ಸ್ಮಾರ್ಟ್ ಆಗಿದ್ದೀಯಾ.. ಸಹಕರಿಸು ಅಂದಿದ್ದ: ಕಾಸ್ಟಿಂಗ್ ಕೌಂಚ್ ಅನುಭವದ ಬಗ್ಗೆ ನಟ ರಣವೀರ್​ ಸಿಂಗ್ ಸ್ಫೋಟಕ ಹೇಳಿಕೆ! Ranveer Singh

ಮುಂಬೈ: ಕಾಸ್ಟಿಂಗ್​ ಕೌಂಚ್​ ಇದು ಕೇವಲ ಬಾಲಿವುಡ್​ಗೆ ಮಾತ್ರವಲ್ಲ ಇಡೀ ವಿಶ್ವದ ಸಿನಿಮಾರಂಕ್ಕೆ ಅಂಟಿರುವ ಕಾಯಿಲೆ ಎಂದರೆ ತಪ್ಪಾಗದು. ಇತ್ತೀಚೆಗೆ ಈ ವಿಷಯದ ಕುರಿತಂತೆ ಧುರಂಧರ್​ 2 ನಟ ರಣವೀರ್​ ಸಿಂಗ್ (Ranveer Singh)​ ತಾವು ಚಿತ್ರರಂಗದಲ್ಲಿ ಅನುಭವಿಸಿದ ಕಹಿ ಘಟನೆಯೊಂದನ್ನು ಹಂಚಿಕೊಂಡಿದ್ದಾರೆ.

ಕಾಸ್ಟಿಂಗ್​ ಕೌಂಚ್​ ಬಗ್ಗೆ ಮಾತನಾಡುತ್ತಾ ರಣವೀರ್​ ನಾನು ಸಿನಿಮಾರಂಗಕ್ಕೆ ಹೊಸದಾಗಿ ಪಾದಾರ್ಪಣೆ ಮಾಡಿದಾಗ ನನಗೆ ಇದರ ಬಗ್ಗೆ ಹೆಚ್ಚಿನ ಮಾಹಿತಿ ಇರಲಿಲ್ಲ.

ಆ ಸಂದರ್ಭದಲ್ಲಿ ನಾನು ದಿನನಿತ್ಯ ಒಂದಲ್ಲಾ ಒಂದು ಕಡೆ ಆಡಿಷನ್​ ಕೊಡಲು ಹೋಗುತ್ತಿದೆ. ಆ ವೇಗೆ ಒಬ್ಬ ಕಾಸ್ಟಿಂಗ್​ ಏಜೆಂಟ್​, ನೀನು ನೋಡಲು ಬಹಳ ಸುಂದರವಾಗಿದ್ದಿಯಾ, ಸ್ಮಾರ್ಟ್​ ಇದ್ದಿಯಾ, ಈ ರಂಗದಲ್ಲಿ ಹ್ಯಾಂಡ್​ಸಮ್​ ಇದ್ದವರು ಬಹಳ ಬೇಗ ಹಿಟ್​ ಆಗುತ್ತಾರೆ ಎಂದು ಹೇಳಿದ್ದನಂತೆ.

ನಂತರದ ದಿನಗಳಲ್ಲಿ, ಹೊಸದಾಗಿ ಚಿತ್ರರಂಗಕ್ಕೆ ಬರುವ ಹುಡುಗ/ಹುಡುಗಿಯರೊಂದಿಗೆ ಈತ ಇದೇ ರೀತಿಯ ವರ್ತನೆ ತೋರುತ್ತಿದ್ದ ಎಂದು ನನಗೆ ಆಮೇಲೆ ತಿಳಿಯಿತು ಎಂದು ರಣವೀರ್ ತಮ್ಮ ಕಾಸ್ಟಿಂಗ್​ ಕೌಂಚ್​ ಅನುಭವದ ಬಗ್ಗೆ ಹೇಳಿ ಕೊಂಡಿದ್ದಾರೆ.

ಸದ್ಯ ಬಾಕ್ಸ್​ ಆಫೀಸ್​ನಲ್ಲಿ ಧೂಳೆಬ್ಬಿಸುತ್ತಿರುವ ಸಿನಿಮಾ ಧುರಂಧರ್​ 2 ನಲ್ಲಿ ರಣವೀರ್​ ಸಿಂಗ್​ ಹಮ್ಜಾ ಅಲಿ ಮಜಾರಿ ಹಾಗು ಜಸ್ಕೀರತ್​ ಸಿಂಗ್​ ರಂಗಿ ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದ್ದಾರೆ.

ಈ ಸಿನಿಮಾ ಬಿಡುಗಡೆಯಾದ ಒಂದೇ ವಾರದಲ್ಲಿ ಸಾವಿರ ಕೋಟಿ ಕಲೆಕ್ಷನ್​ ಮಾಡಿದ್ದು, ತನ್ನ ನಾಗಾಲೋಟವನ್ನು ಮುಂದುವರೆಸಿದೆ.

ಈ ಸಿನಿಮಾದಲ್ಲಿ ರಣವೀರ್​ ಭಾರತೀಯ ಗೂಢಚರನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಪಾಕಿಸ್ತಾನದ ಲಿಯಾರಿ ಇಲಾಖೆಯಲ್ಲಿ ಒಳನುಗ್ಗಿ ಹೇಗೆ ಇವನು ಅಲ್ಲಿಯ ಭೂಗತ ಲೋಕವನ್ನು ಆಳುತ್ತಾನೆ ಹಾಗೂ ಶತ್ರು ದೇಶದಲ್ಲಿ ಇದ್ದುಕೊಂಡು ಯಾವ ರೀತಿಯಲ್ಲಿ ಭಾರತದ ಹಿತವನ್ನು ಕಾಯುತ್ತಾನೆ ಎನ್ನುವುದೇ ಈ ಸಿನಿಮಾದ ತಿರುಳಾಗಿದೆ.

ಈ ಸಿನಿಮಾದಲ್ಲಿ ರಣವೀರ್​ ಸಿಂಗ್​ ಜೊತೆಗೆ ಆರ್​. ಮಾಧವನ್​, ಸಂಜಯ್ ದತ್, ಅರ್ಜುನ್​ ರಾಂಪಾಲ್​, ರಾಕೇಶ್​ ಬೇಡಿ, ಸಾರಾ ಅರ್ಜುನ್​ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದು, ಉರಿ: ದಿ ಸರ್ಜಿಕಲ್​ ಸ್ಟ್ರೈಕ್​ ಖ್ಯಾತಿಯ ಆದಿತ್ಯ ಧರ್​ ಈ ಸಿನಿಮಾದ ನಿರ್ದೇಶಕರಾಗಿದ್ದಾರೆ,(ಏಜನ್ಸೀಸ್​).