ಈ ನಾಯಿಗಿರೋದು 6 ಕಾಲು, 2 ಬಾಲ! ವಿಸ್ಮಯಗಳೇ ತುಂಬಿವೆ ಈ ನಾಯಿಮರಿಯಲ್ಲಿ!

ವಾಷಿಂಗ್ಟನ್​: ಪ್ರಾಣಿಗಳು ಎರಡು ತಲೆಯೊಂದಿಗೆ ಹುಟ್ಟುವುದು, ಒಂದು ಕಾಲು ಹೆಚ್ಚಾಗಿ ಹುಟ್ಟುವಂತಹ ಸುದ್ದಿಗಳನ್ನು ಕೇಳಿರುತ್ತೀರಿ. ಆದರೆ ಈ ನಾಯಿ ಮಾತ್ರ ಇನ್ನೂ ವಿಶೇಷ. ಈ ನಾಯಿಗೆ ಇರೋದು ಆರು ಕಾಲು ಹಾಗೆಯೇ ಎರಡು ಬಾಲ...

ಅಮೆರಿಕದ ಒಕ್ಲಹೋಮದಲ್ಲಿ ಇಂತಹ ವಿಶೇಷ ನಾಯಿ ಮರಿಯೊಂದು ಫೆಬ್ರವರಿ 16ರಂದು ಹುಟ್ಟಿದೆ. ಈ ನಾಯಿಗೆ ಸ್ಕಿಪ್ಪರ್​ ಎನ್ನುವ ಹೆಸರನ್ನಿಡಲಾಗಿದೆ. ಹುಟ್ಟಿದಾಕ್ಷಣ ಸ್ಕಿಪ್ಪರ್​ ದೇಹ ತಣ್ಣಗಿದ್ದಿದ್ದರಿಂದಾಗಿ ಅದರ ಮಾಲೀಕ ಭಯಪಟ್ಟು ಆಸ್ಪತ್ರೆಗೆ ಕರೆದೊಯ್ದಿದ್ದಾನೆ. ಪರಿಶೀಲನೆ ನಡೆಸಿದ ಪಶು ವೈದ್ಯರು ನಾಯಿ ಮರಿ ಸಂಪೂರ್ಣವಾಗಿ ಆರೋಗ್ಯವಾಗಿರುವುದಾಗಿ ತಿಳಿಸಿದ್ದಾರೆ. ಇದೊಂದು ಪವಾಡ ರೂಪಿ ನಾಯಿಮರಿ ಎಂದು ಹೇಳಿಕಳುಹಿಸಿದ್ದಾರೆ.

ಅಂದ ಹಾಗೆ ಸ್ಕಿಪ್ಪರ್​ ಬಾರ್ಡರ್ ಕೋಲಿ ಮತ್ತು ಆಸ್ಟ್ರೇಲಿಯನ್ ಶೆಫರ್ಡ್ ತಳಿ ನಾಯಿಗಳ ಅಡ್ಡ ತಳಿಯಾಗಿದೆ. ಸ್ಕಿಪ್ಪರ್​ನೊಂದಿಗೆ ಇನ್ನೂ ಎಂಟು ನಾಯಿ ಮರಿಗಳಿಗೆ ಅದರ ತಾಯಿ ಜನ್ಮ ನೀಡಿದೆ. ಹೆಣ್ಣು ನಾಯಿಯಾಗಿರುವ ಸ್ಕಿಪ್ಪರ್​ಗೆ 2 ಶ್ರೋಣಿ, 2 ಮೂರ್ತ ವಿಸರ್ಜನಾ ಅಂಗ, 2 ಸಂತಾನೋತ್ಪತ್ತಿ ವ್ಯವಸ್ಥೆಗಳು, 2 ಬಾಲಗಳು ಮತ್ತು 6 ಕಾಲುಗಳಿವೆ. ಸಾಮಾನ್ಯವಾಗಿ ಈ ರೀತಿ ವಿಚಿತ್ರವಾಗಿ ಹುಟ್ಟುವ ಪ್ರಾಣಿಗಳು ಕೇವಲ ನಾಲ್ಕು ದಿನ ಬದುಕಬಲ್ಲವು. ಆದರೆ ಸ್ಕಿಪ್ಪರ್​ ಸಂಪೂರ್ಣ ಆರೋಗ್ಯವಾಗಿರುವ ಹಿನ್ನೆಲೆಯಲ್ಲಿ ಅದು ಹೆಚ್ಚು ವರ್ಷ ಬದುಕುವ ಭರವಸೆ ಇದೆ ಎಂದಿದ್ದಾರೆ ಪಶು ವೈದ್ಯರು. (ಏಜೆನ್ಸೀಸ್​)

https://www.vijayavani.net/lpg-cylinder-rate-increased/

https://www.vijayavani.net/mamata-banerjee-e-scooter-ride/