ಬಿಜೆಪಿ ನಾಯಕರುಗಳ ಸ್ವದೇಶಿ ಹೇಳಿಕೆಯನ್ನು ಟೀಕಿಸಿದ ಅಖಿಲೇಶ್, ಬಿಜೆಪಿಯವರು ಸ್ವದೇಶಿ ವಸ್ತುಗಳ ಬಳಕೆಯ ಬಗ್ಗೆ ಮಾತನಾಡುತ್ತಾರೆ, ಆದರೆ, ಅವರ ಮನಸ್ಸು ವಿದೇಶಿ ಹಿತಾಸಕ್ತಿಗಳೊಂದಿಗೆ ಜೋಡಿಸಿಕೊಂಡಿವೆ. ಅವರು ಪ್ರಾಮಾಣಿಕವಾಗಿ ಸ್ವದೇಶಿಯಲ್ಲಿ ನಂಬಿಕೆ ಇಟ್ಟರೆ, ಚೀನಾದೊಂದಿಗೆ ವ್ಯಾಪಾರ ನಡೆಸುತ್ತಿರುವುದು ಏಕೆ? ಗೊಬ್ಬರ ಕೇಳಿದ ರೈತರನ್ನು ಲಾಠಿಯಿಂದ ಹೊಡೆಯಲಾಗುತ್ತಿದೆ, ಎಲ್ಲ ಕಡೆಗಳಲ್ಲೂ ಈ ಮಟ್ಟದ ಅನ್ಯಾಯ ನಡೆಯುತ್ತಿದೆ. ಚುನಾವಣಾ ನಿಧಿಗಾಗಿ ಸರ್ಕಾರ ವ್ಯಾಪಾರಿಗಳಿಗೆ ಲಾಭ ಮಾಡಿಕೊಳ್ಳುವ ಅವಕಾಶ ನೀಡುತ್ತಿದೆ ಎಂದು ಆರೋಪಿಸಿದರು. ಬಿಜೆಪಿ ಅತಿದೊಡ್ಡ ಜಾತಿವಾದಿ ಪಕ್ಷ, ಹಲವಾರು ಜಿಲ್ಲೆಗಳಲ್ಲಿ ಹಿಂದುಳಿದ ಸಮುದಾಯಗಳ ಅವಕಾಶ ಕಿತ್ತಕೊಂಡು, ನಿರ್ದಿಷ್ಟ ಜಾತಿಯ ಜನರನ್ನು ಮಾತ್ರ ನಿಯೋಜಿಸಲಾಗುತ್ತಿದೆ. ದಲಿತರು ದೌರ್ಜನ್ಯ ಎದುರಿಸುತ್ತಿದ್ದಾರೆ, ಮತ್ತು ನಾವು ಅವರ ದಾಖಲೆಗಳನ್ನು ಸಂಗ್ರಹಿಸುತ್ತೇವೆ ಎಂದು ಹೇಳಿದರು.(ಏಜೆನ್ಸೀಸ್)
