ಎಲ್ಲ ಸಂಸ್ಕೃತಿಯು ಜಗತ್ತಿನ ಪರಂಪರೆಯ ಭಾಗ; ಶ್ರೀ ಶ್ರೀ ರವಿಶಂಕರ್ ಗುರೂಜಿ ಅಭಿಮತ

ಬೆಂಗಳೂರು: ಯಾವುದೇ ಸಂಸ್ಕೃತಿ, ಧರ್ಮ ಅಥವಾ ನಾಗರಿಕತೆ ನಶಿಸಿದರೆ ಅದರಿಂದ ಈ ಜಗತ್ತು ಬಡವಾಗುತ್ತದೆ. ಪ್ರತಿಯೊಂದು ಸಂಸ್ಕೃತಿಯೂ ಕೂಡ ಜಗತ್ತಿನ ಪರಂಪರೆಯ ಒಂದು ಭಾಗವಾಗಿರುವುದರಿಮದ ಎಲ್ಲ ಸಂಸ್ಕೃತಿಯನ್ನು ಸಂರಕ್ಷಿಸಿ, ಉಳಿಸಬೇಕು ಎಂದು ಆರ್ಟ್ ಆ್ ಲಿಂವಿಂಗ್‌ನ ಶ್ರೀ ಶ್ರೀ ರವಿಶಂಕರ್ ಗುರೂಜಿ ಹೇಳಿದ್ದಾರೆ. ಆರ್ಟ್ ಆ್ ಲಿವಿಂಗ್ ಆವರಣದಲ್ಲಿ ಆಯೋಜಿಸಿದ್ದ ಭಾವ್ 2025 ರಲ್ಲಿ ಪಾಲ್ಗೊಂಡು ಮಾತನಾಡಿದರು. ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದ ಕೇಂದ್ರ ಸಂಸ್ಕೃತಿ ಸಚಿವ ಗಜೇಂದ್ರ ಸಿಂಗ್ ಶೇಖಾವತ್, ಕುಂಭದಲ್ಲಿ ಎಲ್ಲಾ ಜಾತಿಗಳ ಜನರು, ವಿವಿಧ ದೈವಗಳನ್ನು ಪ್ರಾರ್ಥಿಸುವವರು ಒಂದಾಗಿ ಸೇರಿದ್ದಾರೆ ಅದು ಧಾರ್ಮಿಕ ಕುಂಭವಾಗಿದ್ದರೆ; ಇಲ್ಲಿ ಭಾವ್ 2025ರ ಹೆಸರಿನಲ್ಲಿ ಕಲಾವಿದರ, ಕಲಾ ಸಾಧಕರ ಕುಂಭ ನಡೆಯುತ್ತಿದೆ ಎಂದರು. ವಿವಿಧೆಡೆಯಿಂದ ಆಗಮಿಸಿದ್ದ ಶ್ರೇಷ್ಠ ಕಲಾವಿದರನ್ನು, ಯುವ ಪ್ರತಿಭೆಗಳನ್ನು ಹಾಗೂ ವಿದ್ವಾಂಸರು ಪ್ರದರ್ಶಿಸಿದ ಕಲೆಯನ್ನು ಸಚಿವರು ಶ್ಲಾಘಿಸಿದರು.

ಮಂತ್ರಮುಗ್ಧರನ್ನಾಗಿಸಿದ ಪ್ರದರ್ಶನ

500 ಕ್ಕೂ ಹೆಚ್ಚಿನ ಕಲಾವಿದರು, 30 ವೈವಿಧ್ಯಮಯ ನೃತ್ಯ ಹಾಗೂ ಸಂಗೀತ ಪ್ರಕಾರಗಳು,ನೇರ ಕಲಾ ಪ್ರದರ್ಶನದ ಮೂಲಕ ಜಗತ್ತಿನ 180 ರಾಷ್ಟ್ರಗಳಲ್ಲಿ ಪ್ರಸಾರವಾಯಿತು. ಭಾರತದ ಶ್ರೀಮಂತ ಸಾಂಸ್ಕೃತಿಕ ವೈಭವವನ್ನು ಅನಾವರಣಗೊಳಿಸಲು ಆಯೋಜಿಸಲಾಗಿದ್ದ ಭಾವ್ 2025 ರಲ್ಲಿ ವೈವಿದ್ಯಮಯ ಪ್ರದರ್ಶನಗಳು ನೋಡುಗರನ್ನು ಮೂಕವಿಸ್ಮಿತಗೊಳಿಸದವು. ಪಶ್ಚಿಮ ಬಂಗಾಳದ ಮಂಗಳಮುಖಿ ಕಲಾವಿದರ ತಂಡವು ಪ್ರದರ್ಶಿಸಿದ ಸಪ್ತಮಾತೃಕೆಯರ ನೃತ್ಯ ಮತ್ತು ಆರ್ಟ್ ಆಫ್ ಲಿವಿಂಗ್‌ನ ‘ಔಟ್ ಆಫ್ ಬಾಕ್ಸೃ್’ ಮ್ಯೂಸಿಕ್ ಬ್ಯಾಂಡ್ ಜನರನ್ನು ಹುಚ್ಚೆದ್ದು ಕುಣಿಯುವಂತೆ ಮಾಡಿತು. ಕಾವ್ಯ ಮುರಳೀಧರನ್ ಮತ್ತು ತಂಡದವರಿಂದ ಭರತನಾಟ್ಯ ಪ್ರದರ್ಶನ, ಕಥಕ್ ನೃತ್ಯಗಾರ್ತಿ ಮನೀಷ ಸಾಥೆ ತಂಡದ ಕಥಕ್, ಎನ್. ರವಿಕಿರಣ್ ತಂಡದ ರಾಮಭಜನೆ, ಅತುಲ್ ಪುರೋಹಿತ್ ಜಾನಪದ ಸಂಗೀತ ಹೀಗೆ ಭಾವ್ ಕಾರ್ಯಕ್ರಮ ಹಲವು ವೈವಿಧ್ಯಮಯ ಕಾರ್ಯಕ್ರಮಗಳು ವರ್ಣರಂಜಿತವಾಗಿ ಮೂಡಿಬಂದವು.

https://www.vijayavani.net/a-successful-opening-for-the-millet-fair-3-lakh-people-visit-deal-for-185-crore-transaction