ಬಾಲಿವುಡ್​ಗೆ ಕತ್ರಿನಾ ಕೈಫ್ ಕಮ್‌ಬ್ಯಾಕ್? ಓಟಿಟಿ ಮೂಲಕ ಎರಡನೇ ಇನ್ನಿಂಗ್ಸ್​ ಆರಂಭ? ವದಂತಿ ಬಗ್ಗೆ ನಟಿ ಆಪ್ತವಲಯ ಹೇಳಿದ್ದೇನು? Katrina Kaif Comeback

ಮುಂಬೈ: ಬಾಲಿವುಡ್​ನ ಖ್ಯಾತ ನಟಿ ಕತ್ರಿನಾ ಕೈಫ್ ಮದುವೆ, ಮಕ್ಕಳು ಎಂದು ಸಿನಿರಂಗದಿಂದ ಸಾಕಷ್ಟು ವರ್ಷದಿಂದ ಅಂತರ ಕಾಯ್ದುಕೊಂಡಿದ್ದರು. ಆದರೆ ಈಗ ಅವರು ಓಟಿಟಿ ಸಿರೀಸ್​ವೊಂದರ ಮೂಲಕ ಮತ್ತೆ ರಂಗಪ್ರವೇಶ (Katrina Kaif Comeback) ಮಾಡಲಿದ್ದಾರೆ ಎಂಬ ವದಂತಿ ಹಬ್ಬಿತ್ತು.

ಆದರೆ ಈ ವದಂತಿಗಳಿಗೆ ತೆರೆ ಎಳೆದಿರುವ ನಟಿ ಕತ್ರಿನಾ ಕೈಫ್​ ಆಪ್ತವಲಯ, ಇದೊಂದು ಸುಳ್ಳು ಮಾಹಿತಿಯಾಗಿದೆ, ಸದ್ಯ ನಟಿ ಮಗುವಿನ ಆರೈಕೆ ಹಾಗೂ ತನ್ನ ಕುಟುಂಬದೊಂದಿಗೆ ಹೆಚ್ಚಿನ ಸಮಯವನ್ನು ಕಳೆಯಲು ಬಯಸಿದ್ದಾರೆ. ಹೀಗಾಗಿ ಸಿನಿಮಾ ಅಥವಾ ಓಟಿಟಿ ಪ್ರವೇಶ ಇವೆಲ್ಲಾ ಕೇವಲ ರೂಮರ್ಸ್​ ಅಷ್ಟೇ ಎಂಬ ಮಾಹಿತಿ ಲಭ್ಯವಾಗಿದೆ.

ಬಾಲಿವುಡ್​ನ ಯಶಸ್ವಿ ನಟಿಯರಲ್ಲಿ ಒಬ್ಬರಾದ ಕತ್ರಿನಾ ಕೈಫ್​ 2024 ರಲ್ಲಿ ನಟ ವಿಜಯ್​ ಸೇತುಪತಿ ಜೊತೆ ಮೇರಿ ಕ್ರಿಸ್​ಮಸ್​ ಎಂಬ ಸಿನಿಮಾದಲ್ಲಿ ಕೊನೆಯ ಬಾರಿಗೆ ಕಾಣಿಸಿ ಕೊಂಡಿದ್ದರು. ನಂತರ ನವೆಂಬರ್​ 2025 ರಲ್ಲಿ ವಿಕ್ಕಿ-ಕತ್ರಿನಾ ದಂಪತಿಗೆ ಮೊದಲ ಮಗು ಜನಿಸಿದ ನಂತರ ನಟಿ ಯಾವುದೇ ಸಿನಿಮಾಗಳಿಗೆ ಸಹಿ ಮಾಡಿಲ್ಲ.

ನವೆಂಬರ್​ನಲ್ಲಿ ತಾಯಿಯಾದ ಕತ್ರಿನಾ, ಮಗುವಿನ ಲಾಲನೆ-ಪಾಲನೆ, ಪತಿ, ಅತ್ತೆ-ಮಾವ ಹೀಗೆ ಕೌಟುಂಬಿಕ ಜೀವನದಲ್ಲಿ ವ್ಯಸ್ತವಾಗಿರುವ ಕಾರಣ, ಸಿನಿಮಾ ಬಗ್ಗೆಯಾಗಲೀ, ಮತ್ತೆ ನಟಿಯಾಗಿ ತೆರೆ ಮೇಲೆ ಕಾಣಿಸಿಕೊಳ್ಳುವ ಬಗ್ಗೆ ಸದ್ಯ ಯಾವುದೇ ಯೋಜನೆ ಹೊಂದಿಲ್ಲ ಎಂದು ನಟಿಯ ಆಪ್ತವಲಯ ಮಾಹಿತಿ ನೀಡಿದೆ.

ಬಾಲಿವುಡ್​ನಿಂದ ಅಂತರ ಕಾಯ್ದುಕೊಂಡಿರುವ ನಟಿ, ತನ್ನ ಬ್ಯುಟಿ​ ಬ್ರಾಂಡ್​ ಆದ ಕೇ ಬ್ಯುಟಿ (Kay Beauty,) ಯ ಉದ್ಯಮದ ಜವಾಬ್ದಾರಿಯನ್ನು ಹೊತ್ತುಕೊಂಡಿದ್ದು, ಅದರ ಬೆಳವಣಿಗೆ, ಉನ್ನತಿಕರಣದತ್ತ ಹೆಚ್ಚಿನ ಗಮನವಹಿಸಿದ್ದಾರೆ ಎನ್ನಲಾಗುತ್ತಿದೆ, (ಏಜನ್ಸೀಸ್​).