ಬೆಂಗಳೂರು: ಬಹಳ ದಿನಗಳಿಂದ ಸುದ್ದಿಯಲ್ಲಿದ್ದ ‘ಬೆಲ್ಬಾಟಮ್ 2’ ಚಿತ್ರಕ್ಕೆ ಕೊನೆಗೂ ಚಾಲನೆ ಸಿಕ್ಕಿದೆ. ಬುಧವಾರ ಚಿತ್ರದ ಮುಹೂರ್ತವಾಗಿದ್ದು, ಪುನೀತ್ ರಾಜಕುಮಾರ್ ಮೊದಲ ದೃಶ್ಯಕ್ಕೆ ಕ್ಲಾಪ್ ಮಾಡಿ ಶುಭ ಕೋರಿದ್ದಾರೆ.
‘ಬೆಲ್ಬಾಟಮ್ನ ಈ ಮುಂದುವರಿದ ಭಾಗಕ್ಕೆ ‘ದಿ ಕ್ಯೂರಿಯಸ್ ಕೇಸ್ ಆಫ್ ಚೆಂಡೂವ’ ಎಂಬ ಹೆಸರಿಡಲಾಗಿದೆ. ತಾನ್ಯಾ ಹೋಪ್ ಸೇರಿದಂತೆ ಒಂದಿಷ್ಟು ಹೊಸಬರ ಸೇರ್ಪಡೆಯಾಗಿದ್ದು, ಮಿಕ್ಕಂತೆ ಮೊದಲ ಭಾಗದಲ್ಲಿದ್ದ ಕಲಾವಿದರು ಮತ್ತು ತಂತ್ರಜ್ಞರು ಇಲ್ಲೂ ಮುಂದುವರಿಯಲಿದ್ದಾರಂತೆ. ಆದರೆ, ಮೊದಲ ಭಾಗಕ್ಕಿಂತ ಈ ಚಿತ್ರವು ಬಜೆಟ್, ಮನರಂಜನೆ ಸೇರಿದಂತೆ ಎಲ್ಲ ವಿಷಯಗಳಲ್ಲೂ ನಾಲ್ಕು ಪಟ್ಟು ದೊಡ್ಡದಾಗಿರುತ್ತದಂತೆ. ಚಿತ್ರಕ್ಕೂ ಚೆಂಡುಹೂವಿಗೂ ಏನು ಸಂಬಂಧ ಎಂಬ ಪ್ರಶ್ನೆ ಬರಬಹುದು. ಇದಕ್ಕೆ ಸೂಕ್ಷ್ಮವಾಗಿ ಉತ್ತರಿಸುವ ನಿರ್ದೇಶಕ ಜಯತೀರ್ಥ, ‘ಚೆಂಡುಹೂವು ಎಂದರೆ ಇಂಗ್ಲಿಷ್ನಲ್ಲಿ ಮಾರಿಗೋಲ್ಡ್ ಎಂದರ್ಥ. ಇದರ ಸುತ್ತಲೇ ದಿವಾಕರನ ಸಾಹಸಗಳು ಮುಂದುವರಿಯುತ್ತವೆ’ ಎನ್ನುತ್ತಾರೆ.