ನಾಳೆ ಅಮಿತ್ ಷಾ ರಾಜ್ಯಕ್ಕೆ ಎಂಟ್ರಿ! ಶೆಟ್ಟರ್, ಸವದಿ ಬಿಜೆಪಿ ಬಿಟ್ಟ ನಂತರ ಇದೇ ಮೊದಲ ಭೇಟಿ

ಬೆಂಗಳೂರು: ಚುನಾವಣೆಗೆ ಇನ್ನೇನು ಕೆಲವೇ ವಾರಗಳಿದ್ದು ಇಂದೇ ನಾಮಪತ್ರಿಕೆ ಸಲ್ಲಿಕೆಗೆ ಕೊನೆ ದಿನವಾಗಿದೆ. ಈ ನಡುವೆ ರಾಜ್ಯ ರಾಜಕಾರಣದಲ್ಲಿ ಅನೇಕ ಬೆಳವಣಿಗೆಗಳು ನಡೆದಿವೆ. ಜಗದೀಶ್​ ಶೆಟ್ಟರ್​, ಲಕ್ಷ್ಮಣ ಸವದಿಯಂತಹ ಪ್ರಮುಖ ನಾಯಕರು ಬಿಜೆಪಿ ತೊರೆದ ನಂತರ ಅಮಿತ್​ ಷಾ ಇದೇ ಮೊದಲ ಬಾರಿಗೆ ನಾಳೆ ರಾಜ್ಯಕ್ಕೆ ಭೇಟಿ ನೀಡಲಿದ್ದಾರೆ.

ರಾಜ್ಯ ನಾಯಕರ ಜತೆ ಅಮಿತ್​ ಷಾ ಮಹತ್ವದ ಸಭೆ

ನಾಳೆ ಅಮಿತ್ ಷಾ ದೇವನಹಳ್ಳಿಯಲ್ಲಿ ಬೃಹತ್ ರೋಡ್ ಶೋ ನಡೆಸಲಿದ್ದು ನಂತರ ಖಾಸಗಿ ಹೋಟೆಲ್​ನಲ್ಲಿ ನಾಯಕರ ಜತೆ ಸಭೆ ನಡೆಸಲಿದ್ದಾರೆ. ನಾಳೆ ರಾತ್ರಿ ಬೆಂಗಳೂರಲ್ಲೇ ವಾಸ್ತವ್ಯ ಹೂಡಲಿರುವ ಕೇಂದ್ರ ಗೃಹ ಸಚಿವ ಅಮಿತ್ ಬಿಜೆಪಿ ನಾಯಕರ ಪ್ರಚಾರ ಕುರಿತು ಜೊತೆಗೆ ಮಹತ್ವದ ಸಭೆ ನಡೆಸಲಿದ್ದಾರೆ.

ಪ್ರಮುಖವಾಗಿ ಮೋದಿ ಪ್ರವಾಸ ಕುರಿತು ಶಾ ರಾಜ್ಯ ನಾಯಕರ ಜೊತೆಗೆ ಚರ್ಚೆ ನಡೆಸಲಿದ್ದು ಯಾವ ಕಡೆ ಸಮಾವೇಶ ಮಾಡಬೇಕು ಹಾಗೂ ಎಲ್ಲಿ ಎಲ್ಲಿ ರೋಡ್ ಶೊ ನಡೆಸಬೇಕು ಎಂಬ ವಿಚಾರಗಳು ನಾಳೆ ನಿರ್ಧಾರ ಆಗಲಿವೆ ಎನ್ನಲಾಗಿದೆ.

ಡ್ಯಾಮೇಜ್​ ಕಂಟ್ರೋಲ್​ ಕಡೆಗೆ ಒಂದು ಹೆಜ್ಜೆ

ಮೋದಿ ಕಾರ್ಯಕ್ರಮಗಳ ತಯಾರಿ ಬಗ್ಗೆ ರಾಜ್ಯ ಬಿಜೆಪಿ ನಾಯಕರ ಜತೆಗೆ ಅಮಿತ್ ಷಾ ಚರ್ಚೆ ನಡೆಸಲಿದ್ದು ಪಕ್ಷ ಬಿಟ್ಟ ಹಿನ್ನಲೆ ಡ್ಯಾಮೇಜ್ ಕಂಟ್ರೋಲ್​ಗೆ ಸಭೆಯಲ್ಲಿ ಚರ್ಚಿಸಲಿದ್ದಾರೆ ಎನ್ನಲಾಗಿದೆ.

https://www.vijayavani.net/congress-is-with-anti-nationals-says-shobha-karndlaje/

https://www.vijayavani.net/traffic-police-to-come-to-doors-to-collect-fines/

https://www.vijayavani.net/cm-bommai-counters-siddaramaiah-on-internal-agreement/