ಮದ್ಯಪಾನ ಮಾಡಿದ್ರೆ ಚೆನ್ನಾಗಿ ನಿದ್ರೆ ಬರುತ್ತಾ? ಈ ಮಾತು ಎಷ್ಟು ಸತ್ಯ? ಇಲ್ಲಿದೆ ಅಚ್ಚರಿ ಉತ್ತರ! Alcohol

Alcohol : ಮದ್ಯಪಾನ ಆರೋಗ್ಯಕ್ಕೆ ಹಾನಿಕಾರಕ ಎಂಬುದನ್ನು ನಾವು ಪ್ರತಿದಿನ ಟಿವಿ ಮತ್ತು ರೇಡಿಯೊದಲ್ಲಿ ಕೇಳುತ್ತೇವೆ. ಔಷಧಿ ಬಾಟಲಿಗಳ ಮೇಲೂ ಮದ್ಯಪಾನ ಅಪಾಯಕಾರಿ ಎಂದು ಬರೆಯಲಾಗಿದೆ. ಆದರೆ, ಯಾರಾದರೂ ಈ ಮಾತನ್ನು ಗಂಭೀರವಾಗಿ ತೆಗೆದುಕೊಂಡಿದ್ದಾರೆಯೇ? ಖಂಡಿತ ಇಲ್ಲ. ಮದ್ಯಪಾನ ಇಂದು ಬಹುತೇಕರ ಜೀವನದ ಅವಿಭಾಜ್ಯ ಅಂಗವಾಗಿದೆ. ಆದರೆ, ಅವರಿಗೆ ಗೊತ್ತಿಲ್ಲ. ಆ ಮದ್ಯವೇ ತಮ್ಮ ಪ್ರಾಣಕ್ಕೆ ಕಂಟಕ ಎಂಬುದು.

ನಮ್ಮ ದೇಶದಲ್ಲಿ, ಕಠಿಣ ಪರಿಶ್ರಮ ಮತ್ತು ಮದ್ಯದ ನಡುವೆ ಬೇರ್ಪಡಿಸಲಾಗದ ಸಂಬಂಧವಿದೆ. ದಿನವಿಡೀ ಕಷ್ಟಪಟ್ಟು ದುಡಿಯುವ ಅನೇಕ ಜನರು ಸಂಜೆ ಮದ್ಯದ ಬಾಟಲಿಯನ್ನು ಕೈಗೆತ್ತಿಕೊಳ್ಳುತ್ತಾರೆ. ತಾವು ಗಳಿಸಿದ ಸ್ವಲ್ಪ ಹಣವನ್ನು ಮದ್ಯದ ಮೇಲೆ ಖರ್ಚು ಮಾಡುತ್ತಾರೆ. ಪರಿಣಾಮವಾಗಿ, ಅವರಿಗೆ ತಾತ್ಕಾಲಿಕ ಕಿಕ್ ಸಿಗುತ್ತದೆ. ಆದರೆ, ಆರೋಗ್ಯ ಸಮಸ್ಯೆಗಳು ಕಾಡುತ್ತವೆ ಅನ್ನೋದನ್ನು ಅವರು ಮರೆತುಬಿಡುತ್ತಾರೆ. ಆದಾಗ್ಯೂ, ಕೆಲವರು ಮದ್ಯಪಾನ ಮಾಡಿದರೆ ಚೆನ್ನಾಗಿ ನಿದ್ರೆ ಮಾಡಲು ಸಹಾಯವಾಗುತ್ತದೆ ಎಂದು ಹೇಳುತ್ತಾರೆ. ಇದಕ್ಕೆ ನಿಜವಾದ ಕಾರಣ ಏನು ಅನ್ನೋದನ್ನು ನಾವೀಗ ತಿಳಿದುಕೊಳ್ಳೋಣ.

ಮದ್ಯಪಾನ ಮಾಡುವುದರಿಂದ ಚೆನ್ನಾಗಿ ನಿದ್ರೆ ಬರುತ್ತದೆಯೇ? ಇದಕ್ಕೆ ಇಲ್ಲ ಅನ್ನೋದೆ ಉತ್ತರ. ತಜ್ಞರು ಹೇಳುವಂತೆ ಮದ್ಯಪಾನ ಮಾಡುವುದರಿಂದ ಚೆನ್ನಾಗಿ ನಿದ್ರೆ ಬರುತ್ತದೆ ಎಂಬುದು ಕೇವಲ ತಪ್ಪು ತಿಳುವಳಿಕೆಯಷ್ಟೇ. ಮಲಗುವ ಮುನ್ನ ಒಂದು ಲೋಟ ವೈನ್, ವಿಸ್ಕಿ, ಬಿಯರ್ ಇತ್ಯಾದಿ ಮದ್ಯಪಾನ ಮಾಡುವುದರಿಂದ ನಿಮ್ಮ ಶ್ರಮವೆಲ್ಲ ವ್ಯರ್ಥ ಎಂದು ತಜ್ಞರು ಹೇಳುತ್ತಾರೆ.

ಇದನ್ನೂ ಓದಿ: ಬರೀ ಬಾಯಲ್ಲಿ ಕನ್ನಡ ಕನ್ನಡ ಅನ್ನಬಾರದು… ಕಮಲ್​ ಹಾಸನ್​ ವಿವಾದಕ್ಕೆ ಶಿವಣ್ಣನ ಮೊದಲ ಪ್ರತಿಕ್ರಿಯೆ! Kamal Haasan

ಮದ್ಯಪಾನ ಮಾಡಿ ನಿದ್ರಿಸಿದರೂ ಸಹ ದೇಹಕ್ಕೆ ಸ್ವಾಭಾವಿಕವಾಗಿ ಅಗತ್ಯವಿರುವ ವಿಶ್ರಾಂತಿ ಸಿಗುವುದಿಲ್ಲ. ಮಲಗುವ ಮುನ್ನ ಮದ್ಯಪಾನ ಮಾಡುವುದರಿಂದ ನಿಮ್ಮ REM ನಿದ್ರೆ (ಕ್ಷಿಪ್ರ ಕಣ್ಣಿನ ಚಲನೆ) ಅಡ್ಡಿಯಾಗುತ್ತದೆ ಎಂದು ತಜ್ಞರು ಹೇಳಿದ್ದಾರೆ. ಇದಲ್ಲದೆ, ಮದ್ಯ ಸೇವಿಸಿದ ನಂತರ ನಿಮಗೆ ನಿದ್ರೆ ಬಂದರೂ, ಸ್ವಲ್ಪ ಸಮಯದ ನಂತರ ಆಲ್ಕೋಹಾಲ್ ನಿಮ್ಮ ದೇಹಕ್ಕೆ ಸೇರುವುದರಿಂದ ನೀವು ಹೆಚ್ಚಾಗಿ ಮೂತ್ರ ವಿಸರ್ಜಿಸಬೇಕಾಗುತ್ತದೆ. ಇದು ನಿಮ್ಮನ್ನು ಆಗಾಗ್ಗೆ ಎಚ್ಚರಗೊಳಿಸಲು ಕಾರಣವಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.

ಇನ್ನು ಮದ್ಯ ಸೇವಿಸಿ ಮಲಗಿ, ಮರುದಿನ ಎಚ್ಚರಗೊಂಡಾಗ ಅದು ನಿಮಗೆ ಆಯಾಸವನ್ನುಂಟು ಮಾಡುತ್ತದೆ. ಇದು ಮಾತ್ರವಲ್ಲದೆ, ನೀವು ಮದ್ಯ ಕುಡಿಯುವ ಸಮಯ ಮತ್ತು ನೀವು ಕುಡಿಯುವ ಪ್ರಮಾಣವು ಕೂಡ ನಿಮ್ಮ ನಿದ್ರೆಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ಆರೋಗ್ಯ ತಜ್ಞರು ಎಚ್ಚರಿಕೆ ನೀಡಿದ್ದಾರೆ. ಹೀಗಾಗಿ ಮದ್ಯದ ಚಟವನ್ನು ಆದಷ್ಟು ಕಡಿಮೆ ಮಾಡಿಕೊಂಡರೆ ಒಳ್ಳೆಯದು.

ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್” ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ.

https://www.vijayavani.net/do-not-take-these-food-items-along-with-medicines-even-by-mistake

https://www.vijayavani.net/how-does-water-in-an-earthenware-pot-cool-down-heres-the-explanation