಗೆ ಟಾಲಿವುಡ್ನಲ್ಲಿ ಅಷ್ಟೇ ಬೇಡಿಕೆ ಇದ್ದು, ಇನ್ನೊಂದಿಷ್ಟು ಹೊಸ ಚಿತ್ರಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ಅದರ ಮೊದಲ ಹಂತವಾಗಿ ಪೂಜಾ, ವಿಜಯ್ ದೇವರಕೊಂಡ ಅಭಿನಯದ ಹೊಸ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಇದರ ನಡುವೆ ಪೂಜಾಗೆ ತಮ್ಮ ಹಿಂದಿನ ಚಿತ್ರದ ನಿರ್ಮಾಪಕ ಶಾಕ್ ನೀಡಿದ್ದಾರೆ.
ಪೂಜಾ ಅವರು ಹಿಂದಿನ ಚಿತ್ರ ಬೀಸ್ಟ್. ತಮಿಳು ನಟ ವಿಜಯ್ಗೆ ನಾಯಕಿಯಾಗಿ ನಟಿಸಿದ್ದರು. ಈ ಚಿತ್ರ ಕೆಜಿಎಫ್-2 ಎದುರು ಬಾಕ್ಸ್ ಆಫೀಸ್ನಲ್ಲಿ ಮಕಾಡೆ ಮಲಗಿತು. ಹೇಳಿಕೊಳ್ಳುವಷ್ಟು ಗಳಿಕೆ ಮಾಡಲಿಲ್ಲ. ಇದರಿಂದ ನಿರ್ಮಾಪಕರ ಜೇಬಿಗೆ ನಷ್ಟವಾಗಿದೆ ಎನ್ನಲಾಗಿದೆ. ಇದೀಗ ಕೇಳಿಬರುತ್ತಿರುವ ಸುದ್ದಿಯ ಪ್ರಕಾರ ಪೂಜಾ ಹೆಗ್ಡೆ ಸಿಬ್ಬಂದಿಯ ನಿರ್ವಹಣೆಗೆ ಭರಿಸಲಾದ ವೆಚ್ಚದ ಮೊತ್ತವನ್ನು ನಿರ್ಮಾಪಕ ವಾಪಸ್ ಕೇಳಿದ್ದಾರೆಂದು ತಿಳಿದುಬಂದಿದೆ.
ಬೀಸ್ಟ್ ಚಿತ್ರದ ಶೂಟಿಂಗ್ ವೇಳೆ ಪೂಜಾ ಹೆಗ್ಡೆ ಸಿಬ್ಬಂದಿಯಿಂದ ಭಾರಿ ವೆಚ್ಚವಾಗಿದೆಯಂತೆ. ಊಟಕ್ಕಾಗಿಯೇ ಲಕ್ಷಾಂತರ ರೂಪಾಯಿ ಖರ್ಚಾಗಿದೆ ಎನ್ನಲಾಗಿದೆ. ಇದಕ್ಕೆ ಸಂಬಂಧಿಸಿದ ಬಿಲ್ ನೋಡಿ ನಿರ್ಮಾಪಕರೇ ಶಾಕ್ ಆಗಿದ್ದಾರೆಂದು ಹೇಳಲಾಗಿದೆ. ಪೂಜಾ ಸಿಬ್ಬಂದಿಯ ಆಹಾರ ಮತ್ತು ನಿರ್ವಹಣೆಯ ಬಿಲ್ ಅನ್ನು ನಿರ್ಮಾಪಕರು ಇದ್ದಕ್ಕಿದ್ದಂತೆ ನೋಡಿ ಶಾಕ್ ಆಗಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಈಗಾಗಲೇ ಬೀಸ್ಟ್ ಸಿನಿಮಾ ಸೋಲಿನಿಂದ ಭಾರೀ ನಷ್ಟದಲ್ಲಿರುವ ನಿರ್ಮಾಪಕರಿಗೆ ಪೂಜಾ ಸಿಬ್ಬಂದಿಯ ನಿರ್ವಹಣೆ ವೆಚ್ಚವೂ ಗಾಬರಿ ತರಿಸಿದ್ದು, ಬಿಲ್ಗಳನ್ನು ಪೂಜಾ ಅವರಿಗೆ ಕಳುಹಿಸಿ ನಿರ್ವಹಣಾ ವೆಚ್ಚವನ್ನು ಭರಿಸುವಂತೆ ನಿರ್ಮಾಪಕ ಕೇಳಿದ್ದಾರೆ.
ನಿರ್ಮಾಪಕರು ಕಳುಹಿಸಿದ ಬಿಲ್ ನೋಡಿ ಪೂಜಾ ಕೂಡ ಶಾಕ್ ಆಗಿದ್ದಾರೆ. ಅಲ್ಲದೆ, ನಿರ್ವಹಣೆಗೆ ಖರ್ಚಾದ ಮೊತ್ತವನ್ನು ಭರಿಸುವುದಾಗಿ ಭರವಸೆ ನೀಡಿದ್ದಾರೆ. ಬಿಲ್ ಉಳಿಸಿಕೊಂಡು ಮಾಡುವಂಥದ್ದು ಏನಿಲ್ಲ. ನಾನು ಹಣವನ್ನು ಭರಿಸುತ್ತೇನೆ ಎಂದು ಪೂಜಾ ಹೇಳಿದ್ದಾರೆಂದು ತಿಳಿದುಬಂದಿದೆ.
ಬೀಸ್ಟ್ ಸಿನಿಮಾ ಏಪ್ರಿಲ್ 13ರಂದು ತರೆಕಂಡಿತು. ಏಪ್ರಿಲ್ 14ರಂದು ಬಿಡುಗಡೆಯಾದ ಕೆಜಿಎಫ್ 2 ಎದುರು ಬೀಸ್ಟ್ ಸಿನಿಮಾ ನಿಲ್ಲಲಿಲ್ಲ. ಈ ಸಿನಿಮಾವನ್ನು ಡಾಕ್ಟರ್ ಸಿನಿಮಾ ಖ್ಯಾತಿಯ ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶನ ಮಾಡಿದ್ದಾರೆ. ವಿಜಯ್, ಪೂಜಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. (ಏಜೆನ್ಸೀಸ್)