ಬೆಂಗಳೂರು: ಕೆಜಿಎಫ್ ಚಾಪ್ಟರ್ 2 ಟೀಸರ್ ಮೂಲಕವೇ ಸದ್ದು ಮಾಡಿದ್ದು ಹೆಚ್ಚು. ಜನವರಿಯಿಂದ ಇಲ್ಲಿಯವರೆಗೂ ಈ ಚಿತ್ರದ ಟೀಸರ್ ಬರೋಬ್ಬರಿ 18 ಕೋಟಿ (188 ಮಿಲಿಯನ್)ಗೂ ಅಧಿಕ ಸಲ ವೀಕ್ಷಣೆ ಕಂಡಿದೆ. ಅತೀ ಹೆಚ್ಚು ಲೈಕ್ಸ್ ಪಡೆದ ದಾಖಲೆಯೂ ಈ ಟೀಸರ್ಗಿದೆ. ಇದೀಗ ಮತ್ತೊಂದು ದಾಖಲೆಯನ್ನು ತನ್ನದಾಗಿಸಿಕೊಂಡಿದೆ.
ಹೌದು, ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್ ಚಾಪ್ಟರ್ 2 ಚಿತ್ರ ಇದೀಗ ಕಮೆಂಟ್ಸ್ ವಿಚಾರದಲ್ಲಿ ಸದ್ದು ಮಾಡುತ್ತಿದೆ. ಯೂಟ್ಯೂಬ್ನಲ್ಲಿ ಬರೋಬ್ಬರಿ 1 ಮಿಲಿಯನ್ ಅಂದರೆ 10 ಲಕ್ಷ ಕಮೆಂಟ್ ಪಡೆದ ಭಾರತದ ಮೊದಲ ಸಿನಿಮಾ ಎನ್ನಲಾಗುತ್ತಿದೆ. ಈಗಾಗಲೇ 83 ಲಕ್ಷ ಲೈಕ್ಸ್ ಪಡೆದು ಅಲ್ಲಿಯೂ ದಾಖಲೆ ನಿರ್ಮಿಸಿದ ಕೆಜಿಎಫ್ ಇದೀಗ ಕಮೆಂಟ್ಸ್ ನಲ್ಲಿಯೂ ಮುಂದಿದೆ.
ಇಲ್ಲಿಯವರೆಗೂ ಒಂದು ಮಿಲಿಯನ್ ಕಮೆಂಟ್ಸ್ ಅನ್ನು ಬೇರಾವ ಚಿತ್ರ ಪಡೆದುಕೊಂಡಿಲ್ಲ. ಸದ್ಯ ಈ ದಾಖಲೆ ಮಾಡಿದ ಮೊದಲ ಸಿನಿಮಾ ಕೆಜಿಎಫ್ ಎಂದು ಹೇಳಲಾಗುತ್ತಿದೆ. ಪ್ರಶಾಂತ್ ನೀಲ್ ನಿರ್ದೇಶನ ಮಾಡಿರುವ ಈ ಚಿತ್ರದಲ್ಲಿ ರಾಕಿಂಗ್ ಸ್ಟಾರ್ ಯಶ್ ನಟಿಸಿದ್ದು, ಸ್ಟಾರ್ ನಟರ ದಂಡೇ ಈ ಚಿತ್ರದಲ್ಲಿದೆ. ಹೊಂಬಾಳೆ ಫಿಲಂಸ್ ಈ ಚಿತ್ರಕ್ಕೆ ಬಂಡವಾಳ ಹೂಡಿದೆ.