ಮುಂಬೈ: ನಟ ಸುಶಾಂತ್ ಸಿಂಗ್ ಹತ್ಯೆ ಪ್ರಕರಣವನ್ನು ಸಿಬಿಐ, ಎನ್ಸಿಬಿ ಮತ್ತು ಇಡಿ ತನಿಖಾ ಏಜೆನ್ಸಿಗಳು ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸುತ್ತಿವೆ.
ಸುಶಾಂತ್ ಸಿಂಗ್ ಸಾವಿನೊಂದಿಗೆ ಕೇಳಿಬರುತ್ತಿರುವ ಡ್ರಗ್ಸ್ ಜಾಲದ ತನಿಖೆಯನ್ನು ಎನ್ಸಿಬಿ ಮಾಡುತ್ತಿದ್ದು, ಈಗಾಗಲೇ ಎಂಟು ಮಂದಿಯನ್ನು ವಶಕ್ಕೆ ಪಡೆದಿದ್ದಾರೆ. ಹಾಗೇ ಅರೆಸ್ಟ್ ಆದವರಲ್ಲಿ ಸುಶಾಂತ್ ಮನೆಯ ಕೆಲಸದವನಾದ ದೀಪೇಶ್ ಸಾವಂತ್ ಕೂಡ ಓರ್ವ. ಇದನ್ನೂ ಓದಿ: ಚೆನ್ನೈನಲ್ಲಿರುವ ಅಮೆರಿಕ ದೂತಾವಾಸದ ಕಾನ್ಸಲ್ ಜನರಲ್ ಆಗಿ ಜ್ಯುಡಿತ್ ರೇವಿನ್ ನೇಮಕ
ರಿಯಾ ಚಕ್ರವರ್ತಿ ಅಕ್ರಮವಾಗಿ ಡ್ರಗ್ಸ್ ಖರೀದಿ ಮಾಡುತ್ತಿದ್ದರು ಎಂದು ಹೇಳಿದ್ದೇ ಈ ದೀಪೇಶ್ ಸಾವಂತ್. ಆದರೆ ಈತನೇನೂ ಸಾಚಾ ಅಲ್ಲ, ಸಾಮಾನ್ಯ ಕೆಲಸದವನೂ ಅಲ್ಲ ಎಂಬುದನ್ನು ಎನ್ಸಿಬಿ ಮೂಲಗಳೇ ಸ್ಪಷ್ಟಪಡಿಸಿವೆ. ದೀಪೇಶ್ ನೀಡಿರುವ ಕೆಲವು ಹೇಳಿಕೆಗಳು, ಸಂಗ್ರಹಿಸಲಾದ ಕೆಲವು ಡಿಜಿಟಲ್ ಪುರಾವೆಗಳ ಪ್ರಕಾರ, ಡ್ರಗ್ಸ್ ದಂಧೆಯಲ್ಲಿ ಆತನೂ ಸಕ್ರಿಯ ಎಂಬುದು ಗೊತ್ತಾಗಿದೆ. ಸಮಾಜದ ಉನ್ನತ ವ್ಯಕ್ತಿಗಳೊಂದಿಗೆ, ಡ್ರಗ್ಸ್ ಪೂರೈಕೆದಾರರೊಂದಿಗೆ ದೀಪೇಶ್ ನಿಕಟ ಸಂಪರ್ಕದಲ್ಲಿದ್ದ ಎಂಬುದನ್ನು ಎನ್ಸಿಬಿಯೇ ತಿಳಿಸಿದೆ.
ಸೆಪ್ಟೆಂಬರ್ 4ರಿಂದಲೂ ಎನ್ಸಿಬಿ ಕಸ್ಟಡಿಯಲ್ಲಿರುವ ದೀಪೇಶ್ನನ್ನು ವ್ಯದ್ಯಕೀಯ ತಪಾಸಣೆಗೂ ಒಳಪಡಿಸಲಾಗಿದೆ. ಹಾಗೇ, ಸೆಪ್ಟೆಂಬರ್ 9ರವರೆಗೂ ಆತನನ್ನು ಎನ್ಸಿಬಿ ಕಸ್ಟಡಿಗೆ ನೀಡಿ ಕೋರ್ಟ್ ಆದೇಶ ಹೊರಡಿಸಿದೆ. (ಏಜೆನ್ಸೀಸ್)