ಬೆಂಗಳೂರು: ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ಬೆಳ್ಳಿಯ ಬೆಲೆ ಗಗನಕ್ಕೇರುತ್ತಿರುವುದು ಕೇವಲ ಹೂಡಿಕೆದಾರರಲ್ಲದೆ, ಸಂಖ್ಯಾಶಾಸ್ತ್ರ(Numerology) ಮತ್ತು ಜ್ಯೋತಿಷ್ಯ ವಿದ್ವಾಂಸರ ಗಮನವನ್ನೂ ಸೆಳೆದಿದೆ. ಲೋಹಗಳ ಬೆಲೆ ಏರಿಕೆಯ ನಡುವೆ, ಯಾವ ರಾಶಿಯವರು ಅಥವಾ ಯಾವ ಸಂಖ್ಯೆಯವರು ಯಾವ ಲೋಹವನ್ನು ಧರಿಸಬೇಕು ಮತ್ತು ಧರಿಸಿದ್ರೆ ಏನೆಲ್ಲಾ ಬದಲಾವಣೆ ಆಗಿಲಿದೆ ಎಂಬುದು ತಿಳಿಯೋಣ.
ಚಂದ್ರನ ಕೃಪೆಗಾಗಿ ಬೆಳ್ಳಿ: ಸಂಖ್ಯೆ 2 ರ ಅದೃಷ್ಟ
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಬೆಳ್ಳಿಯು ಚಂದ್ರನಿಗೆ ಸಂಬಂಧಿಸಿದ ಲೋಹವಾಗಿದೆ. ಚಂದ್ರನು ಮನುಷ್ಯನ ಮನಸ್ಸು, ಭಾವನೆಗಳು ಮತ್ತು ಶಾಂತಿಯ ಸಂಕೇತ. ಸಂಖ್ಯಾಶಾಸ್ತ್ರದ ಪ್ರಕಾರ, ಚಂದ್ರನ ಸಂಖ್ಯೆ '2'. ಯಾವುದೇ ತಿಂಗಳ 2, 11, 20 ಅಥವಾ 29 ನೇ ತಾರೀಖಿನಂದು ಜನಿಸಿದವರ ಮೂಲ ಸಂಖ್ಯೆ (Radix Number) 2 ಆಗಿರುತ್ತದೆ. ಈ ದಿನಾಂಕಗಳಲ್ಲಿ ಜನಿಸಿದವರು ಚಂದ್ರನ ವಿಶೇಷ ಆಶೀರ್ವಾದಕ್ಕೆ ಪಾತ್ರರಾಗಿರುತ್ತಾರೆ ಎಂದು ನಂಬಲಾಗಿದೆ.
ಬೆಳ್ಳಿ ಧರಿಸುವುದರಿಂದ ಆಗುವ ಪ್ರಯೋಜನಗಳು
ಮನಸ್ಸಿನ ಶಾಂತಿ: ಬೆಳ್ಳಿಯು ಭಾವನಾತ್ಮಕ ಸ್ಥಿರತೆಯನ್ನು ನೀಡುತ್ತದೆ ಮತ್ತು ಅತಿಯಾದ ಕೋಪವನ್ನು ನಿಯಂತ್ರಿಸುತ್ತದೆ.
ನಿರ್ಧಾರ ತೆಗೆದುಕೊಳ್ಳುವ ಸಾಮರ್ಥ್ಯ: ಗೊಂದಲವಿಲ್ಲದೆ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಇದು ಸಹಕಾರಿ.
ಸಂಬಂಧಗಳಲ್ಲಿ ಮಧುರತೆ: ಕುಟುಂಬ ಜೀವನದಲ್ಲಿ ಒತ್ತಡ ಕಡಿಮೆಯಾಗಿ, ಸಂಬಂಧಗಳು ಗಟ್ಟಿಯಾಗುತ್ತವೆ.
ವೃತ್ತಿಜೀವನ: ವೃತ್ತಿಯಲ್ಲಿ ಪ್ರಗತಿ ಮತ್ತು ಸಕಾರಾತ್ಮಕ ಬದಲಾವಣೆಗಳನ್ನು ಕಾಣಬಹುದು.
ಧರಿಸುವ ಕ್ರಮ: ಸಂಖ್ಯೆ 2 ರ ವ್ಯಕ್ತಿಗಳು ಜ್ಯೋತಿಷಿಗಳ ಸಲಹೆ ಪಡೆದು ಸೋಮವಾರದಂದು ಬೆಳ್ಳಿಯ ಉಂಗುರ ಅಥವಾ ಬಳೆಯನ್ನು ಧರಿಸುವುದು ಶ್ರೇಷ್ಠ. ಪರ್ಸ್ನಲ್ಲಿ ಬೆಳ್ಳಿ ನಾಣ್ಯ ಇಟ್ಟುಕೊಳ್ಳುವುದು ಕೂಡ ಶುಭ ತರುತ್ತದೆ. ಬೆಳ್ಳಿ ಧರಿಸಿದ ನಂತರ ಬಿಳಿ ಬಣ್ಣದ ವಸ್ತುಗಳಾದ ಹಾಲು ಅಥವಾ ಅಕ್ಕಿಯನ್ನು ದಾನ ಮಾಡುವುದು ಪುಣ್ಯದಾಯಕ.
ಸೂರ್ಯನ ತೇಜಸ್ಸಿಗೆ ಬಂಗಾರ: ಸಂಖ್ಯೆ 1 ರ ಶಕ್ತಿ
ಚಿನ್ನವನ್ನು ಸೂರ್ಯನ ಲೋಹವೆಂದು ಪರಿಗಣಿಸಲಾಗುತ್ತದೆ. ಸೂರ್ಯನ ಪ್ರಭಾವ ಹೊಂದಿರುವ 1, 10, 19 ಮತ್ತು 28 ನೇ ತಾರೀಖಿನಂದು ಜನಿಸಿದವರಿಗೆ ಚಿನ್ನವು ಅತ್ಯಂತ ಅದೃಷ್ಟಶಾಲಿ ಲೋಹವಾಗಿದೆ.
ಆತ್ಮವಿಶ್ವಾಸ: ಚಿನ್ನವು ವ್ಯಕ್ತಿಯಲ್ಲಿ ನಾಯಕತ್ವದ ಗುಣಗಳನ್ನು ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ.
ಗೌರವ ಮತ್ತು ಪ್ರತಿಷ್ಠೆ: ಸಮಾಜದಲ್ಲಿ ಗೌರವ ಹೆಚ್ಚಾಗಲು ಮತ್ತು ಸರ್ಕಾರಿ ಕೆಲಸಗಳಲ್ಲಿರುವ ಅಡೆತಡೆಗಳು ನಿವಾರಣೆಯಾಗಲು ಚಿನ್ನ ಸಹಕಾರಿ.
ಸ್ಥಿರತೆ: ಆರ್ಥಿಕ ಮತ್ತು ವೃತ್ತಿ ಬದುಕಿನಲ್ಲಿ ಸ್ಥಿರತೆಯನ್ನು ತರುತ್ತದೆ.
ಒಟ್ಟಾರೆಯಾಗಿ, ಲೋಹಗಳು ಕೇವಲ ಅಲಂಕಾರಿಕ ವಸ್ತುಗಳಲ್ಲ, ಅವು ನಮ್ಮ ಗ್ರಹಗತಿಗಳ ಮೇಲೆ ಪ್ರಭಾವ ಬೀರುವ ಶಕ್ತಿಯನ್ನು ಹೊಂದಿವೆ ಎಂಬುದು ನಂಬಿಕೆ. ಹೂಡಿಕೆಯ ದೃಷ್ಟಿಯಿಂದ ಮಾತ್ರವಲ್ಲದೆ, ಆರೋಗ್ಯ ಮತ್ತು ಮನಃಶಾಂತಿಯ ದೃಷ್ಟಿಯಿಂದಲೂ ಬೆಳ್ಳಿ-ಬಂಗಾರಕ್ಕೆ ಭಾರತೀಯ ಸಂಸ್ಕೃತಿಯಲ್ಲಿ ವಿಶೇಷ ಸ್ಥಾನವಿದೆ,(ಏಜೆನ್ಸೀಸ್).
ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು / ಜ್ಯೋತಿಷಿಗಳು / ಪಂಚಾಂಗಗಳು / ನಂಬಿಕೆಗಳು / ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದಕ್ಕೆ “ವಿಜಯವಾಣಿ ಡಾಟ್ ನೆಟ್” ಜವಾಬ್ದಾರರಾಗಿರುವುದಿಲ್ಲ.