ಸುಶಾಂತ್ ಸಿಂಗ್ ರಜಪೂತ್ ಆತ್ಮಹತ್ಯೆ ಪ್ರಕರಣ ಬಗೆದಷ್ಟು ಆಳಕ್ಕೆ ಇಳಿಯುತ್ತಿದೆ. ಟ್ವಿಸ್ಟ್ಗಳ ಮೇಲೆ ಟ್ವಿಸ್ಟ್ ಎದುರಾಗುತ್ತಿವೆ. ಇತ್ತೀಚೆಗಷ್ಟೇ ಪ್ಯಾರಾನಾರ್ಮಲ್ ತಜ್ಞ ಸುಶಾಂತ್ ಆತ್ಮದೊಂದಿಗೆ ಮಾತುಕತೆ ನಡೆಸಿದ ಬಳಿಕ ಮತ್ತಷ್ಟು ಹೊಸ ಪುರಾವೆಗಳು ಲಭ್ಯವಾಗುತ್ತಿವೆ. ಇದೀಗ ತಜ್ಞ ಸ್ಟೇವ್ ಹಫ್ ಎರಡು ಶೇರ್ ಮಾಡಿಕೊಂಡಿರುವ ವಿಡಿಯೋಗಳು ಬೇರೆ ಬೇರೆ ಕೋನಗಳಿಂದ ಹೊಸ ಹೊಸ ಅನುಮಾನಗಳ ಹುಟ್ಟಿಗೆ ಕಾರಣವಾಗುತ್ತಿದೆ.
ಹೌದು, ಸ್ಟೇವ್ ಹಫ್ ಸುಶಾಂತ್ಗೆ ಸಂಬಂಧಿಸಿದ ವಿಡಿಯೋಗಳನ್ನು ಯೂಟ್ಯೂಬ್ಗೆ ಹಾಕಿದ್ದೇ ತಡ, ಮಿಲಿಯನ್ಗಟ್ಟಲೇ ಆ ವಿಡಿಯೋಗಳು ವೀಕ್ಷಣೆ ಕಂಡಿವೆ. ಸಾವಿರಾರು ಕಮೆಂಟ್ಗಳು ವಿಡಿಯೋಕ್ಕೆ ಸಂದಾಯವಾಗಿವೆ. ಒಂದಷ್ಟು ನೆಟ್ಟಿಗರು, ಆ ವಿಡಿಯೋದ ಮಾತುಕತೆಯನ್ನೇ ಆಧರಿಸಿ ಅಸಲಿ ವಿಚಾರಗಳನ್ನು ಬಯಲಿಗೆಳೆದಿದ್ದಾರೆ. ಸುಶಾಂತ್ ಮಾತುಗಳನ್ನೇ ಡಿಕೋಡ್ ಮಾಡಿ, ಇದು ಆತ್ಮಹತ್ಯೆ ಅಲ್ಲ ಕೊಲೆ ಎಂದು ಹೇಳಿಕೊಳ್ಳುತ್ತಿದ್ದಾರೆ. ಈ ಬಗ್ಗೆ ತನಿಖೆ ನಡೆಯಬೇಕು, ದೀಪೇಶ್ ಎಂಬುವವರನ್ನು ವಿಚಾರಣೆ ಮಾಡಬೇಕು ಎಂದು ಒತ್ತಾಯಿಸುತ್ತಿದ್ದಾರೆ.
ಅಂದಹಾಗೆ, 7.43 ಸೆಕೆಂಡ್ನ ವಿಡಿಯೋದಲ್ಲಿ ಸುಶಾಂತ್ ಹೇಳಿದ ಹಲವು ವಿಚಾರಗಳು ನಿಜಕ್ಕೂ ಅಚ್ಚರಿ ಹುಟ್ಟಿಸಿವೆ. ಅವುಗಳನ್ನು ಈ ರೀತಿಯಲ್ಲಿ ನೆಟ್ಟಿಗರೇ ಡಿಕೋಡ್ ಮಾಡಿದ್ದಾರೆ ನೋಡಿ.
4.37; ಸ್ನೇಹದ ಹೆಸರನಲ್ಲಿ ಆತ ನನ್ನನ್ನು ಕೊಲೆಮಾಡಿದ.
4.45; ನಾನು ಆ ಹೊತ್ತಿನಲ್ಲಿ ಅಡುಗೆ ಮನೆಯಲ್ಲಿದ್ದೆ
5.02; ಸಂದೀಪ್ ಜತೆ ದೊಡ್ಡ ವಾಗ್ವಾದ
5.11; ಆತ ಹಗ್ಗವನ್ನು ತಂದ
5.23; ದೀಪೇಶನೇ ಇಷ್ಟೆಲ್ಲ ಮಾಡಿದ್ದು
ಹೀಗೆ ವಿಡಿಯೋದಲ್ಲಿನ ಮಾತುಕತೆಯಲ್ಲಿ ಈ ರೀತಿ ನಡೆದಿದ್ದು, ಆ ಹೇಳಿಕೆಯ ಆಧಾರದ ಮೇಲೆ ನೆಟ್ಟಿಗರು ಉತ್ರವೊಂದನ್ನು ಕಂಡುಕೊಂಡಿದ್ದು, ತನಿಖೆಗೆ ಒತ್ತಾಯಿಸಿದ್ದಾರೆ, (ಏಜೆನ್ಸೀಸ್)