ಬಾಲಿವುಡ್ ರೀತಿಯಲ್ಲಿ ಟಾಲಿವುಡ್ನಲ್ಲಿಯೂ ಸಾಕಷ್ಟು ಬಯೊಪಿಕ್ಗಳು ನಿರ್ಮಾಣವಾಗುತ್ತಿವೆ. ಈಗಾಗಲೇ ಒಂದಷ್ಟು ತೆರೆಕಂಡು ಸೂಪರ್ ಹಿಟ್ ಪಟ್ಟಿ ಸೇರಿಕೊಂಡರೆ ಮತ್ತೆ ಕೆಲವು, ಸೊಲು ಕಂಡಿವೆ. ಇದೀಗ ಟಾಲಿವುಡ್ನಲ್ಲಿ ಮತ್ತೊಂದು ದೊಡ್ಡ ಪ್ರಾಜೆಕ್ಟ್ ಶುರುವಾಗುತ್ತಿದೆ. ಅಬ್ದುಲ್ ಕಲಾಂ ಅವರ ಜೀವನವನ್ನೇ ಸಿನಿಮಾ ರೂಪದಲ್ಲಿ ತರಲು ಯೋಜನೆಗಳು ಸಿದ್ಧವಾಗುತ್ತಿದ್ದು, ಕಲಾಂ ಯಾರಾಗಲಿದ್ದಾರೆ ಎಂಬ ಕುತೂಹಲಕ್ಕೂ ಉತ್ತರ ಸಿಕ್ಕಿದೆ.
ಹೌದು, ಸದ್ಯ ಅಬ್ದುಲ್ ಕಲಾಂ ಅವರ ಪುಣ್ಯ ತಿಥಿ ನಿಮಿತ್ತ ಈ ವಿಚಾರ ಬಹಿರಂಗವಾಗಿದ್ದು, ಟಾಲಿವುಡ್ನ ಖ್ಯಾತ ಹಾಸ್ಯನಟ ಅಲಿ ಅಬ್ದುಲ್ ಕಲಾಂ ಪಾತ್ರ ನಿರ್ವಹಿಸಲಿದ್ದಾರೆ. ಅಚ್ಚರಿ ವಿಚಾರ ಏನೆಂದರೆ, ಈ ಸಿನಿಮಾ ಅವರ ಸಿನಿ ಕರಿಯರ್ನ 1111ನೇ ಸಿನಿಮಾ ಆಗಿದೆ. ಈಗಾಗಲೇ ಬಹುತೇಕ ಎಲ್ಲವೂ ಅಧಿಕೃತವಾಗಿದ್ದು ಶೀಘ್ರದಲ್ಲಿ ಶೂಟಿಂಗ್ ವಿಚಾರ ಬಹಿರಂಗವಾಗಲಿದೆ.
ಹಾಲಿವುಡ್ ಸಿನಿಮಾರಂಗದಲ್ಲಿ ತೊಡಗಿಸಿಕೊಂಡಿದ್ದ ಟಾಲಿವುಡ್ನ ಜಗದೀಶ್ ದನೇಟಿ ಈ ಬಯೋಪಿಕ್ನ ನಿರ್ದೇಶನ ಮಾಡಲಿದ್ದಾರೆ. ಪಿಂಕ್ ಜಾಗ್ವಾರ್ ಎಂಟರ್ಟೈನ್ಮೆಂಟ್ ಈ ಸಿನಿಮಾಕ್ಕೆ ಬಂಡವಾಳ ಹೂಡಲಿದ್ದು, ಹಾಲಿವುಡ್ ಮೀಡಿಯಾ ಸಹ ನಿರ್ಮಾಣದಲ್ಲಿ ಪಾಲುದಾರಿಕೆ ಹೊಂದಿದೆ. (ಏಜೆನ್ಸೀಸ್)