ತೆಲಂಗಾಣ: ಇತ್ತೀಚೆಗೆ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡ ಬ್ಲಾಕ್ಬಸ್ಟರ್ ಪ್ಯಾನ್ ಇಂಡಿಯಾ ಸಿನಿಮಾ ‘ಸಲಾರ್’ ಮೂಲಕ ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸಿದ ಪ್ರಭಾಸ್, ಇದೀಗ ತಮ್ಮ ಮುಂದಿನ ಸೈನ್ಸ್-ಫಿಕ್ಷನ್ ಆಧರಿತ ಕಥೆಯುಳ್ಳ ‘ಕಲ್ಕಿ 2898 AD’ ಚಿತ್ರದ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ.
ಸಲಾರ್ ಅಭಿಮಾನಿಗಳಿಗೆ ಭರ್ಜರಿ ಬಾಡೂಟವನ್ನೇ ಬಡಿಸಿದೆ. ಇದೀಗ ಕಲ್ಕಿ 2898 AD ಚಿತ್ರದ ಸರದಿ. ಅಚ್ಚರಿಯ ರೀತಿಯಲ್ಲಿ ಯಾವುದೇ ಸುಳಿವು ನೀಡದೆ, ನೇರವಾಗಿ ಚಿತ್ರಮಂದಿರದಲ್ಲಿಯೇ ರಿಲೀಸ್ ದಿನಾಂಕ್ ಘೋಷಣೆ ಮಾಡಿದೆ ನಿರ್ಮಾಣ ಸಂಸ್ಥೆ ವೈಜಯಂತಿ ಮೂವೀಸ್. ಈಗಾಗಲೇ ಬಿಡುಗಡೆಯಾಗಿರುವ ಪೋಸ್ಟರ್ಗಳಿಂದ ಪ್ರೇಕ್ಷಕರು ಈ ಚಿತ್ರ ಹಾಲಿವುಡ್ ರೇಂಜ್ನಲ್ಲಿ ಇರಬಹುದೆಂಬ ನಿರೀಕ್ಷೆಯಲ್ಲಿದ್ದಾರೆ. ಕಲ್ಕಿ ಚಿತ್ರದ ಮೇಲೆ ಭಾರೀ ನಿರೀಕ್ಷೆಗಳಿವೆ.
ಕಲ್ಕಿ ಚಿತ್ರದಲ್ಲಿ ಬಹುತೇಕ ಎಲ್ಲಾ ಚಿತ್ರರಂಗದ ಸ್ಟಾರ್ ನಟರು ನಟಿಸುತ್ತಿದ್ದಾರೆ. ಅಮಿತಾಬ್ ಬಚ್ಚನ್, ದೀಪಿಕಾ ಪಡುಕೋಣೆ ಮತ್ತು ದಿಶಾ ಪಟಾನಿ ಇರಲಿದ್ದಾರೆ ಎಂದು ಚಿತ್ರತಂಡ ಈಗಾಗಲೇ ಅಧಿಕೃತವಾಗಿ ಪ್ರಕಟಿಸಿದೆ. ರಾಣಾ ಕೂಡ ಹೇಳಲಿದ್ದಾರೆ. ಕಳೆದ ಕೆಲವು ದಿನಗಳಿಂದ ಕಲ್ಕಿ ಚಿತ್ರದಲ್ಲಿ ವಿಜಯ್ ದೇವರಕೊಂಡ, ದುಲ್ಕರ್ ಸಲ್ಮಾನ್ ಮತ್ತು ರಾಜಮೌಳಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ಈ ಸಿನಿಮಾದಲ್ಲಿ ಮತ್ತೊಬ್ಬ ಮಲಯಾಳಂ ನಟಿ ನಟಿಸಲಿದ್ದಾರೆ ಎಂಬುದು ಹೊಸ ಸುದ್ದಿ.
ಪ್ರಭಾಸ್ ಅಭಿನಯದ ಕಲ್ಕಿ ಚಿತ್ರದಲ್ಲಿ ಮಲಯಾಳಂ ನಾಯಕಿ ಅನ್ನಾ ಬೆನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಅನ್ನಾ ಬೆನ್ ಇತ್ತೀಚಿನ ಸಂದರ್ಶನವೊಂದರಲ್ಲಿ ಇದನ್ನು ಹೇಳಿದ್ದಾರೆ. ಕುಂಬಳಂಗಿ ನೈಟ್ಸ್ ಚಿತ್ರದ ಮೂಲಕ ಮಲಯಾಳಂನಲ್ಲಿ ಪಾದಾರ್ಪಣೆ ಮಾಡಿ ಹಿಟ್ ಗಳಿಸಿದ ಅನ್ನಾ ಬೆನ್ ನಂತರ ಹೆಲೆನ್, ಸಾರಾ, ಕಪ್ಪೆಲಾ, ಕಾಪಾ.. ಮುಂತಾದ ಸತತ ಚಿತ್ರಗಳ ಮೂಲಕ ಹಿಟ್ ಗಳಿಸಿದರು.
ಸದ್ಯ ಮಲಯಾಳಂನಲ್ಲಿ ಸರಣಿ ಸಿನಿಮಾ ಮಾಡುತ್ತಿದ್ದಾರೆ. ಇತ್ತೀಚೆಗಷ್ಟೇ ತಮಿಳಿನಲ್ಲೂ ಚಿತ್ರ ಒಪ್ಪಿಕೊಂಡಿದ್ದಾರೆ. ತೆಲುಗಿನಲ್ಲೂ ಆಕೆಗೆ ಒಂದಷ್ಟು ಫಾಲೋಯಿಂಗ್ ಇದೆ. ಈಗ ಕಲ್ಕಿ ಸಿನಿಮಾದಲ್ಲೂ ಪಾತ್ರ ಮಾಡಿದ್ದೇನೆ ಎಂದು ಪ್ರಭಾಸ್ ಹೇಳಿದ್ದರಿಂದ ಅವರ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಅನ್ನಾ ಬೆನ್ ಅವರ ತಂದೆ ಬೆನ್ನಿ ಮಲಯಾಳಂ ಚಿತ್ರರಂಗದ ಪ್ರಮುಖ ಬರಹಗಾರರಾಗಿದ್ದಾರೆ.