ಕಳೆದ ಕೆಲ ದಿನಗಳಿಂದ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯ ರೈ ಡಿವೋರ್ಸ್, ವಿಚಾರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಆದರೆ ಅಭಿಷೇಕ್ ಅಥವಾ ಐಶ್ವರ್ಯ ಇಬ್ಬರೂ ಈ ಬಗ್ಗೆ ಅಧಿಕೃತವಾಗಿ ಯಾವುದೇ ಹೇಳಿಕೆ ಕೊಟ್ಟಿಲ್ಲ.
ಇತ್ತೀಚೆಗೆ ಧೂಮ್ ನಟ ತನ್ನ ಮದುವೆಯ ಉಂಗುರವಿಲ್ಲದೆ ಕಾಣಿಸಿಕೊಂಡಾಗ ಅಭಿಷೇಕ್-ಐಶ್ವರ್ಯ ಡಿವೋರ್ಸ್ ಸುದ್ದಿಗೆ ಮತ್ತಷ್ಟು ಬಲ ಬಂದಿತ್ತು.
ಬಾಲಿವುಡ್ನ ಮೋಸ್ಟ್ ಹ್ಯಾಪೆನಿಂಗ್ ಕಪಲ್ ಐಶ್ ಮತ್ತು ಅಭಿಷೇಕ್ ಅವರನ್ನು ಬಾಲಿವುಡ್ನ ಪವರ್ ಕಪಲ್ ಎಂದು ಕರೆಯಲಾಗುತ್ತದೆ. 2007 ರಲ್ಲಿ ಮದುವೆಯಾದ ಇವರಿಗೆ 2011 ರಲ್ಲಿ ಆರಾಧ್ಯ ಎಂಬ ಹೆಣ್ಣು ಮಗುವಿನ ಜನನವಾಯ್ತು.
ಆದರೆ 16 ವರ್ಷಗಳ ಇದೀಗ ಅಭಿಷೇಕ್-ಐಶ್ವರ್ಯ ಮದುವೆ ಮುರಿದು ಬಿದ್ದಿದೆ. ಇವರಿಬ್ಬರೂ ವಿಚ್ಛೇದನ ನೀಡುತ್ತಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಒಟ್ಟಾರೆಯಾಗಿ ಇವರಿಬ್ಬರೂ ಡಿವೋರ್ಸ್ ನೀಡಲಿದ್ದಾರೆಯೋ ಇಲ್ಲವೋ ಅನ್ನೋ ವಿಚಾರದ ಬಗ್ಗೆ ಯಾವುದೇ ಮಾಹಿತಿ ಇಲ್ಲ.
ಸದ್ಯ ಈ ಬಗ್ಗೆ ನೆಟ್ಟಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಕಾಮೆಂಟ್ ಮಾಡುತ್ತಿದ್ದು, ಅಭಿಷೇಕ್ ಅವರು ತಮ್ಮ ಇತ್ತೀಚಿನ ಈವೆಂಟ್ನಲ್ಲಿ ಎಮಗೇಜ್ಮೆಂಟ್ ಉಂಗುರ ಇಲ್ಲದೇ ಹಾಜರಾಗುತ್ತಿರೋ ಫೋಟೋ ರೆಡ್ಡಿಟ್ನಲ್ಲಿ ಶೇರ್ ಮಾಡಲಾಗಿದ್ದು, ಅವುಗಳು ವೈರಲ್ ಆಗಿವೆ.
ಮುಂದಿನ ಸಿನಿಮಾದಲ್ಲಿ ಅಭಿಷೇಕ್ ವಿಚ್ಛೇದನ ಪಡೆದವನಾಗಿ ನಟಿಸುತ್ತಿದ್ದಾರೆ ಆದ್ದರಿಂದ ಈ ರೀತಿ ವಿಚ್ಛೇದನದ ವದಂತಿ ಹರಡುತ್ತಿದ್ದಾರೆ ಎಂದು ಓರ್ವ ವ್ಯಕ್ತಿ ಕಾಮೆಂಟ್ ಮಾಡಿದ್ರೆ, ಮತ್ತೋರ್ವ ವ್ಯಕ್ತಿ ಅಭಿಷೇಕ್ ಕೈ ಬೆರಳು ದಪ್ಪವಾಗಿದೆ ಅನಿಸುತ್ತೆ ಅಂತಾ ಮತ್ತೋರ್ವ ವ್ಯಕ್ತಿ ಕಾಮೆಂಟ್ ಮಾಡಿದ್ದಾರೆ.
ಒಟ್ಟಾರೆಯಾಗಿ ತಮ್ಮ ವಿಚ್ಛೇದನದ ಕುರಿತಂತೆ ಇಬ್ಬರೂ ಅಧಿಕೃತ ಮಾಹಿತಿ ಹಂಚಿಕೊಂಡಿಲ್ಲವಾದರೂ ಬೆಂಕಿ ಇಲ್ಲದೆ ಹೊಗೆ ಆಡೋದಿಲ್ಲ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.