| ಡಾ. ಎಸ್. ಗಾಯತ್ರಿದೇವಿ ಸಜ್ಜನ್
ಮಾರನೆಯ ದಿನ ಆಫೀಸಿಗೆ ಬಂದ ಕಾರಕೂನನು ತನ್ನ ಮೇಲಧಿಕಾರಿಯ ಕೊಠಡಿಗೆ ನುಗ್ಗಿದ. ಗೋಡೆಯ ಮೇಲೆ ನೇತು ಹಾಕಿದ್ದ ವಿಕ್ಟೋರಿಯಾ ರಾಣಿಯ ಫೋಟೋವನ್ನು ಕಿತ್ತು ಕೆಳಗೆಸೆದು, ಅದರ ಗಾಜನ್ನು ಚೂರುಚೂರು ಮಾಡಿದ. ಅಧಿಕಾರಿಯ ಸಿಟ್ಟು ನೆತ್ತಿಗೇರಿತು. ಅವನು ದರ್ಪದಿಂದ, ‘ಇದೇನು ಮಾಡುತ್ತಿರುವಿ? ನಮ್ಮ ರಾಣಿಗೇಕೆ ಅವಮಾನ ಮಾಡುತ್ತಿರುವಿ, ನಿನ್ನನ್ನು ಈಗಲೇ ಬಂಧಿಸುವೆ’ ಎಂದು ಕೂಗಾಡಿದ. ಆಗ ಭಾರತೀಯನು, ‘ಇದು ಕೇವಲ ಒಂದು ಕಾಗದದ ಚೂರು, ಇದನ್ನೇ ರಾಣಿ ಎಂದು ಗೌರವಿಸುವ ನೀವು ಎಂತಹ ಅನಾಗರಿಕರು’ ಎಂದು ಮಾರುತ್ತರ ನೀಡಿದ. ಆಗ ಬ್ರಿಟಿಷ್ ಅಧಿಕಾರಿಗೆ ತನ್ನ ದುರಂಹಕಾರದ ಅರಿವಾಗಿ ಲಜ್ಜೆಯಿಂದ ತಲೆತಗ್ಗಿಸಿದ.
ಆಗ ಅಲ್ಲಿಗೆ ಬಂದ ಪಂಡಿತನು ಭಾರತೀಯ ಪರಂಪರೆ ಹಾಗೂ ಸಂಸ್ಕೃತಿಯನ್ನು ಪರಿಚಯಿಸಲು ಕೃಷ್ಣ ಯಜುರ್ವೆದದ ಅಂಗವಾದ ತೈತ್ತರೀಯ ಉಪನಿಷತ್ತಿನಲ್ಲಿ ಬರುವ ಈ ಶಾಂತಿಮಂತ್ರವನ್ನು ಉಪದೇಶಿಸಿದ- ‘ಓಂ ಸಹನಾವವತು / ಸಹನೌ ಭುನಕ್ತು / ಸಹ ವೀರ್ಯಂ ಕರವಾವಹೈ / ತೇಜಸ್ವಿನಾವಧೀತಮಸ್ತು / ಮಾ ವಿದ್ವಿಷಾವಹೈ/ಓಂ ಶಾಂತಿಃ ಶಾಂತಿಃ ಶಾಂತಿಃ.
ಗುರು ಶಿಷ್ಯನಿಗೆ ಹೇಳುವ ಮಾತುಗಳಿವು. ‘ನಾವೆಲ್ಲ ಒಟ್ಟಿಗೇ ಬಾಳೋಣ, ಒಟ್ಟಿಗೆ ಭೋಜನ ಮಾಡೋಣ, ಒಂದಾಗಿ ಶ್ರಮಿಸೋಣ, ತೇಜಸ್ವಿಗಳಾಗಿ ಬಾಳೋಣ, ಯಾರನ್ನೂ ದ್ವೇಷಿಸದಿರೋಣ’. ಈ ಶಾಂತಿಮಂತ್ರದಲ್ಲಿ ವಿಶ್ವ ಮಾನವಧರ್ಮದ ಸಂದೇಶ ಅಡಗಿದೆ. ದೇಶ, ಭಾಷೆ, ಮತ, ಪಂಥಗಳ ಕಟ್ಟುಪಾಡುಗಳಿಗೆ ಸಿಲುಕದೆ ಉತ್ತಮ ನೈತಿಕ ಮೌಲ್ಯಗಳನ್ನು ರೂಢಿಸಿಕೊಂಡು ಎಲ್ಲರೂ ಒಂದಾಗಿ ಬಾಳಿದರೆ ಬದುಕು ಹಸನಾಗುವುದು ನಿಶ್ಚಿತ.
(ಲೇಖಕರು ನಿವೃತ್ತ ಪ್ರಾಂಶುಪಾಲರು)
ಪ್ರತಿಕ್ರಿಯಿಸಿ: manollasavv@gmail.com)