'ನನ್ನ ಪೋಷಕರು ಸೆಲೆಬ್ರಿಟಿಗಳೇ ಹೊರತು ನಾನಲ್ಲ'; ಬಾಡಿ ಶೇಮಿಂಗ್ ಮಾಡುವವರ ವಿರುದ್ಧ ಖುಷ್ಬೂ ಸುಂದರ್​ ಮಗಳು ಕೆಂಡ..Anandita

ನಟಿ ರಾಜಕಾರಣಿಯಾದ  ಖುಷ್ಬೂ ಸುಂದರ್​  ಪುತ್ರಿ ಆನಂದಿತಾ ಅವರು, ಸಣ್ಣ ವಯಸ್ಸಿನವರಾಗಿದ್ದ ದಿನದಿಂದಲೂ ಟ್ರೋಲ್​ಗೆ ಒಳಗಾಗಿದ್ದರು ಎನ್ನುವ ಬಗ್ಗೆ ಮಾತನಾಡಿದ್ದಾರೆ. ನಾನು ದಪ್ಪಗಿದ್ದಾಗ ತೂಕ ಇಳಿಸಿ ಎಂದು ಟ್ರೋಲ್​ ಮಾಡುತ್ತಿದ್ದರು. ಈಗ ತೂಕ ಇಳಿಸಿಕೊಳ್ಳಲು ಓಜೆಂಪಿಕ್ ಮತ್ತು ಮೌಂಜಾರೊ ಸೇವಿಸಿದರು ಎಂದು ರೂಮರ್ಸ್​ ಎಬ್ಬಿಸಿದ್ದರು ಎನ್ನುವ ಬಗ್ಗೆ ಹೇಳಿಕೊಂಡರು.

ನಾನು ಮತ್ತು ನನ್ನ ಅಕ್ಕ ಸಣ್ಣವಯಸ್ಸಿನಿಂದಲೇ ಕೊಂಚ ದಪ್ಪ ಇದ್ದೆವು. ಅದು ನಂತರ ಬೊಜ್ಜಾಗಿ ಮಾರ್ಪಟ್ಟಿತ್ತು. ನಮಗೆ ನಂತರ ನಾವು ಫಿಟ್ ಆಗಿರಬೇಕು ಎಂದನಿಸಿ, ವ್ಯಾಯಾಮ, ಜಿಮ್​ ಎಂದು ಶುರು ಮಾಡಿಕೊಂಡೆವು. 2018 ರಲ್ಲಿ ತೂಕ ಇಳಿಸಿಕೊಳ್ಳಲು ಶುರು ಮಾಡಿದೆವು. ಇದೆಲ್ಲ ಸುಲಭವಾಗಿ ಕರಗುವುದಿಲ್ಲ. ಆದರೆ, ಜನರಿಗೆ ಅರ್ಥವೇ ಆಗೋದಿಲ್ಲ ಎಂದು  JFW ಪಾಡ್‌ಕ್ಯಾಸ್ಟ್‌ನಲ್ಲಿ  ಆನಂದಿತಾ ಹೇಳಿಕೊಂಡಿದ್ದಾರೆ. 

2018ರಿಂದ ನಾನು ಬೊಜ್ಜು ಕರಗಿಸಲು ಶುರು ಮಾಡಿದೆ. ಆದರೆ ಜನರು ನಾನು ಸರ್ಜರಿ ಮಾಡಿಸಿದ್ದೇನೆ ಎಂದು ತಿಳಿದಿದ್ದಾರೆ. ಇಲ್ಲವೇ ಓಜೆಂಪಿಕ್  ಮತ್ತು ಮೌಂಜಾರೋ ಔಷಧಗಳನ್ನು ಬಳಸಿದ್ದೇನೆ ಎಂದದು ಕತೆ ಕಟ್ಟಿದರು. ಇಂತಹ ವಿಚಾರಗಳನ್ನು ನೋಡ್ತಿದ್ರೆ ನನಗೆ ನಗು ಬರುತ್ತದೆ. ಜನರು  ನಾನು ಬೊಜ್ಜು ಇಳಿಸಲು ಏಳು ವರ್ಷ ಕಷ್ಟ ಪಟ್ಟ ಬಗ್ಗೆ  ತಿಳಿಯದೇ ಇಲ್ಲ ಸಲ್ಲದ ಆರೋಪ ಮಾಡುತ್ತಾರೆ ಎಂದು ಬೇಸರ ವ್ಯಕ್ತಪಡಿಸಿದರು. 

ನಾನು 15 ವರ್ಷದವಳಿದ್ದಾಗಲೇ ನನ್ನ ಕುರಿತು ಬಾಡಿ ಶೇಮಿಂಗ್​ ಮಾಡತೊಡಗಿದರು.  ನನ್ನ ಪೋಷಕರು ಸೆಲಬ್ರೆಟಿಗಳು ನಾನಲ್ಲ. ನಾನು ಫೋಟೋ ಹಾಕಿದರೆ ನೀವು ಕುರೂಪಿ ಎಂದು ಕಾಮೆಂಟ್​ ಮಾಡ್ತಾರೆ. ಕೆಲವೊಮ್ಮೆ ಟ್ರಾನ್ಸಜೆಂಡರ್​ ಜೊತೆಗೆ ಹೋಲಿಕೆ ಮಾಡಿದ್ದರು.  ನಿಜ ಏನು ಎಂದರೆ,  ಲಿಂಗ ಅಲ್ಪ ಸಂಖ್ಯಾತರು ಸೌಮ್ಯ ಸ್ವಭಾವದ ಸುಂದರ ಮನುಷ್ಯರು. ನಾನು ಇಂತಹ ಟೀಕೆಗೆ ಒಗ್ಗಿಕೊಂಡಿದ್ದೇನೆ. ಆದರೂ ಜನರು ಇಷ್ಟು ಕ್ರೂರಿಗಳಾಗಿ ಇರೋಕೆ ಹೇಗೆ ಸಾಧ್ಯ ಎಂದರು,

ನಾನು ಯಾರನ್ನೋ ಮೆಚ್ಚಿಸಲು ನನ್ನ ತೂಕ ಇಳಿಕೆ ಮಾಡಿಕೊಂಡಿಲ್ಲ ನನ್ನ ಆರೋಗ್ಯದ ದೃಷ್ಟಿಯಿಂದ ನಾನು ಈ ನಿರ್ಧಾರವನ್ನು ತೆಗೆದುಕೊಂಡೆ ಎಂದು  ಆನಂದಿತಾ ಅವರು ಪಾಡ್​​ಕಾಸ್ಟ್​ನಲ್ಲಿ ಹೇಳಿಕೊಂಡಿದ್ದಾರೆ, (ಏಜೆನ್ಸೀಸ್).