ಬೆಂಗಳೂರು: ಇತ್ತೀಚೆಗಷ್ಟೇ ಟ್ವಿಟರ್ ಖಾತೆ ಸಸ್ಪೆಂಡ್ ಆದ ಹಿನ್ನೆಲೆಯಲ್ಲಿ ಸುದ್ದಿಯಲ್ಲಿದ್ದರು ನಟ ಕಿಶೋರ್. ಆ ನಂತರ ತನ್ನ ಖಾತೆಯು ವಿವಾದಿತ ಟ್ವೀಟ್ಗಳಿಂದ ಸಸ್ಪೆಂಡ್ ಆಗಿಲ್ಲ, ಹ್ಯಾಕ್ ಆಗಿದ್ದರಿಂದ ಮುಂದಾಗುವ ತೊಂದರೆಗಳನ್ನು ತಪ್ಪಿಸುವುದಕ್ಕೆ ಸಸ್ಪೆಂಡ್ ಮಾಡಲಾಗಿದೆ ಎಂದು ಹೇಳುವ ಮೂಲಕ ಪ್ರಕರಣವನ್ನು ತಿಳಿಗೊಳಿಸಿದ್ದರು.
ಇದನ್ನೂ ಓದಿ: ಯಕ್ಷಗಾನ ಥ್ರಿಲ್ಲರ್ ಯಾನ; ವಿಜಯವಾಣಿ ಸಿನಿಮಾ ವಿಮರ್ಶೆ
ಈಗ ಅವರ ಹೇಳಿಕೆಯೊಂದು ವಿವಾದಕ್ಕೆ ತಿರುಗಿದೆ. 'ಕೆಜಿಎಫ್ 2' ಚಿತ್ರದ ಬಗ್ಗೆ ಕಿಶೋರ್ ಆಡಿರುವ ಮಾತುಗಳು ಯಶ್ ಅಭಿಮಾನಿಗಳನ್ನು ಕೆರಳಿಸಿದೆ. ಇಷ್ಟಕ್ಕೂ ಆಗಿದ್ದೇನೆಂದರೆ, 'ಕೆಜಿಎಫ್ 2' ಚಿತ್ರದ ಬಗ್ಗೆ ನಿಮ್ಮ ಅಭಿಪ್ರಾಯವೇನು ಎಂದು ಕೇಳಲಾಗಿದೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಅವರು, ತಾನು ಅಂತಹ ಮೈಂಡ್ಲೆಸ್ ಚಿತ್ರವನ್ನು ನೋಡುವುದಿಲ್ಲ ಎಂದು ಹೇಳಿದ್ದಾರೆ.
ಈ ಕುರಿತು ಮಾತನಾಡಿರುವ ಅವರು, 'ನಾನು ಆ ಚಿತ್ರವನ್ನು ನೋಡಿಲ್ಲ. ಅಂತಹ ಮೈಂಡ್ಲೆಸ್ ಸಿನಿಮಾಗಳನ್ನು ನೋಡುವುದಕ್ಕಿಂತ ಸಣ್ಣ ಅಥವಾ ಅಷ್ಟೇನೂ ಯಶಸ್ವಿಯಲ್ಲದ ಚಿತ್ರಗಳನ್ನು ನೋಡುವುದಕ್ಕೆ ಇಷ್ಟಪಡುತ್ತೇನೆ' ಎಂದು ಹೇಳಿಕೊಂಡಿದ್ದಾರೆ. ಈ ಮಾತು ಕೇಳಿ ಯಶ್ ಅಭಿಮಾನಿಗಳು ಸಹಜವಾಗಿಯೇ ಸಿಟ್ಟಾಗಿದ್ದಾರೆ.
ಇಷ್ಟಕ್ಕೂ ಕಿಶೋರ್ ಹೀಗೆ ಮಾತನಾಡಿದ್ದೆಲ್ಲಿ ಅಥವಾ ಉತ್ತರಿಸಿದ್ದು ಯಾರಿಗೆ? ಎಂಬ ಪ್ರಶ್ನೆಗಳಿಗೆ ಇನ್ನಷ್ಟೇ ಉತ್ತರ ಸಿಗಬೇಕಿದೆ. ಆದರೆ, ಅವರ ಮಾತುಗಳ ಬಗೆ ಸೋಷಿಯಲ್ ಮೀಡಿಯದಲ್ಲಿ ಚರ್ಚೆಯಂತೂ ಜೋರಾಗಿದೆ.