ಹೈದರಾಬಾದ್: ಯಶಸ್ವಿ ನಟಿಯರಲ್ಲಿ ಒಬ್ಬರೆನಿಸಿಕೊಂಡಿರುವ ನಟಿ ಕೀರ್ತಿ ಸುರೇಶ್ ಸದ್ಯ ತಮ್ಮ ಸಂಭಾವನೆಯನ್ನು ಹೆಚ್ಚಿಸಿಕೊಂಡಿದ್ದಾರೆ. ಹೆಚ್ಚು ಗ್ಲಾಮರ್ ಆಗಿ ಕಾಣಿಸಿಕೊಳ್ಳದೇ ಇದ್ದರೂ ತಮ್ಮದೇ ವಿಭಿನ್ನ ಶೈಲಿಯಿಂದ ತನ್ನದೇ ಅಭಿಮಾನಿ ವರ್ಗವನ್ನು ಹೊಂದಿರುವ ನಟಿ ಕೀರ್ತಿ ಸುರೇಶ್ ಸದ್ಯ ಸಂಭಾವನೆಯ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ.
ಮಹಾನಟಿ ಚಿತ್ರದ ಮೂಲಕ ದೊಡ್ಡ ಮಟ್ಟದ ಬ್ರೇಕ್ ಪಡೆದ ನಟಿ ನಂತರ ಸಾಲು ಸಾಲು ಸಿನಿಮಾಗಳ ಅವಕಾಶಗಳು ಬಂದವು, ದೇಹದ ತೂಕ ಇಳಿಸಿಕೊಂಡು ಮಹೇಶ್ ಬಾಬು ಜತೆಗಿನ ಸರ್ಕಾರಿ ವಾರುಪಾಟ ಚಿತ್ರ ಯಶಸ್ಸಿನ ಬಳಿಕ ತಮ್ಮ ಸಂಭಾವನೆಯನ್ನು ಹೆಚ್ಚಿಸಿಕೊಂಡಿದ್ದು, ರಶ್ಮಿಕಾ ಹಾಗೂ ತಮನ್ನಾರನ್ನೇ ಹಿಂದಿಕ್ಕಿದ್ದಾರೆ.
ಸದ್ಯ ನಾನಿ -ಕೀರ್ತಿ ಜೋಡಿಯಾಗಿ ತೆಲುಗಿನ ದಸರಾ ಸಿನಿಮಾ ಸೆಟ್ಟೇರುತ್ತಿದ್ದು, ಇದಕ್ಕೆ ನಾಯಕಿಯಾಗಿ ಆಯ್ಕೆಯಾಗಿರುವ ಕೀರ್ತಿ 3 ಕೋಟಿ ರೂ. ಗೂ ಅಧಿಕ ಸಂಭಾವನೆ ಕೇಳಿದ್ದು, ನಿರ್ಮಾಪಕರು ಕೂಡ ಒಪ್ಪಿಗೆ ನೀಡಿದ್ದಾರೆ.
ಸದ್ಯ ಯಶಸ್ವಿ ನಟಿಯಾಗಿರುವುದರಿಂದ ನಿರ್ಮಾಪಕರು ಕೂಡ ಕೇಳುವಷ್ಟು ಸಂಭಾವನೆಯನ್ನು ಕೊಡುತ್ತೇವೆ ಎಂದಿದ್ದಾರಂತೆ. ಈ ಚಿತ್ರ ಯಶಸ್ವಿಯಾದಲ್ಲಿ ಕೀರ್ತಿ ಸಂಭಾವನೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. (ಏಜೆನ್ಸೀಸ್)